Македонија
Пазарењата за нова Влада почнаа, ДУИ не е против коалиција со СДСМ
По вчерашното прегласување во едно гласачко место во Теарце, бројот на мандати не се смени, па сега политичките партии размислуваат на кој начин да формираат Влада, а таа секако ќе биде формирана од една македонска и една или неколку албански партии.
Имено, ВМРО-ДПМНЕ има 51 мандат, а ДУИ, досегашниот партнер во власта од албанскиот блок, 10, што е доволно да се имаат мнозинство пратеници, кои би ја изгласале новата Влада. Сепак, се шпекулира дека од избраните десет пратеници од ДУИ, четворица не сакале да коалицираат со ВМРО-ДПМНЕ и доколку седнат во Собранието со предлог Влада составена од овие две партии, истата нема да ја гласаат.
Од друга страна пак, останатите три албански партии Движењето Беса со 5, Алијанската на Албанците со три и ДПА со два мандата, сите заедно без ДУИ со ВМРО-ДПМНЕ повторно би имале мнозинство во парламентот, но Беса од почеток вели дека нема да седне на иста маса со оние кои се инкриминирани од нелегално прислушуваните разговори.
Поради истата причина, и во неделата не се појавија на средба со лидерите на другите албански партии, што ја организираше лидерот на ДУИ Али Ахмети, што се одржа во хотелот „Александар Палас“.
Беса официјално соопшти дека средбата во „Александар палас“ е свикана од луѓе кои се споменуваат во предметите на Специјалното јавно обвинителство, како на пример во случајот „Маѓар Телеком”. „Членовите на ДУИ и ДПА и во ДИК уште еднаш му служеа верно на ВМРО-ДПМНЕ, одземајќи еден пратеник од коалицијата Преродба со Беса на сметка на Груевски. Волјата на нашите гласачи е да не учествуваме на состанокот свикан од претседателот на ДУИ. Не можеме позитивно да одговориме на оние кои, откако ја злоупотребија власта и волјата на Албанците за 15 години, газејќи и понижувајќи ги Албанците како никогаш порано, како и зајакнувајќи го екстремно антиалбанската фигура Никола Груевски, ги принудија Албанците да гласаат и за една македонска партија“, соопшти Беса.
Сепак, од таму додадоа дека ќе ги поддржат сите иницијативи кои ќе доаѓаат од сите субјекти кои го бранат и унапредуваат институционалниот интерес на Албанците и евро-атлантскиот стратешки интерес на државата.
Зијадин Села во име на коалицијата Алијанса за Албанците, по вчерашната средба со претседателот на ДУИ Али Ахмети изјави дека оваа средба била важна од аспект на иднината на албанскиот јазик.
Села е подготвен на коалиција и со СДСМ и со ВМРО-ДПМНЕ, заедно со ДУИ, кој би донесол 10 пратеници и трите пратенички места што ги освои Алијансата за Албанците. Тоа значи дека партиите од Алијансата, Движење за реформа на ДПА на Зијадин Села, Унитети на Гзим Острени и НДМ на Весел Мемеди се подготвени за формирање влада и со Никола Груевски и со Зоран Заев.
За средбата со Али Ахмети Села вели дека тоа бил важен состанок од аспект на иднината на албанскиот јазик.
„Тие што не беа присутни, се против. Ние сме за еднакви права“, изјави Села, алудирајќи на Беса, чија коалиција освои пет пратенички места.
По средбата, Села на Фејсбук напиша дека Влада во формат 50+10+3 e можна, но нестабилна, а најдобра би била комбинацијата 50+10+5+3 и дека само така албанскиот ќе стане рамноправен со македонскиот јазик. Тоа значи во коалицијата да влезе и Беса, партија која одбива да биде во каква било комбинација со политичари кои се споменуваат во прислушуваните разговори.
Од друга страна пак, се шпекулира за отпорот внатре во ДУИ за уште еден мандат во коалиција со ВМРО-ДПМНЕ, каде се вели дека четворица од новите пратеници на ДУИ веќе наговестиле дека во Собранието нема да гласаат за формирање влада со ВМРО-ДПМНЕ.
