Македонија
Откупните претпријатија за ориз блокирани, земјоделците да склучат договор најмалку 45 дена пред да им ја продадат арпата

На вкупно десет од регистрираните 12 претпријатија за откуп на ориз во кочанскиот регион им е блокирано работењето поради земените мостри од залихите што им се најдени во магацините. Ќе се прави испитување на квалитетот на оризот во три сертифицирани лаборатории во Македонија, по што треба секој од откупувачите ќе добие лиценца со која ќе може да извезува на странските пазари. Испитувањето ќе потрае, а дотогаш и откупот ќе мирува.
Од Кочани, Тони Ајтовски
Тоа е причината поради која кај земјоделците се создаваат дополнителни нервози. Примената на таквата мерка, велат, доаѓа во најнеповолен момент кога сé уште се собира годинешната реколта, а непродадени се и околу 3.000 тони арпа од минатата година. Освен тоа, и максималната откупна цена што не надминува 15 денари за килограм е далеку под рентабилната.
„Во моментот повисока е цената на трошокот по произведен килограм арпа отколку откупната цена, а откуп врши само ‘Левидиагро’, турската компанија“, вели Зоран Борисов, потпретседател на Здружението на оризопроизводители „Бело злато“ од Кочани.
Од Кластерот за ориз, пак, потсетуваа на законската обврска за навремено склучување договори за откуп.
„Производителите на ориз кои сакаат да ја продадат арпата, ќе мораат најмалку 45 дена порано да склучат договор со откупувачите за да можат да го пласираат производството. Во спротивно претпијатијата ќе им ги откажуваат барањата за откуп“, рече Александар Донев од Кластерот за ориз.
Земјоделците се сомневаат дека во блокирањето на работењето на откупувачите има и политика, бидејќи само на две претрпријатија во кочанско и натаму им се овозможува да откупуваат арпа./крај/мф/та
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Целосно изгаснат пожарот во општина Желино кој се прошири кон месноста Карпалак

Пожарот кој вчера изби на територијата на општина Желино во атарот на село Церово, а подоцна во вечерните часови се прошири во насока на месноста Карпалак покрај автопатот Скопје – Тетово, е целосно изгаснат, извести директорот на ДЗС, Стојанче Ангелов.
Врз него од тетовската страна дејствуваше ТППЕ Тетово, а од скопската страна БППЗ Скопје.
Ангелов упати голема благодарност до тетовските и скопските пожарникари кои во ноќни услови успеаја да го изгаснат овој голем пожар кој во делови се одвиваше на тешко пристапен терен.
Во текот на вчерашниот ден целосно се изгаснати 29 пожари на отворен простор. Во овој момент 4-те активни пожари на отворен простор се под целосна или делумна контрола, додаваат од ДЗС.
Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.