Македонија
Обвинителството има докази дека професорите од „Економски факултет“ зеле 2.800 евра
Обвинителството за организиран криминал и корупција, коешто го води случајот „Еразмус“, односно откриената корупција на Економскиот факултет во Скопје, има докази дека професорите зеле вкупно 2.800 евра.
Оваа сума не е конечна, бидејќи постојат сомненија и за други случаи, но засега таа сума не е потврдена со факти и со докази. Во Јавното обвинителство доаѓале студенти кои пријавувале дека професорите им барале пари, но овие тврдења, исто така, сé уште не се докажани, велат од Обвинителството.Во понеделникот професорот на Економскиот факултет и поранешен декан, Бобек Шуклев, на паркингот беше приведен откако беше фатен како зема 1.000 евра коишто биле обележани, а претходно биле обележани уште други 1.000 евра.Јавната обвинителка, Лидија Раичевиќ која ја води истрагата, соопшти дека предметот и преткривичната постапка траела во 2015 и во 2016 година . Откако професорот Шуклев ги примил обележаните евра, за шест минути интервенирала полицијата и Шуклев беше задржан на паркингот во кампусот на Универзитето „Свети Кирили и Методиј“.„Со целокупниот тек на акцијата раководи јавниот обвинител, но ниту јавниот обвнител не може да знае кога некој ќе побара пари, во кој момент ќе му се донесат и кога ќе се случи тоа. Во оној момент кога дејствието на кривичното дело беше довршено, јавниот обвинител издаде наредба во рок од половина час да се организира акција за задржување на лицето и преземање мерки за обезбедување на докази. За половина час да организирате акција во којашто ќе ги преземете на најефикасен и на најдобар можен начин доказите, заслужува пофалба, а не критика. Ниедно човеково право не е нарушено, ниту законитиот тек на постапката е нарушен“, рече Раичевиќ.Дел од доказите се обезбедени со Посебни истражни мерки, бидејќи, како што објасни Обвинителката во овој случај, ваквите кривични дела тешко се откриваат и на Јавниот обвинител му стојат на располагање сите механизми за да ги открие сторителите. „Предметот се обработува во 2015 и 2016 година. Се работеше за сериозно сомнение за сериозно коруптивни кривични дела. Природата на овие дејствија се такви што никогаш не се јавни, тешко се откриваат, сторителите се кријат, се работи за интелектуалци и луѓе кои се во висок општествен ранг на наншето постоење. Тој факт му налага на јавниот обвинител да преземе сé што му стои на расплагање како механизам за да ги открие и од тие причини беа спорведени Посебни истражни мерки“ , изјави Раичевиќ.Петмина осомничени во вторникот беа изведени пред судија на претходна постапка кој му определи мерки за претпазливост, односно, привремено одземање на патна или друга исправа за преминување на државната граница, односно забрана за нејзино издавање и обврска на осомничениот да се јавува повремено на определено службено лице или кај надлежен државен орган.Обвинителката ја заменила мерката притвор со мерка за претпазливост анализирајќи ја кај секој осомничен индивидуално здравствената состојба, семејните и материјалните односи, потребите за патување, нивниот работен однос, дали има можности за бегство. Обвинителката ја сменила одлуката кога добила информации дека сите докази се обезбедени. „Овие мерки, кои инаку се благи, делуваат како одредена привилегија кон обвинетите, но воопшто не значат тоа. Суштината на делата е многу тешка, се работи за посебни групи жртви, тоа се студенти кои во подолг период имале притисок и не можеле да ги полагаат испитите на регуларен начин. Овој предмет ќе ја добие длабочината, што значи кривично дело корупација’, додаде Раичевиќ.Останатите тројца обвинети треба да дадат изјава во Јавното обвинителство. За нив не биле побарани никакви мерки бидејќи Обвинителството проценило дека степенот на основните на сомнението на протвиправните дејствија не е толкав за да одлучува дали ќе ги задржи, односно дали нивното присуство ќе ни биде задолжително.Обвинителството има докази дека двајца од осомничените барале сексуални услуги за преодна оценка, а во овој случај жртвите биле со прикриен идентитет.Полициската акција за Обвинителката воопшто не ја нарушила автономијата на Универзитетот и според нејзе автономијата не значи анархија. „Законот за високо образование содржи член 14 кој во својот став 1 предвидува начело на Универзитетот дека просториите и просторот којшто ги поседува Универзитетот е неповредливо. Но ова начело во истата таа одредба содржи и отстапка дека полицијата и другите државни органи кога се соочени со затекнато лице на извршување кривично дело или треба да спречат извршување на кривични дела, можат слободно да влезат во овој простор. Во сите останати ситуации ректорот треба да биде известен“, рече Раичевиќ.Во случајот „Еразмус“ осомничени се угледни професори од Економскиот факултет кои се товарат дека барале пари за да им напишат преодна оценка на студентите без знаење.Меѓу осомничените е и член на МАНУ за кого не се определени мерки на претпазливост./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почувствуван земјотрес во Битола, Охрид и околината: епицентарот во Албанија
Телеметриската сеизмолошка мрежа на Република Северна Македонија, на сеизмолошките станици инсталирани и одржувани од Сеизмолошката опсерваторија при Природно-математичкиот факултет во Скопје, вечерва во 23 часот и 10 минути регистрира земјотрес чиј епицентар потекнува од соседна Република Албанија, на околу 150 км југозападно од Скопје, со Рихтерова локална магнитуда, ML3.7
Според досегашните податоци со кои располага опсерваторијата, земјотресот е почувствуван во Битола, Охрид и околината со интензитет од III степени според Европската макросеизмичка скала.