Потпретседателката на ДУИ, Теута Арифи, вели дека нејзината партија не исклучува варијанта во која новата влада би се формирала со СДСМ, но дека одлуката за тоа како ДУИ ќе постапи допрва треба да биде донесена.
„Ние мислиме дека Мајскиот договор е коректен договор зад кој сме стоеле, ние сме го инсталирале, но во исто време непобитен факт е дека по овие избори ДУИ фактички не е единствениот претставник и не е претставник на волјата на албанското мнозинство. Затоа би било неправедно ако би направила некаква комбинација во име на волјата на албанското мнозинство со оглед на тоа дека има 10 мандати, но не претставува силна волја или мнозинство од над 51 отсто на албанските гласачи“, рече Теута Арифи.
По средбата со Ахмети, Села, Мемеди и Острени се согласија дека само со заедничка платформа со учество на сите политички претставници на Албанците во Македонија може да се изборат за правата на Албанците. Тие ги повикаа и лидерите на Беса и ДПА да им се приклучат и порачаа дека ќе коалицираат со онаа партија од македонскиот политички блок која ќе им понуди иднина.
Нивните барања се албанскиот јазик да стане втор службен јазик во Македонија, продолжување на мандатот на СЈО, имплементација на препораките од извештајот на Прибе, рамномерна распределба на буџетот и консензуално одлучување за сите битни прашања./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Објавено колку Македонци живеат во Германија
Повеќе од 14 милиони странци живеат во Германија, а Украинците станаа втора најголема група странски државјани и наскоро би можеле да ги престигнат Турците, кои со децении се на првото место. Според податоците од Централниот регистар на странци (AZR) од 30 ноември 2025 година, во Германија се регистрирани 1,52 милиони турски државјани и повеќе од 1,4 милиони Украинци, објавува FOCUS.
Бројот на имигранти од Украина значително се зголеми поради руската војна што започна во февруари 2022 година. Оттогаш, стотици илјади жени, деца и мажи бегаат од Украина во Германија.
За споредба, на крајот на 2020 година, во Германија живееле 135.000 украински државјани. Сега, потребни се само околу 125.000 украински имигранти за да се заземе првото место на ранг-листата.
Меѓу водечките групи странци се државјаните на Романија, Полска, Бугарија и Хрватска, која е на деветтото место со 414.555 луѓе. Македонија е на 22. место со 161.044 наши државјани што живеат во Германија.
Исто така, постојат бројни заедници од големи земји како што се Русија, Кина и Индија, соседна Австрија и конфликтни зони како што се Ирак и Иран.
На крајот од статистиката се помалите земји од кои само неколку луѓе официјално живеат во Германија, како што се Света Луција, Вануату, Маршалските Острови и Ватикан.
Според најновите податоци, во Германија живеат точно 14.077.867 странци. Со оглед на тоа што Германија има околу 83,6 милиони жители, процентот на странци во вкупното население е околу 16,8 проценти.
Бројот на луѓе со миграциско потекло е значително поголем. Покрај странците, оваа група ги вклучува и децата на странци родени во Германија кои добиле германско државјанство по раѓањето, таканаречените „доцни имигранти“ (Spätaussiedler) од Источна Европа и поранешниот Советски Сојуз и натурализираните странци.
Според микропописот од 2024 година, речиси 25,2 милиони луѓе во Германија имале миграциско потекло, што претставувало повеќе од 30 проценти од вкупното население.
Статистиката на Централниот регистар на странци наведува повеќе од 200 земји и региони на потекло. Бројките вклучуваат и лица без државјанство (околу 28.500) и случаи со необјаснето потекло (околу 88.700).
Од вкупно 14 милиони странци, околу 230.000 се должни да ја напуштат земјата. Сепак, 190.360 од нив имаат „Duldung“ (привремен престој), додека речиси 40.000 луѓе живеат во Германија без овој статус и треба веднаш да ја напуштат земјата.
