Кривичниот совет во петокот ја потврди одлуката со којашто се одбиваат жалбите од Специјалното јавно обвинителство (СЈО) за одредување притвор на поранешната министерка за внатрешни работи Гордана Јанкулоска, секретарот на Владата, Кирил Божиновски, претставникот во општинската изборна комисија во скопската општина Чаир, Исмет Гури, и уште две лица.

Кривичниот суд во петокот ги потврди и другите опет решенија на судиите на претходна постапка со кои се отфрлаат барањата на Специјалното јавно обвинителство за притвор.

„Кривичниот совет во Одделението за организиран криминал и корупција при Основниот суд Скопје 1 – Скопје, постапувајќи по жалби на Обвинителството за гонење кривични дела поврзани и кои произлегуваат од незаконското следење на комуникациите, доставени против решение на судијата на претходна постапка од 15.02.2016 година, со кое се одбива предлогот на Обвинителството за определување мерка притвор за лицата Г.Ј., К.Б., К.Т. и Н.В., денеска одржа седница во присуство на странките, кое беше одобрено по нивно барање, по што: Кривичниот совет составен од тројца судии, по секој поединечен предмет по жалба на Обвинителството во кој како членови на совет учествуваа сите судии од Одделението за организиран криминал и корупција, донесе решенија со кое жалбите на Обвинителството за гонење кривични дела поврзани и кои произлегуваат од незаконското следење на комуникациите, за лицата Г.Ј., К.Б., К.Т. и Н.В., се одбиваат како неосновани, а решението на судија на претходна постапка се потврдува.

Постапувајќи по жалбата на Е.Т. за лишување од слобода, Кривичниот совет донесе решение со кое жалбата на Е.Т., поднесена преку неговите бранители, се уважува.

Кривичниот совет од Одделот Кривично полнолетни, постапувајќи по жалбата на Обвинителството за гонење кривични дела поврзани и кои произлегуваат од незаконското следење на комуникациите на решението на судија на претходна постапка од Одделот Кривично полнолетни со кое се одбива предлогот за определување мерка притвор за лицето И.Г. и се определуваат мерки за претпазливост, советот донесе решение со кое ја одбива жалбата на Обвинителството , а решението на судијата на претходна постапка се преиначува така што гласи дека предлогот за определување мерка притвор се одбива како неоснован.

Постапувајќи по жалбите поднесени од обвинителството советот почитувајќи го законски предвидениот рок донесе решенија кои во текот на денешниот ден беа писмено изработени и се експедирани односно испратени до странките“, се наведува во соопштението.

Решенијата се веќе изработени и доставени до странките во случајот, кои против нив немаат право на жалба.

Така отстранета е мерката за претпазливсот, која судијата на претохдна постпака му ја одреди на секретарот на општинскатаи изборна комисија во Чаир, Исмет Гури, кому во понеделникот му беше одредена мерка со којашто му се забрнуваше пристап до одредени лица.

Кривичниот совет, исто така, одлучил да ја прифати и жалбата на одбранта на градончалник на општината Пустец во соседна Албанија, Едмонд Темелко за неговото лишување од слобода. Судиите во претходна постапка му изрекоа мерка за претпазливост единствено на Темелко, кој треба еднаш неделно да се јавува во судот во Ресен.

Специјалното јавно обвинителство претходно побара од судот притвор за споменатите лица, ценејќи дека постои „основан страв дека ќе ги сокријат, фалсификуваат или уништат трагите на кривичното дело“ или, пак, „ќе влијаат врз сведоците и вештаците“. Кривичниот совет, во четвртокот постапи по жалбата и одби притвор и за поранешниот министер за транспорт и врски Миле Јанакиевски и за уште две лица.

Специјалното обвинителство уште вчера најави дека продолжуваат со истрагата и не ја отфрлија можноста во натамошниот тек на случајот повторно да се бара притвор, доколку се обезбедат нови докази за овие лица./крај/мф/бб

Извор: Макфакс