Македонија
ОБСЕ: Притисоци, пристрасност и продолжени тензии

Политичката атмосфера во земјата останува тензична, додека опозицијата и некои граѓански организации бараат одложување на изборите и повикуваат на поголема вклученост на меѓународната заедница во решавањето на кризата, контра-демонстрации повикуваат на одржување на изборите на 5-ти јуни, се наведува во извештајот на мисијата на ОБСЕ/ОДИХР во Македонија вториот на оваа организација за следењето на предвремените парламентарни избори, објавен во петокот.
Во извештајот се нотира дека се добиени „кредибилни наводи“ за притисок врз вработените во јавниот сектор да учествуваат на контра-демонстрациите, вклучително и закани за прекин на вработувањето, меѓутоа за тоа не биле поднесени официјални приговор. Неколку соговорници на НМИ на ОБСЕ/ОДИХР ваквите закани ѝ ги припишале на културата на страв од одмазда која постои во државните претпријатија и институции.
Во извештајот се наведува и дека „Државната изборна комисија (ДИК) продолжува да работи во многу тензична политичка атмосфера. Од 15 април, двата члена номинирани од СДСМ не учествуваат на седниците на ДИК. И покрај законската обврска да се состануваат јавно, ДИК одржа две затворени седници, и одлуките не се систематски објавувани на нејзината интернет-страница. Многу подрачни канцеларии на ДИК изразија незадоволство во врска со недостигот на средства и недоволната поддршка од централата.
На 28-ми април, ДИК назначи нови членови во Општинските изборни комисии (ОИК), водејќи сметка за минималната застапеност на полот и етничките малцинства, пропишана со закон. Од четирите поголеми парламентарни партии, се чини дека само владејачката партија номинираше свои членови во Избирачките одбори (ИО). Со оглед дека одреден број на ОИК сé уште не се оперативни, назначувањето на членови во ИО е со задоцнување од неколку дена.
Наводните нерегуларности во избирачкиот список, како фиктивните гласачи и други нечесни практики, се користат како еден од главните аргументи за одложување на изборите. Извештајот за напредокот на ДИК од 26 април за ажурирањето на избирачкиот список досега не откри докази за лажна регистрација на гласачи“, стои во извештајот на ОБСЕ.
Наводните нерегуларности во избирачкиот список, како фиктивните гласачи и други нечесни практики , се користат како еден од главните аргументи за одложување на изборите. Извештајот за напредокот на ДИК од 26-ти април за ажурирањето на избирачкиот список досега не откри докази за лажна регистрација на гласачи На околу 1,8 милиони гласачи им беше овозможено да ги проверат само своите податоци по електронски пат, но не и податоците на останатите граѓани, согласно пропишаното со закон ДИК не ги објави избирачките списоци на интернет, поради одлука на Дирекцијата за заштита на личните податоци. Управниот суд сé уште нема донесено одлука по тужбата на ДИК
„Првиот извештај од мониторингот на Агенцијата за аудио и аудиовизуелни медиумски услуги заклучи дека досега приватните радиодифузери Алфа, Канал 5, Канал 5+, Сител и Нова не известувале објективно, правично и непристрасно. Извештајот дополнително заклучи дека првите четири горенаведени медиуми ја координирале нивната уредничка политика.
Првичните податоци на НМИ на ОБСЕ/ОДИХР од мониторингот на медиумите покажуваат дека јавниот сервис МРТ-1 досега известуваше ограничено за политичките настани. Јавниот сервис МРТ-2 и Алсат-М повеќе известуваа за албанските партии. Додека приватните Сител, Канал 5 и Алфа покажуваат пристрасност кон ВМРО-ДПМНЕ и се против СДСМ, приватните Телма и 24 Вести се побалансирани“, се вели во извештајот на ОБСЕ./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Бендевска: Да го продолжиме заветот од Илинден и пораката од АСНОМ

По повод 2 Август – Денот на Републиката, во име на претседателот на Собранието на Република Северна Македонија, Африм Гаши, потпретседателката на Собранието на Република Северна Македонија, Весна Бендевска, заедно со собраниска делегација во состав: Бране Петрушевски, Никола Коњановски, Даниела Николова и Даниел Стојчевски, одбележа 81 година од Првото заседание на АСНОМ, во Меморијалниот центар АСНОМ во Пелинце.
„На хероите на двата Илиндена кои се жртвуваа за денес да можеме да бидеме свои на своето, да им ветиме уште еднаш дека денешните генерации нема да го заборават заветот што ни го оставија. Да ги насочиме нашите погледи, стремежи и напори од заедничкото минато, кон заедничката сегашност и иднина. Да го продолжиме заветот од Илинден и пораката од АСНОМ“ – порача потпретседателката Бендевска.
Македонија
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република

Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во Крушево.
Во својот говор, Сиљановска-Давкова рече дека е „време за нова пролет на нашата македонска република, за навраќање на републиканските корени“.
„Што значи тоа? Македонските граѓани од својата република очекуваат барем две нешта ̶ слобода и правда. Кога зборувам за слобода, не мислам само на политичката, туку и на економската, на академската, на културната, на социјалната… Кога зборувам за правда, не мислам само на правосудството, туку и на социјалната, еколошката и на генерациската правда. Не смееме да изумиме дека предуслови за слободата и за правдата се владеењето на правото и еднаквоста пред законот“, истакна претседателката.
Таа додаде дека „мора да го искорениме плевелот на корупцијата и на криминалот“.
„Никој не смее да биде недопирлив, независно дали е поранешен или актуелен политичар или функционер, судија или влијателен бизнисмен. За правдата да биде неселективна и навремена, потребни се забрзани и длабоки реформи во правосудството, а тие почнуваат со европска правна рамка, но и со европски критериуми на регрутирање, како и со европски стандарди на функционирање и одговорност“, вели Сиљановска-Давкова.
Според неа, потребен ни е здравствен систем по мерка на здравјето на пациентите и на нацијата. За креативните умови, потребни се инвестиции во образованието и науката, во истражувањето, во развојот и дигитализацијата.
Претседателката се осврна и на пожарите.
„Деновиве, републиката ни е во пламен. За помалку шумски пожари, потребен е не само правен, туку и ефикасен институционален систем, вистински луѓе на важни позиции, вградена превентивна и волонтерска димензија, стимулативни мерки за пожарникарите, пожарникарството и за волонтерите. И овие активности се во ек. За да се заштити здравјето на луѓето и на природата, мора да ставиме крај на дивите депонии и на нивното палење, но и да имаме контрола врз палењето“, вели претседателката.
Сиљановска-Давкова истакна дека имаме потреба од длабоки и суштински реформи во секоја област по европска мерка: со заштитени слободи и права, со владеење на правото и бескомпромисна борба со корупцијата; со стратегиски партнерства со државите со заеднички вредности и интереси; со независни и функционални институции; со компетитивна економија и со капитални инвестиции; со партиципативна политичка култура.
„Ние не сме стебло без корен. Нашата слобода и нашата република се вкоренети во европската пролет на народите, во демократските и хумани визии на „Млада Европа“. И затоа, на оној што ќе ни рече „вие сте млад народ со млада држава“, ќе му одговориме дека сме чеда на Гоцевата визија за „Млада Европа“ обединета Европа, и за светот како поле за културен натпревар на народите!
Колку и да ни е тешко, не треба да се обесхрабруваме од пречките и препреките. Сме опстоиле и сме надминале и потешки проблеми. Не сме сами. Имаме пријатели – демократи кои го почитуваат нашето право на национален и културен идентитет, на граѓански дигнитет и интегритет зашто и самите го сакаат и уживаат. Верувам во нивната поддршка и помош. Тие не се плашат да укажат и да се спротивстават на двојните стандарди и на анахроните обиди за ревизија на историјата.
Ние не се откажуваме од природниот пат кон членството во ЕУ, оти отсекогаш сме дел на Европа: географски, историски и културно, зошто да не и политички. Едноставно, ние балканските народи и нации сме биле, сме и ќе останеме Европејци.
Цврсто сме решени како што беше европски зацртано да стигнеме до целта до 2030 година, европеизирани по словото на Копенхагенските критериуми!“, рече претседателката Сиљановска-Давкова.
Македонија
Филков од Пелинце: АСНОМ нека ни биде потсетник – патот на правдата бара храброст, истрајност и одговорност

Министерот за правда, Игор Филков, беше дел од владината делегација која оддаде почит по повод 81 година од Првото заседание на АСНОМ, во Меморијалниот центар АСНОМ во Пелинце.
„Денес сме овде, во Меморијалниот центар АСНОМ во Пелинце, за да оддадеме почит на државничката визија и храброста на генерациите кои пред 81 година го поставија темелот на нашата државност.
Првото заседание на АСНОМ не е само историски момент, туку жив доказ дека борбата за правда, слобода и достоинство е темел на нашето постоење како народ и држава.
Како министер за правда, должност ми е да го чувам тој завет – да се грижам за правна држава, за независни институции и за заштита на човековите права.
Нека ни биде потсетник – патот на правдата бара храброст, истрајност и одговорност. АСНОМ ни остави обврска, а ние имаме должност таа обврска да ја преточиме во дела“, истакна министерот Филков.