Меѓу оние кои мора да ја напуштат земјата, водечка земја на потекло е Турција со речиси 23.900 граѓани, од кои околу 20.500 имаат „Duldung“. Од Авганистан и Сирија, главните земји на потекло на барателите на азил, вкупно повеќе од 22.100 луѓе се обврзани да ја напуштат земјата, од кои 19.500 имаат „Duldung“.
Македонија
Министерство за транспорт: Сите државни патишта проодни, се препорачува внимателно возење поради врнежи од снег
Сите државни патишта во земјата се проодни и безбедни за сообраќај, соопшти Министерството за транспорт. Сообраќајот се одвива непречено, но поради актуелните врнежи од снег надлежните препорачуваат внимателно и прилагодено возење.
Јавното претпријатие „Македонија пат“ информира дека нивните екипи се целосно мобилизирани, со располагање на потребната механизација и работна сила, и во континуитет вршат расчистување на снегот на терен. Активностите се координираат со ЈП за државни патишта и Министерството за транспорт со цел да се обезбеди безбедно и непречено одвивање на сообраќајот низ целата држава.
Од Министерството апелираат возачите задолжително да користат зимска опрема, да ја почитуваат поставената сообраќајна сигнализација и да ја прилагодат брзината на условите на патиштата. Дополнително, се препорачува навремено информирање преку сите достапни информативни центри за состојбата на државните патишта.
Координираните активности на надлежните институции ќе продолжат и во наредниот период.
Македонија
(Фото) „Мобилизирани се сите служби“: Кисела Вода се справува со снежните наноси
По снежните врнежи кои го зафатија цело Скопје, општина Кисела Вода од раните утрински часови спроведува интензивни активности за чистење и одржување на патната инфраструктура со цел обезбедување безбедно и непречено одвивање на сообраќајот, извести Општината.
„Активиран е Кризниот штаб на општина Кисела Вода, кој е во постојана комуникација со сите надлежни служби и ја координира работата на терен, овозможувајќи ефикасно справување со зимските услови.
Со целосно ангажирана и расположлива механизација, камиони и екипи, континуирано се работи на расчистување на снегот и посипување сол на критичните точки каде што е евидентирана појава на мраз. Во моментов, активностите се одвиваат во населбите Припор, Пинтија и Драчево, како и пред градинките, училиштата и автобуските постојки.
Ангажирани се сите сезонски работници, а екипите се постојано присутни на терен за навремено да одговорат на сите пријави и состојби кои би можеле да го отежнат сообраќајот и секојдневното функционирање“, велат од Општината.
Општина Кисела Вода апелира до граѓаните за зголемена внимателност при движењето и почитување на сообраќајните правила, додека општинските служби продолжуваат со активностите сè до целосна стабилизација на состојбата.
За пријавување на проблеми поврзани со снег, замрзнати улици или отежнат пристап, граѓаните можат да се обратат на следните телефонски броеви:
Димитар – +389 72 443 500
Дарко – +389 78 383 746
Објавено колку Македонци живеат во Германија
Повеќе од 14 милиони странци живеат во Германија, а Украинците станаа втора најголема група странски државјани и наскоро би можеле...
Понудил за 100 евра да избрише судска казна од 200 евра: уапсен вработен во Основен суд во Гостивар
Вчера во 20:10 часот, полициски службеници од Полициското одделение Ростуше го лишија од слобода А.Ј.(49) од село Присојница, општина Маврово...
(Фото) Ѓорѓиевски: Од раните утрински часови, екипите на Град Скопје се постојано на терен
Соочени со зимските услови и снежните врнежи, Град Скопје навремено и одговорно ги презема сите неопходни мерки за обезбедување безбедно...
Обвинителството да ги истражи наводите за мафијашките притисоци, уцени и злоупотребата на системот од Филипче и Заев за остварување на клановските цели, бара ВМРО-ДПМНЕ
„Нема пора во општеството каде што СДС под менторство на Зоран Заев и Венко Филипче со мафијашки методи не владееле....
