Како и во првиот извештај директна причина за падот на „кингерот“  со којшто загина тогашниот претседател Борис Трајковски и осумчлена делегација се пилотите, јавува Канал 5.
 

Босанскиот истражител во петок повеќе од два часа го презентираше новиот извештај за загинувањето на Трајковски.

Овој извештај, како што јавува телевизијата, е проширен само кругот на индиректните причини за несреќата.

Македонската СОЗР немала доволно вработени, не обезбедила обука за сите пилоти кои се ангажирани и била водена од лице кое претходно работело во Министерството за одбрана кое не било соодветно, рече Кулиќ.

Агенцијата за цивилна воздушна пловидба на Македонија издала дозвола за авионот без потребна документација, а авионот не бил соодветно одржуван.

СФОР направил процедура за слетување во Мостар каде морало да се користи радар, а радарот претходно бил расклопен и однесен од аеродромот. Босанските воздухопловни власти издале дозвола да се користи таа процедура за слетување поради што кингерот со Трајковски при несреќата воопшто не бил следен од земја со радар.

Не работела црната кутија за снимање на параметрите на летот и била застарена, а не бил функционален ниту уредот за лоцирање на авионот по уривањето. Тоа било доказ за истражителите дека СФОР крие нешто затоа што сигналот неисправниот уред го пријавиле како причина поради која е лоциран авионот.

Контролорите на летање од францускиот контингент воопшто немале регуларни сертификати за својата функција и не биле достапни за истрагата цели две недели по несреќата. Пресот го следеше и европратеникот Андреас Грос./крај/к5