Општество
МЗ: СДСМ да се стави во функција на граѓаните а не на бизнисите
СДСМ да престане да се става во функција на адвокат на бизнис моќници зашто секо манипулирање со состојбата на пациентите кои примаа инсулинска терапија е директно во функција на заштита на нечии бизнис интереси, а не заштита на здравјето на пациентите. Секоја одговорна политичка партија има обврска да се грижи за интересите на сопствената држава, без разлика дали е во влада или опозиција, а не да се става во функција на силни финансиски центри на моќ реагираа во неделата од Министерството за здравство на обвинувањата на најголемата опозициска партија.
СДСМ да престане да се става во функција на адвокат на бизнис моќници зашто секо манипулирање со состојбата на пациентите кои примаа инсулинска терапија е директно во функција на заштита на нечии бизнис интереси, а не заштита на здравјето на пациентите. Секоја одговорна политичка партија има обврска да се грижи за интересите на сопствената држава, без разлика дали е во влада или опозиција, а не да се става во функција на силни финансиски центри на моќ реагираа во неделата од Министерството за здравство на обвинувањата на најголемата опозициска партија.
Претходно во неделата СДСМ побара од власта веднаш да им обезбеди соодветен инсулин на пациентите, рече Гоце Чакаровски, претседател на Комисија за здравство на најголемата опозициска партија кој побара од министерот за здравство Никола Тодоров и од премиерот Никола Груевски да кажат дали од Клиниката за ендокринологија е испратено алармантно писмо до Министерството за здравство во кое наводно лекарите пишале дека не се согласуваат со начинот на промена на инсулинската терапија на дијабетичарите „што им ја наложува Владата на Груевски“.
„Општо познато во стручната јавност е дека не е штетна по здравјето замената на еден тип на инсулин со друг. Но, исто така, општо познато е дека тоа може да доведе некој да претрпи финансиска загуба“, се истакнува во писмената реакција на Министерството за здравство.
Притоа се истакнува, во врска со прес-конференцијата на СДСМ, на ставовите на експертите и најголемите авторитети од областа на дијабетесот во земјата претходно изнесени во јавноста дека во моментот има доволно висококвалитетен инсулин и овозможено е континуирано снабдување на пациентите со дијабетес мелитус и во делот на хуманите инсулини и во делот на инсулинските аналози, така што на располагање има доволно опции за постигнување добра гликемиска контрола кај сите пациенти.
„ Секоја замена со друг тип на инсулин се прави со соодветен инсулин на начин што нема да доведе до нарушување на гликемиската контрола, што значи дека не постои никаков медицински ризик за пациентите. Во нашата земја присутни се хумани инсулини и инсулински аналози со исклучително висок квалитет од врвните светски производители од САД, Данска и Франција. Уделот на инсулинските аналози во нашата земја е исклучително висок и може да се споредува со најразвиените здравствени системи во светот“, истакнуваат натаму од министерството.
Според Министерството за здравство, апсолутно нема никакви причини за страв и паника кај лицата со дијабетес и основна задача апсолутно може да се постигне со расположливите инсулини, со редовни контроли и титрација.
„Во оваа прилика, Ве потсетуваме (иако е веќе општо познато) дека сите инсулинозависни пациенти можат слободно да отидат на преглед кај специјалист ендокринолог без претходно закажување во системот МојТермин, и на прегледот ќе бидат регуларно примени“, се вели во дописот.
Од Министерството за здравство, исто така, повторно апелираат дека од исклучителна важност е да не се шири непотребна паника кај лицата со дијабетес, бидејќи стресот доведува до покачување на ткн стрес-хормони, кои доведуваат до зголемување на гликемијата кај сите луѓе, а посебно кај популацијата со дијабетес. Токму затоа, во име на здравјето на овие пациенти, треба да престанат манипулациите и обидите за креирање лажна слика за снабдувањето со инсулин, се бара во реакцијата.
