Македонија
Никој не го применува Законот за заштита на укажувачите
Во Македонија веќе една година постои еден од најдобрите Закони за заштита на укажувачите, но во пракса не функционира, најмногу заради тоа што нема политичка волја, но и затоа што не се определуваат пари од Буџетот за негово спроведување.
„Законот за заштита на укажувачите е донесен во ноември 2015 година како резултат на политички процес. Не беше спроведен процес на консултација или поширока информираност на јавноста за тоа што значи донесувањето на овој закон. Би рекла дека беше донесен како противтежа на законот за заштита на приватноста и тоа е сигурно една од причините поради која не постои политичка волја за спроведување на овој закон. Иако веќе една година имаме закон, ниту една од надлежните институции не се погрижи овој закон да заживее. Два пати во меѓувреме се донесе буџетот, но не се обезбедија средства за соодветна примена на законот за тие институции коишто треба тоа да го направат, ниту, пак, кај нив постои некаква иницијатива“, рече Слаѓана Тасева, од Транспаренси интернешнал, на тркалезната маса во понеделник на тема „Законот за заштита на укажувачи и искуства и предизвици“.
Според неа, единствена иницијатива покажал приватниот сектор, стопанските комори, но смета дека тоа е така бидејќи поттикот дошол од заканата од казна. За нив, како и за јавниот сектор, постои санкција доколку не ги применат одредбите од овој закон, односно доколку не воспостават систем за применување или заштитено укажување, но инспекторот побрзо ќе казни сопственик на некоја фирма, отколку да го казни претседателот на Државната комисија за спречување на корупцијата, којашто е најповикана да обезбеди заштитено надворешно пријавување и тоа да го уреди.
Во Народното правобранителство, велат дека немаат капацитет, дека немаат луѓе, немаат ресурси и дека имаат потешкотии во примена на овој закон.
„Во принцип, не се спроведува сѐ уште. Од она што интерно е направено тоа е запознавање на вработените во институцијата со обврските и она што значи во тековното работење доколку се појави лице коешто би сакало да направи одредено пријавување или да се повика на овој закон ништо повеќе не е направено, меѓутоа тоа останува како пропуст и на Народниот правобранител и на другите институции. Но, стојат и објективните околности, дека не се предвидени стредства за примена на законот“, вели Зоран Билбиловски од канцеларијата на Народниот правобранител.
Во МВР долго време имало отпор за спроведување на обврските од овој закон, а во минативе две три недели успеале да постигнат некаков договор барем да навлезат во темата да видат што е тоа што треба да се прави.
„Министерството за внатрешни работи веќе подготви нацрт-упатство за начинот за постапување за заштитено внатрешно и надворешно пријавување во МВР“, рече Дејан Андонов, од МВР, кој додаде дека очекуваат да биде прифатена од сите одделенија и да профункционира наскоро.
Во јавното обвинителство исто така, постои големо недоразбирање и конфузија за тоа како работата на јавното обвинителство ќе се одвои од работата по овие пријави, но од таму, денеска иако имаше покането гостин, никој не дојде.
Тасева смета дека граѓаните сѐ уште се оставени сами на себе и се соочуваат на пример со губење на работно место, доколку пријават случаи на незаконито однесување, а за тоа постои закон којшто создава обврска тие пријавувања да бидат заштитувани и да нема никаква последица.
„Ако законот е донесен во Собранието и институциите имаат обврска тоа да го спроведат, тогаш мораме одговорните во тие институции да ги повикаме на одговорност затоа што не си ја спровеле својата работна обврска“, додава таа.
Проектот е поддржан од Холандија, а како што рече амбасадорот Воутер Пломп, тоа го направиле бидејќи „ние сме убедени дека борбата против корупцијата е една од најважните прашања што земјите од Западен Балкан мора да ги решат на својот пат кон евроинтеграциите и токму тука организациите на граѓанскиот сектор и на независните медиуми и поединците играат витална улога“./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Реконструирана првата фасада со финансиска поддршка од општина Кисела Вода
Во населбата Цветан Димов, на улицата Марко Цепенков бр. 4, влез 1, успешно е завршена првата реконструкција на фасада на станбена зграда со финансиска поддршка од Општина Кисела Вода, извести општината.
Градоначалникот Орце Ѓорѓиевски денес се сретна со станарите, кои преку овој проект добија значително подобрување на условите за домување и зголемена енергетска ефикасност.
Се работи за жители на општината кои успешно аплицираа на јавниот повик за набавка на термоизолациони материјали за реконструкција на фасади на станбени згради за колективно домување на територија на Општина Кисела Вода. Финансиските средства за овој проект во висина од 277.612,00 денари беа обезбедени од Буџетот на Општина Кисела Вода.