Граѓаните поблиску до ЕУ роаминг без дополнителни трошоци, велат од Министерството за дигитална трансформација
Министерството за дигитална трансформација известува дека измените и дополнувањата на Законот за електронски комуникации (ЗЕК) се влезени во владина процедура...
СДСМ: Дефокус на ВМРО преку Алфа и Жан додека се носат 10.000 „сезонски работници“
„Додека јавноста е бомбардирана со лажни и измислени афери со координирани напади преку Алфа ТВ, лажните изјави на Жан и...
(Видео) Американски специјалци упаднаа во уште еден танкер, објавена е снимка
Американските сили ја презедоа контролата врз танкер за нафта во Карипското Море, соопшти војската. Моторниот брод „Сагита“ ја прекрши блокадата...
(Видео) Трамп го прашаа колку далеку е спремен да оди за Гренланд: „Ќе дознаете“
Американскиот претседател Доналд Трамп вчера одби да прецизира колку далеку е спремен да оди во својот обид САД да го...
(Видео) Нова железничка несреќа во Шпанија: машиновозачот загина, 37 повредени
Машиновозачот загина, а најмалку 37 лица се повредени во железничка несреќа во близина на Барселона. Според локалните власти, возот Родалиес...
Забрани за камиони на планинските превои Ѓавато, Пресека, Маврово – Дебар и Струга – ГП Ќафасан
Забрани за тешки товарни возила на планинските превои Ѓавато, Пресека, Маврово – Дебар и Струга – ГП Ќафасан, извести АМСМ....
Полицијата ја тргнала плочката, а зад неа – 350.000 евра скриени во ѕидот: детали за падот на судијата
Единицата за корупција при Одделот за сузбивање на организиран и сериозен криминал поднела кривична пријава против судијата Ѓоко Ристов (53)...
МВР алармира: Граѓаните да не отвораат лажни пораки, наводно испратени од „Безбеден град“, и да не споделуваат лични податоци
Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку...
Јаневска: Колку повеќе децата се во училиште, толку е поголем нивниот резултат
Македонските ученици до 15-годишна возраст поминуваат дури 900 часови помалку во училишните клупи во споредба со нивните врсници од Европската...
Обвинителството побара куќен притвор за судијата Ѓоко Ристов осомничен за корупција
Обвинителството побара куќен притвор за судијата Ѓоко Ристов осомничен за корупција, кај кого беа пронајдени 350.000 евра соѕидани во ѕид...
Се зголемуваат цените на бензините и дизелот
Цените на бензините и на дизелот од ноќеска на полноќ ќе се зголемат за 1,5 и за 2 денари, соопшти...
Анел Фидоски нов шеф на скопското јавно обвинителство
На денешната седница на Советот на јавни обвинители, Анел Фидоски е избран за нов шеф на Основното јавно обвинителство Скопје....
(Видео) СДСМ обвини дека „Алфа“ не е само медиум туку политички проект: „Како и во времето на Груевски, повторно функционира како центар за црни кампањи“
Денеска, членот на Извршниот одбор на СДСМ, Јон Фрчкоски, на прес-конференција објави ново разоткривање на Антикорупцискиот тим – АКТ. Тој...
Лавров: Гренланд не е природен дел од Данска
Рускиот министер за надворешни работи, Сергеј Лавров, го коментираше конфликтот меѓу САД и Европа околу иднината на Гренланд, доведувајќи го...
Сакале насилно да влезат во затворена гостилница па го истепале сопственикот: 30-дневен притвор за двајца осомничени
Основното јавно обвинителство Куманово донесе Наредба за спроведување истражна постапка против две лица за кои постои основано сомнение дека заеднички...
Трамп објави фотографија и порача: Мора да го добиеме Гренланд
Американскиот претседател Доналд Трамп го повтори своето барање да ја преземе контролата врз Гренланд, автономна данска територија. Зборувајќи со новинарите...