„Консултирани се поголем број ендокринолози и сите ги потврдија погоре изнесените наоди дека нема апсолутно никаков ризик по здравјето на пациентите со дијабетес. Целосно се невистинити тврдењата дека се работи за нагла промена. Секој граѓанин со дијабетес си го добива соодветниот инсулин и ниту еден пациент не е оставен без соодветната терапија. Не е точно дека се набавени помали количини инсулин, затоа што очигледно инсулин има доволно, туку се работи за стратегија на една компанија која долги години имаше монополска позиција. За среќа, за разлика од порано, државата повеќе не е заложник на една компанија, односно на еден круг финансиско-фармацевтско-политички моќници како што беше во времето на СДСМ, туку има соодветна, ефикасна и безбедна алтернатива за секаков тип инсулинска терапија“, порачуваат од Министерството за здравство. Исто така, се наведува дека со новиот тендер, првпат во Македонија ќе се зголеми бројот на бесплатни ленти за мерење гликемија, од околу 4 ленти месечно на околу 30 ленти месечно кај лицата со дијабетес мелитус тип 2 на инсулинска терапија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Годишен извештај на Народниот правобранител: Помалку претставки од граѓаните за работата на јавните обвинителства
Во извештајната 2023 година, во областа која се однесува на работата и постапувањето на обвинителствата во Република Северна Македонија поднесени се 63 претставки што е за 24 помалку во однос на 2022 година, се констатира во Годишниот извештај за степенот на обезбедувањето почитување, унапредување и заштита на човековите слободи и права во 2023 година што го објавува Народниот правобранител на Република Северна Македонија.
Согласно објавените податоци, бројот на претставки на граѓаните на годишно ниво се намалил за повеќе од 38%, што претставува резултат на заложбите на Јавното обвинителство за зголемување на ефикасноста на постапките и континуираните напори за подобрување на довербата на граѓаните во работата на јавните обвинителства.
Во најголем број од претставките граѓаните бараа интервенција во врска со постапки пред основните јавни обвинителства (51), потоа пред Основното јавно обвинителството за организиран криминал и корупција (4), постапка пред Јавното обвинителство на РСМ (3), пред вишите јавни обвинителства (2), друго (2) и една претставка се однесуваше за постапка пред Совет на јавни обвинители. Ваквиот сооднос е очекуван со оглед на обемот на предметна работа и фактот што токму јавните обвинителства со основна надлежност го прават првиот директен контакт на граѓаните со институцијата.
Доколку се има предвид вкупниот обем на работа на јавните обвинителства кои активно постапуваат по поднесени кривични пријави за над 40.000 сторители на кривични дела во текот на годината, поднесените 63 претставки до Народниот правобранител претставуваат околу 0,1% од таа бројка. Притоа, граѓаните во посочените предмети изразувале незадоволство поради непостапување по поднесена пријава на кривично дело, одолжување на постапката или поради незадоволство од донесена одлука. Од тие причини Народниот правобранител, меѓу останатите препораки во извештајот, во делот на Јавното обвинителство препорачува основните јавни обвинителства да ги доставуваат јавнообвинителските одлуки до странките и да им се овозможи правото да ги обжалат до повисоките јавни обвинителства, да постапуваат поажурно и навремено да преземаат дејствија, да го почитуваат рокот од 3 месеци доколку не донесат јавнообвинителска одлука да го известуваат повисокиот јавен обвинител и пријавителот, за да нема сомневање и страв дека гонењето ќе застари.
Сите овие забелешки Јавното обвинителство ги зема предвид, детално ги анализира и ќе продолжи да презема активности за дополнително зголемување на ефикасноста, на транспарентноста и на отчетноста за постапките што ги води. Ваквите заложби на Јавното обвинителство се веќе воспоставен начин на работа при што уште во извештајот за 2022 година омбудсманот констатираше дека за разлика од претходните години, сега јавните обвинителства, особено издвојувајќи ги Основното јавно обвинителство Скопје и Основно јавно обвинителство за гонење на организиран криминал и корупција, постапуваат по барањата на Народниот правобранител, даваат суштински и целосни одговори за бараните информации од постапките, се вели во соопштението од Јавното обвинителство.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.