За потребите на сеизмолошките истражувања, доколку сте го почувствувале земјотресот, пополнете го прашалникот за почувствуваност достапен на линкот: https://seismobsko.pmf.ukim.edu.mk/prasalnici или јавете се на 112.
Македонија
Земјотрес во Охрид
Земјотрес со епицентар во Грција е почувствуван во Охрид и околината, вечерва во 19 и 50 часот.
„Телеметриската сеизмолошка мрежа на Република Северна Македонија, на сеизмолошките станици инсталирани и одржувани од Сеизмолошката опсерваторија при Природно-математичкиот факултет во Скопје, вечерва во 19 часот и 50 минути регистрираа земјотрес чиј епицентар потекнува од соседна Република Грција, на околу 100 км југозападно од Скопје, со Рихтерова локална магнитуда, ML3.7“, соопшти Сеизмолошката опсерваторија.
Според досегашните податоци со кои располага опсерваторијата, земјотресот е почувствуван во Охрид и околината со интензитет од III степени според Европската макросеизмичка скала.
За потребите на сеизмолошките истражувања, доколку сте го почувствувале земјотресот, пополнете го прашалникот за почувствуваност достапен на линкот: https://seismobsko.pmf.ukim.edu.mk/prasalnici или јавете се на 112.
Македонија
Андоновски на состаноци во Стејт департментот: Соработката во областа на сајбер безбедноста и дигитализацијата во фокусот
Во рамки на работната посета во Вашингтон, денеска се реализираат работни средби во Стејт департментот на САД. Министерот за дигитална трансформација, Стефан Андоновски, утринава оствари работна средба со Russ Headlee, Senior Bureau Official (SBO), прв човек на Бирото за Сајбербезбедност и дигитални политики на Стејт Департментот на САД.
„На средбата беше потврдена заедничката определба за унапредување на билатералната соработка меѓу Република Македонија и Соединетите Американски Држави во областа на дигиталната трансформација и сајбер безбедноста. Разговорите се фокусираа на продлабочување на соработката во клучни области: сајбер безбедноста и дигиталните политики; привлекување на инвестиции од САД во областа на дигитализацијата и сајбер безбедноста; доверливо поврзување на институциите и безбедна инфраструктура; отпорност и доверба“, соопштија од Министерството.
Дополнително, во рамки на дискусијата биле опфатени и прашања поврзани со јакнење на капацитетите помеѓу партнерските влади, размена на експертиза, како и јавно-приватна соработка во доменот на сајбер безбедноста, со цел развој на безбедни и доверливи дигитални јавни услуги и заштита на критичната дигитална инфраструктура.
„Дигиталната трансформација мора да оди рака под рака со сајбер безбедноста и довербата во технологијата. Соработката со Стејт департментот и со Бирото за сајбер безбедност и дигитална политика е значаен чекор за зајакнување на нашите капацитети и за побрза модернизација на јавните услуги“, истакна министерот Андоновски.
Во продолжение на работната агенда, заедно со македонската делегација предводена од претседателот на Собранието, Африм Гаши, министерот Андоновски оствари средба и со Daniel J. Lawton, заменик помошник секретар во Стејт департментот.
Според Министерството, оваа средба претставува значаен чекор кон зајакнување на соработката, градење институционални капацитети, размена на експертиза и меѓусебна поддршка помеѓу Македонија и САД.
Средбите завршија со договор за наредни чекори, вклучително и утврдување приоритетни области за соработка и редовна комуникација меѓу тимовите, со цел подготовка и реализација на конкретни активности и проекти во претстојниот период.

