Македонија
Полицијата проверува каде се пуши

Полицијата заедно со УЈП и пазарнара инспекција ја продолжија контролата на угостителски објекти низ Македонија и казни неколку граѓани кои ги фатила како пушат во кафичите, кафичи каде се пушеле и во кои имало нерегуларности.
Во петокот биле извршени контроли во 33 угостителски објекти од кои 16 во Неготино и 17 во Кавадарци при што беа изречени три глоби на физички лица како и една глоба на правно лице по Законот за заштита од пушење.
Во средата и четвртокот биле контролирани 29 угостителски објекти од кои шест во Охрид, 16 во Берово и седум во Скопје. При тоа во Охрид беа констатирани прекршоци за физичко и правно лице по Законот за заштита од пушење, еден објект е затворен од страна на УЈП и констатиран е прекршок за нарушување на јавниот ред и мир.
Во Скопје исто така беа констатирани прекршоци по Законот за заштита од пушење и три објекти беа затворени од страна на УЈП и Пазарна инспекција при што беа поднесени соодветни поднесоци.
При контроли на пет угостителски објекти во Струмица биле констатирани два прекршоци за физички и еден за правно лице по Законот за заштита од пушење и во два угостителски објекти беа констатирани прекршоци од надлежност на УЈП./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Денеска облаци и сонце, утре дожд и снег

Утре голема промена на времето.
Времето денеска ќе биде променливо облачно со сончеви периоди. Локално ќе има услови за развој на нестабилност со краткотраен пороен дожд и грмежи. Минималните температури ќе се движат од 0 до 9, а максималните од 12 до 20 степени.
Во Скопје, променливо облачно со подолги сончеви периоди. Ќе дува слаб до умерен ветер од северен правец. Минималната температура ќе биде 8, а максималната 20 степени.
Утре ќе има брз продор на студена воздушна маса од север, кој ќе предизвика значителна промена на времето. Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10 до 15см). Ќе дува засилен северен ветер (над 70км/ч.) и температурите значително ќе опаднат.
Во понеделник со засилен северен ветер наместа повремено ќе провејува слаб снег. Потоа времето ќе биде стабилно и ветровито со утринските температури кои насекаде ќе бидат негативни.
Македонија
Променливо облачно со сончеви периоди

Времето денеска, променливо облачно со сончеви периоди. Локално ќе има услови за развој на нестабилна облачност со краткотраен пороен дожд и грмежи. Минималната температура ќе биде во интервал од 4 до 9, а максималната ќе достигне од 14 до 20 степени.
Во Скопје, променливо облачно со подолги сончеви периоди. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 20 степени.
Во недела ќе има продор на студена воздушна маса од север, кој ќе предизвика значителна промена на времето.
Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10-15см).
Ќе дува засилен северен ветер (над 70км/ч) и температурите значително ќе опаднат. Во понеделник со засилен северен ветер наместа ќе провејува слаб снег. Потоа времето ќе биде стабилно и ветровито со утрински температури кои насекаде ќе бидат негативни.
Македонија
Ослободена од стапица мечка во Ресенско

Регионалниот ЦУК Битола, известува дека преку Единствениот број за итни случаи 112 во ЦУК била добиена пријава за заробено диво животно како последица од поставена криволовна замка во атарот на помеѓу селата Љубојно и Брајчино (Општина Ресен).
Пријавителот претпоставил во пријавата дека најверојатно се работи за мечка поради гласното рикање што се слушало во непосредна близина на мостот на Брајчинска Река.
„За оваа ситуација, од страна на ЦУК веднаш е известена Гранична полиција Маркова Нога, Полициска станица Ресен, Концесионерот – ловното друштво и други субјекти за понатамошно постапување. По интервенцијата на надлежните служби од Концесионерот -Ловното друштво, со присутен ветринар, од НП „Пелистер“ и од полицајци од МВР мечката е успиена и безбедно ослободена“, соопшти ЦУК.