Македонија
Судскиот совет избра нов претседател, судиите тврдат дека нема партиски договори со нив
Судскиот совет во петок избра нов претседател кој ќе го води ова тело, откако на досегашната претседателка Александра Зафировска во декември минататa година и истече вториот мандат.
Новоизбраниот претседател, Бранко Ушковски кој беше единствен кандидат и избран со 13 гласа, од вкупно 14 членови на Советот со право на глас во своето прво обраќање во јавноста се соочи со прашањата за снимките кои ги објави опозицијата, во кои се слуша како министри се пазарат и договараат за член на Судскиот совет и со прашања дали ќе успее да ја врати довербата во ова тело. Сепак Ушковски децидно тврди дека не постојат партиски договори за избор на судии, но не одговори конкретно за изборот и работата на судиите од Судскиот совет.„Најискрено ве уверувам дека судиите најчесно, најодговорно и најпрофесионално ја извршуваат својата судска функција, што се однесува за поединечни судии за кои е утврдена одговорноста или ќе биде утврдена одговорноста, во никој случај истите да не се изедначуваат со останатите судии кои навистина чесно и одговорно ја извршуваат работата. Многу минорен број на судии имаат направено пропусти и повреди и за нив е утврдена одговорност. Во никој случај не постојат партиски договори за избор на судии“, изјави Ушковски.Досегашната претседателка на судскиот совет, Александра Зафировска во своето последно обраќање како претседател на ова тело ги негираше, како што рече, пишувањата на медиумите дека ова тело било пасивно по завршувањето на нејзиниот мандат. „Судскиот совет во овие два месеца, како и во претходните години, карактеристични за овој период на годината, значи за првото тромесечие, ги преземаше истите активности кои ги преземал и порано, а кои се однесуваат на надлежноста на судскиот совет“, рече Зафировска. На седницата присуствуваше и министерот за правда, Аднан Јашари кој е член на судскиот совет, но нема право на глас. „Во вакви тешки времиња мислам дека е тешко да се биде на било која позиција, особено на врвот на судското тело одговорно за целата судска власт“, рече Јашари, во обраќањето до членовите на Судскиот совет и им се заблагодари за нивната работа.Иако Јашари во медиумите излезе со интервју во кое тврдеше дека судиите работат под притисок, сепак денеска не сакаше да коментира за овие негови изјави. Тој не ги коментираше ниту снимките кои ги објави опозицијата, а се однесуваат на судиите. Јашари го презентираше својот став за политичката криза, за којашто, според него,треба да се најде решение преку меѓународно посредништво. Како министер за правда, не се изјасни ниту дали институциите имаат капацитет за правна разрешница на политичката криза во Македонија, остави на народот да го процени капацитетот на институциите.„Во една ваква ситуација неопходно е прво политичко разрешување на една ваква ситуација преку посредување со меѓународен посредник кој би бил прифатлив за сите страни. Многу е битно решението кое ќе произлезе од посредувањето да биде прифатливо за сите страни. Во однос на тоа дали ќе има правна разрешница ситуацијата, институциите треба да имаат капацитет да го решат проблемот. Во однос на капацитетот на нашите институции нема да се изјаснам, вие сте медиуми и правите анализи и ќе добиете одговор од народот дали веруваат и имаат доверба во капацитетот на институциите“, изјави Јашари.И Јашари тврди дека нема политички договор во изборот на претседател на Судскиот совет и се повика на законот според кој сите членови на Судскиот совет не се политички ангажирани.
Ушковски пет години е член на Судскиот совет, а претходно работел како правник во Министерството за одбрана./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.