-Денеска сведочиме на првиот успешно реализиран проект за реконструкција на фасада со финансиска поддршка од Општина Кисела Вода. Оваа иницијатива е дел од нашата посветеност кон подобрување на животниот стандард на граѓаните и унапредување на енергетската ефикасност во колективното домување. Свесни сме дека добрата термоизолација не само што ги намалува трошоците за енергија, туку и значително придонесува за поквалитетен живот на станарите. Овој проект е само почеток, а нашата намера е да продолжиме со поддршка за што повеќе згради во иднина. Ги охрабрувам сите заедници на сопственици и управители на згради да аплицираат на ваквите повици и да ја искористат можноста за подобрување на своите домови-истакна градоначалникот Орце Ѓорѓиевски.
Општина Кисела Вода продолжува со своите активности за поддршка на колективното домување и зголемување на енергетската ефикасност. Според условите на јавниот повик, за оваа субвенција можеа да аплицираат заедници на сопственици или управители на станбени згради изградени пред 2010 година, соопшти општината.
Македонија
Министерството за јавна администрација: ДУИ шири лаги и ја дезинформира јавноста
„Министерството за јавна администрација, односно Државниот управен инспекторат, најостро ги демантира лагите и манипулациите што Демократската унија за интеграција (ДУИ) ги шири во јавноста. Обвинувањата дека Државниот управен инспекторат утврдил злоупотреба на службената положба и одземал надлежности на министерот за животна средина Изет Меџити, се целосно неточни и злобно конструирани со политичка заднина“, демантираат од Министерството за јавна администрација во однос на обвинувањата од страна на Демократската унија за интеграција (ДУИ) за Државниот управен инспекторат.
„ДУИ, како партија која повеќе од две децении ја држеше заробена администрацијата и систематски ја претвораше во алатка за партиски интереси, сега се обидува да манипулира со јавноста преку лаги и дезинформации.
Државниот управен инспекторат нема ингеренции за одземање на надлежности на министри, ниту за водење истраги за корупција – тие се во доменот на правосудните органи, кои токму ДУИ ги блокираше со години за да се заштити од одговорност.
Она што навистина се случи е редовен инспекциски надзор во Управата за животна средина, спроведен согласно Годишниот план за работа за 2024 година. Овој надзор се однесува исклучиво на почитувањето на законските процедури и нема никаква поврзаност со обвинувањата што ДУИ ги пласира.
Очигледно е дека ДУИ, соочена со губење на влијанието и привилегиите што си ги создаде врз грбот на граѓаните, сега посегнува по очајни методи на политички спинови.
Наместо да одговорат за сопствените злоупотреби и партизација на институциите, се обидуваат да ја префрлат вината врз оние што вистински работат на градење транспарентна и професионална администрација.
Министерството за јавна администрација, преку Државниот управен инспекторат, нема да дозволи политички структури да го злоупотребуваат системот за свои дневнополитички цели.
Јавноста има право да знае дека оваа Влада се води од принципите на законитост и отчетност – нешто што ДУИ никогаш не можеше да го постигне додека беше на власт“, се додава во демантот на Министерството за јавна администрација.
Македонија
Лагите на пуленот на ДУИ немаат крај, реагира ВМРО-ДПМНЕ
„СДС повторно шири бесрамни лаги со цел да ја прикрие катастрофалната состојба во која ја остави државата. Тврдењата дека Владата ќе вработи 3.000 лица се целосна невистина и очаен обид на СДС да најде оправдување за сопствениот политички неуспех“, реагира ВМРО-ДПМНЕ на прес-конференцијата на Богданка Кузеска.
„Ако некој создаде армија на неспособни партиски војници и ја претвори државната администрација во штаб на Бихаќка, тоа е токму СДС!
Дополнително, ако има вработувања, тие ќе бидат исклучиво во согласност со пописот и реалните потреби на институциите, а не по партиски список како што правеше СДС.
Смешно е што СДС денес држи прес-конференции наместо ДУИ против Влен.
До толку се зависни од ДУИ што еден ден природно ќе си го исполнат стариот договор и ќе се спојат во една партија.
Оваа Влада е посветена на квалитет, а не на партиски списоци, и тоа граѓаните го гледаат.
Паниката во редовите на СДС е очигледна – знаат дека повеќе нема шеми, тендери и дебели хонорари за нивните послушници, па измислуваат скандали кои постојат само во нивните глави“, се додава во реакцијата на ВМРО-ДПМНЕ.
(Видео) Судири меѓу полицијата и демонстрантите во Бугарија, десничарите против воведувањето на еврото
Приврзаниците на крајната десница денеска се судрија со полицијата за време на протестот за поддршка на бугарската валута лев и...
