Во четврток, , со почеток во 15 часот, во Кабинетот на Претседателот на Република Македонија, ќе се одржи заедничко интервју на претседателот Ѓорге Иванов, со главните и одговорни уредници повеќе телевизии, кое ќе биде емитувано во живо на првиот канал на Македонска телевизија и на интернет.

Интервјуто ќе го водат главните уредницци на Македонска Телевизија, ТВ Алфа, ТВ Алсат – М, ТВ Канал 5, ТВ Сител, ТВ Телма, ТВ 21, ТВ Шења, Телевизија Нова и ТВ 24 Вести. Поканетите претставници на медиумите ќе имаат можност да ги постават сите прашања во врска со последната одлука на претседателот Иванов, соопштија од Кабинетот на претседателот.   Интервјуто ќе биде емитувано во живо на првиот канал на Македонската Телевизија  и на интернет страницата www.mrt.com.mkОва интервју доаѓа по одлуката на претседателот Иванов од пред два дена кога поднесе општ акт за прекинување на сите кривични постапки против лица од власта и од опозицијата за, како што рече, зачувување на државните и националните интереси и ова го гледа како начин за излез од политичката криза.Иванов рече дека е подготвен да ги поднесе сите критики кои по оваа одлука би стигнале на негова адреса, но убеден дека донел исправна одлука.„Никој не може да ме убеди дека оваа криза е во интерес на Република Македонија. Оваа криза е нечиј туѓ интерес, за некои туѓи цели и интереси. Некој кој сака нешто да постигне. Некој кој сака преку завојуваните олитичари и политички лидери и нивните поддржувачи да оствари своја цел. Сето она што се случуваше во изминатиот период резултираше со до сега невидена политичка конфронтираност, со политика на меѓусебно пресметување и уништување. Бескраен реваншизам и омраза и лична конфронтација. Погледнете што им се направи на нашите политичари и од власта и од опозицијата. Тие толку многу завојуваа, работите отидоа толку лично и далеку. Си отворија толку многу кривични постапки, што сега и едните и другите се подготвњени да употребат секакви можни средства, само да не бидат поразени на следните избори“, рече Иванов, пред два дена во своето обраќање. Уште истиот ден беа организирани протести пред канцелариите на Специјалното јавно обвинителство, пред канцеларијата на Иванов во центарот на градот, пед седиштата на СДСМ и на ВМРО-ДПМНЕ.Протестите продолжија и вчера, а најавени се и за денеска и за утре, кога претседателот на Собранието, Трајко Вељаноски треба да ги распише изборите на 5 јуни.Протестите во среда вечер беа насилни, демонстрантите се судрија со полицијата и го пробија кордонот, по што 13 лица беа приведени.Повеќето од амнестираните и аболицираните, декларативно не ја прифатија одликата на Иванов./крај/мф/бб