Македонија
Обвинителството покани експерти од ЕУ за актуелните предмети
И покрај тоа што има капацитет да се справи со сите предмети, но во насока на поголема транспарентност, како и со цел оневозможување на шпекулациите за работењето на јавните обвинители во предметите поврзани со актуелните случувања, Јавното обвинителство на Република Македонија достави во петокот официјална покана до органите на Европската унија за испраќање на меѓународни експерти кои би биле во тек со работата на јавните обвинители по актуелните предмети.
Ваквата одлука, како што се истакнува во соопштението, е одраз на „цврстиот став дека јавните обвинители доследно постапуваат согласно законите“ и дека јавноста нема причина за сомневање за нивното постапување.
Иако во објавата децидно не се соопштува за кои предмети станува збор, се претпоставува дека во прашање е обвиненеито против поранешниот директор на Управата за безбедност и контраразузнавање, кој е првоосомничен во акцијата „Пуч“. Зоран Верушевски е осомничен за две дела шпионажа и помагање при насилство спрема претставници на највисоките државни органи во полициската акција „Пуч“, во којашто осомничени се и неговата сопруга, лидерот на СДСМ, Зоран Заев и локален струмички функционер.
На 25-ти февруари вработен во МВР, обвинет во случајот „Пуч“, веќе доби тригодишна затворска казна откако се спогодил со Јавното обвинителство, а Основниот суд Скопје ја верификувал спогодбата.„Овозможувањето меѓународни експерти да бидат во тек со работата по предметите е само поради целосна транспарентност при работењето и отстранување на евентуалните сомнежи во објективноста на нашето постапување“, се додава во изјавата од Јавното обвинителство на Република Македонија и истовремено се изразува уверување дека со овој чекор се придонесува кон градењето довербатво независното и самостојно постапување на јавното обвинителство“.
Од Јавното обвинителство, меѓу другото, велат дека ја ценат отвореноста како „фундамент на демократијата“, и поради тоа посветуваат должно внимание на транспарентноста. Притоа се истакнува дека континуирано се обезбедуваат информации за текот на предметите во фазите на постапувањето „кога со откривање на информациите не може да се наруши натамошниот тек на кривичната постапката“.
„Јавното обвинителство е единствен и самостоен државен орган кој ги гони сторителите на кривични дела и на други со закон утврдени казниви дела. Јавните обвинители функцијата ја вршат законито, непристрасно и објективно. Во рамки на своите надлежности, а во име на општеството се грижат за ефикасност на кривичноправниот систем“, се вели во соопштението доставено до медиумите.
Се додава и дека обвинителство доследно ги почитува законите на земјата, ги почитува и заштитува слободите и правата на човекот и граѓанинот и правата на другите правни субјекти инволвирани во постапките./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Владиката Тимотеј ќе биде погребан в четврток на Плаошник
Дебарско кичевскиот митрополит Тимотеј ќе биде погребан в четврток на Плаошник, одлучи Синодот на МПЦ-ОА.
Ополето ќе биде во црквата Света Софија истиот ден, со заупокоената Литургија ќе служи Архиепископот Стефан во сослужение со надлежните епархиски архиереи и претставниц на други помесни цркви.
Светиот архијерејски синод (САС) на Македонската Православна Црква – Охридска Архиепископија (МПЦ – ОА), во постојан состав, на 26 ноември 2024 година одржа вонредна седница и го определи датумот за погребение на блаженоупокоениот Дебарско-кичевски Митрополит Тимотеј.
Синодот определи заупокоената Света Литургија и Опелото да бидат извршени во четврток на 28 ноември 2024 година, во храмот „Св. Софија“ во Охрид, со почеток во 9 часот.
На Светата Литургија ќе чиноначалствува Неговото Блаженство Архиепископ Охридски и Македонски г.г. Стефан во сослужение со надлежните епархиски архијереи на МПЦ – ОА, како и со претставници од другите Помесни Православни Цркви.
Погребението ќе биде извршено до јужната апсида на Плаошкиот манастир во Охрид.
Царство Небесно и вечен спомен на блаженоупокоениот Митрополит Тимотеј, стои во соопштението на Синодот на МПЦ-ОА, пренесе „Религија.мк“.
Македонија
Заменик-министерот Исени на 115 сесија на Советот на Меѓународната организација за миграции во Женева
„Градењето капацитети за управување со миграцијата се планира и имплементира согласно националните потреби и интереси, но и во согласност со ЕУ политиките и стандардите, при што се земаат предвид и препораките содржани во Извештаите за напредок на Европската Комисија, како и искуствата на ЕУ државите“.
Ова, меѓу другото, го истакна заменик министерот за внатрешни работи, Астрит Исени во своето денешно обраќање во рамки на редовната 115 сесија на Советот на Меѓународната организација за миграции (IOM), што се одржува во Женева, Швајцарија, посветена на натамошно усогласување на актуелните миграциони политики, како и прашања од значение за натамошното функционирање на оваа, инаку една од најголемите меѓународни асоцијации.
Во своето обраќање заменик министерот Исени презентирајќи дел од законските решенија и активностите по однос на миграциите на национално ниво, ги посочи и главните стратешки документи во оваа област како што се Националната стратегија за интегрирано гранично управување, Националната стратегија за борба против илегална миграција и прекуграничен криминал, Резолуцијата на миграциската политика и Патоказот за владеење на правото.
„Меѓународната соработка претставува важен дел во јакнењето на капацитетите за управување со миграцијата – како во областа на размена на информации и искуства, така и во областа на оперативната соработка и експертската и техничката поддршка“, потенцираше заменик министерот Исени, нагласувајќи ги во тој контекст имплементираните регионални проекти, финансиски поддржани од Европската комисија, а спроведени преку Фронтекс и други релевантни партнери, како и национални проекти дизајнирани и прилагодени за нашите потреби.
Инаку, во рамки на оваа четиридневна 115 Сесија, која што официјално започна со работа денеска, а ќе трае до четврток (28.11.), свое обраќање имаше и генералниот директор на ИОМ, Ејми Поуп, која што го презентираше извештајот и стратешките заложби на организацијата во наредниот период.
Македонија
Шесте автобуси на гас стигнаа со правописни грешки на налепниците за ориентација, нарачани се нови налепници
Со правописни грешки на албански и македонски јазик на ориентационите налепници стигнале новите автобуси на природен гас кои Европската Унија ги донираше за ЈСП.
Од Министерството за животна средина и просторно планирање известија дека грешките се веднаш воочени и изготвени се нови налепници од страна на УНОПС, кои ќе бидат заменети пред пуштањето во употреба на шестте еколошки автобуси, наменети за подобрувањето на квалитетот на воздухот во градот Скопје.
Автобусите се донацијата во рамките на проектот „ЕУ за чист воздух“, вреден 10 милиони евра, кој се очекува да придонесе кон намалување на загадувањето, а ги опфаќа најмногу загадените градови во земјата – Скопје, Битола, Куманово и Тетово.