Нападната и силувана девојка од Скопје, уапсен 37-годишник
Денеска во 01.20 часот во Скопје, полициски службеници од СВР Скопје го лишиле од слобода 37-годишниот Б.Б. од Скопје, постапувајќи...
Додека управувал возило му се слошило и починал: автомобилот излетал од патот во Радовиш, удрил во столб па во паркиран „форд“
Вчера во 10.52 часот во Полициската станица Радовиш било пријавено дека на улицата „8 Септември“ во Радовиш, додека управувал патничко...
(Фото) Претрес во Тетово, пронајдена дрога, уапсен дилер
Вчера во 16.55 часот во Тетово, полициски службеници од СВР Тетово го лишиле од слобода 37-годишниот М.М. од Тетово. При...
(Видео) „Скандалозната одлука на Таравари за КАРИЛ: Загрозени животи и распад на здравствениот систем“, вели Цветаноски
„Здравството е во тотален хаос, ништо не функционира, нема лекови, нема соодветни услуги, не работат важни центри. Со последната скандалозна...
Хамас го предаде телото на Шири Бибас, пред два дена предале погрешно тело
Од кибуцот Нир Оз денеска беше потврдено дека телото на жената предадено од палестинската екстремистичка група Хамас во Појасот Газа...
„Њујорк Пост“ до Трамп: Ова е диктатор
На насловната страница на вчерашното издание на „Њујорк пост“ беше објавена фотографија од рускиот претседател Владимир Путин со натпис: „ОВА...
(Видео) Мицкоски од Вашингтон: Македонија е верен сојузник на САД, направивме многу отстапки, Европа треба да биде принципиелна наместо со двојни стандарди
Премиерот Христијан Мицкоски вчера се обрати на конференцијата „CPAC“ во Вашингтон, при што ја искористи приликата да ја запознае американската...
Со секира го искршиле стаклото од кафулето, па со бензин го запалиле: обвинение против тројца за намерно предизвикување пожар во Кисела Вода
По спроведена истражна постапка, јавен обвинител од Основното јавно обвинителство Скопје поднесе Обвинителен акт против вкупно три лица кои се...
(Видео) „Децата биле брутално убиени со голи раце“: Израел го обвини Хамас за убиство на двете киднапирани момчиња
Ариел и Кфир Бибас, две израелски момчиња киднапирани од Хамас за време на терористички напад на 7 октомври 2023 година,...
Трамп: Зеленски не е доволно важен за да биде на преговорите
Американскиот претседател ја продолжи вербалната војна против својот украински колега. Овој пат Доналд Трамп изјави дека Зеленски не е доволно...
Нема потреба од промена на химната, симболите треба да обединуваат, а не да разединуваат, порача Сиљановска-Давкова
Нема потреба од промена на химната, одговори денеска претседателката на државата, Гордана Сиљановска-Давкова, која појасни дека треба да се биде...
Вработените во Филхармонијата со порака до Љутков: „Нема да дозволиме институцијата да биде жртва на бесрамни политички договори
Вработените во Македонската филхармонија денеска на протест преку кој упатија јавен апел до министерот за култура и туризам, Зоран Љутков...
Полициски возила ќе ги снимаат погрешно паркираните за автоматско казнување
Покрај камерите на улиците во рамките на „Безбеден град“, кои ќе ги ловат прекршоците во сообраќајот, полицајци со возило опремено...
„Ројтерс“: Американците и Русите се состанувале во Швајцарија со месеци на разговори за Украина
Претставници на САД и Русија се состанале во Швајцарија на неформални разговори за војната во Украина во последните месеци, од...
Левицата на средба со рускиот амбасадор: „Односите ни се на минимум поради водење политика за туѓи интереси“
Во репрезентативната „Струшка сала“ на Собранието, пратениците на Левица, Димитар Апасиев и Реџеп Исмаил – Хактан, вчера, остварија средба со...
Мицкоски од Вашингтон: Прво, завршени преговори, па уставни измени, претрпевме многу понижувања
Ние како нација направивме сè што можевме, претрпевме многу понижувања и прифативме многу лоши договори поради нашата европска перспектива и...
Шефот на диломатијата на Трамп: Нема средба меѓу Путин и Трамп без напредок за крај на војната
Можниот состанок меѓу американскиот претседател Доналд Трамп и рускиот претседател Владимир Путин во голема мера ќе зависи од тоа дали...
Меџити најавува масовни вработувања во администрацијата: Ќе создадеме илјадници работни места за Албанците
Првиот вицепремиер и претседател на Демократското движење, Изет Меџити, ветува дека Албанците ќе се вработуваат во државната и јавната администрација....
Tрамп му понуди на Зеленски нов договор за минералите
Администрацијата на Трамп и понуди на Украина подобрена верзија од нацрт-договорот за минералите, откако претседателот Володимир Зеленски го налути американскиот...
