Контакт

Политика

Заев: Нема да дозволиме народот да се судри со народ, решението на кризата е низ институциите

Објавено пред

 

dobivaj vesti na viber

Повеќе од два месеци во Македонија постои голем страв од насилно ескалирање на политичката криза, но СДСМ нема да го дозволи тоа, вели лидерот на партијата Зоран Заев во интервју за Al Jazeera.

 

„За конфликт се потребни две страни а ние нема да дозволиме некој да не вовлече во конфликт. Нема да дозволиме народот да се судри со народот, остануваме надвор со многу трпение и посветеност, низ инсистуциите на системот како што тоа демократските процеси го опишуваат согласно Уставот на Република Македонија. Единствиот излез и решение е низ институциите на системот, преку давање на мандатот за формирање на влада, потоа формирање на влада, и поминување на ВМРО-ДПМНЕ во опозиција, каде што сите заедно ќе почнеме да го правиме реформскиот процес за доброто на сите граѓани на Македонија“, изјави Заев во интервјуто.

 

Запрашан околу тоа што очекува од посетата на еврокомесарот Јоханес Хан во вторник, Заев вели дека очекува австрискиот дипломат да му порача на лидерот на ВМРО-ДПМНЕ Никола Груевски „да престане да испраќа пораки со кои поттикнува насилство во Македонија“.

 

„Хан веќе со соопштение најави дека очекува демократско предавање на власта, и брзо формирање на реформска влада, со што земјата ќе биде повторно нормална и очекувам тоа да го каже за време на посетата. Истовремено очекувам да му порача на Груевски да престане да испраќа пораки со кои поттикнува насилство во Македонија, се со конечна цел да се спаси себеси од она што претставува сомневање за криминал. Да се зборува дека Македонија нема ни да постои и ќе биде уништена поради тоа што тој нема повеќе да биде на власт, тоа е далеку од здравиот разум“, вели лидерот на СДСМ.

 

Околу тоа пак дали решението би можело да биде и она што е предложено од страна на ВМРО-ДПМНЕ, односно широка коалиција без поддршка за ткн „Тиранска платформа“, Заев вели дека „не може оној што ја направи кризата, да биде и решение за неа“.

 

„За нас не може човекот којшто е носител на режимот и ја продуцираше оваа криза преку незаконското прислушување на 20 илјади граѓани, лицето Никола Груевски да биде и решение за кризата. Ние ги повикавме сите чесни сериозни патриоти и граѓани, членови на ВМРО-ДПМНЕ да ја поддржат оваа програма на идната влада. ВМРО-ДПМНЕ треба да биде подготвен да помине во опозиција, треба да знаат дека редот им дојде и да поминат во опозиција, од 120 пратеници имаме поддршка од 67 пратеници а позади нив стојат 700 илјади гласачи наспроти 450 илјади кои стојат позади Груевски и досегашната власт“, потенцира Заев.

 

Лидерот на СДСМ повтори дека единствениот релевантен документ е Програмата на новата влада и дека преку нејзе се потврдува дека не постојат никакви „Тирански платформи или декларации“.

 

„Програмата на идната влада јавно ја објавивме и таа произлегува од потребите на граѓаните од сите етнички заедници во  Македонија. Оваа програма потврдува дека не постојат никакви Тирански платформи или било какви програми на партии и декларации, туку единствено програма на идната влада на РМ, која стопроцентно е во интерес на сите граѓани на Македонија, ја зајакнува унитарноста на Македонија, го зајакнува Уставот на оваа наша земја и ги потврдува сите наши аспирации за членство во ЕУ и НАТО“, порача Заев./крај/мф/бс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Коњановски: Во време на енергетска криза се префрливме на регулиран пазар и заштедивме 38 милиони денари, средства за капитални проекти, и наместо власта да го поздрави ова, тие ни се закануваа

Објавено пред

Градоначалникот на општина Битола, Тони Коњановски на денешната дебата насловена „Важно е да нема опструкции за работа на општините“ во рамки на теренската акција „Важно е! Од тебе зависат промените“ вели дека се соочувале со опструкција од страна на централната власт за време на енергетската криза.

dobivaj vesti na viber

Коњановски објасни дека во време на енергетската криза добивале енормно високи цени за улично осветлување односно за еден месец им стигнало сметка од 7,5 милиони евра, па во консултација со стручните лица им било сугерирано од слободниот пазар да се префрлат на регулиран пазар, што го овозможува и законот за енергетика, додавајќи дека по промената цената на сметката значително се намалила.

Првата фактура која ја добив беше сметка за потрошена електрична енергија за улично осветлување во висина од 7,5 милиони денари. И кога прашав која беше претходната сметка која ја имаше добиено општината таа изнесуваше 1,7 милиони денари. Можете да замислете за какво зголемување стануваше збор. И следниот месеци имаше уште поголемо зголемување, вели Коњановски.

Луѓето кои добро ја познаваат оваа проблематика ни сугерираа да се најде едно итно ургентно решение и тоа беше префрлање од слободниот пазар на кој бевме до тогаш изложени на регулиран пазар. И ако на слободниот пазар сумата која ја плаќавме по мегават час беше некаде од 500 до 600 евра, на регулираниот пазар беше 120 евра по мегават час. Тоа значеше големо растеретување. Ги искористивме регулативите од законот за енергетика кој тоа го овозможуваше, броилата да се префрлат на јавно претпријатие кое го поседуваме или на нов правен субјект, а условот беше јавното претпријатие да нема профит поголем од 2 милиони евра и да нема повеќе од 50 вработени. Тоа го ускладивме сите општини и сметките паднаа драстично, изјави тој и додаде дека наместо ова да биде поздравено од страна на централната власт на СДС, добиле закани.

Но, се соочивме со закани дека сме направиле прекршок и дека тоа не сме смееле да го правиме, иако се беше законски. Наместо да го поздрави она кое што законски сме го направиле, се соочивме со закани. Ние сакавме да ги заштитиме граѓаните од општините средствата кои ги издвојувате да одат за капитални инвестиции, кажа Коњановски.

Коњановски нагласи дека со префрлање на општината на регулиран пазар, општината Битола заштедила 38 милиони денари од месец мај до декември, укажувајќи дека тоа се средства за нови инвестиции во општината.

Конкретно за општина Битола дека заштедата од месец мај до месец декември 2022 година кога го направивме овој потег изнесуваше 38 милиони денари. Тоа се огромни средства за секоја општина и со тие средства можете да направите нови инвестиции, рече Коњановски.

Коњановски се осврна на одземање на ингеренциите од страна на власта во делот на назначување на директори во основните училишта, како и на блок дотациите за кои што рече дека иако министерството за финансии вети зголемување на блок дотациите тоа не го направи.

Минатата година од сопствен буџет за основното образование од општина Битола се издвоија 42 милиони денари, а оваа година таа сума ќе изнесува 50 милиони денари. Министерството за финансии кажа дека ќе ги зголеми блок дотациите, но не ги зголеми, вели градоначалникот Коњановски.

Прикажи повеќе...

Македонија

Ристески: Власта за некој е мајка, а за некој маќеа, министерот Пенов е еден нем посматрач во целокупната проблематика која ја имаат општините

Објавено пред

Марјан Ристески, претседател на Комисија за локална самоуправа на ВМРО-ДПМНЕ на денешната дебата „Важно е да нема опструкции за работа на општините“ која се одржа во Берово зборуваше како кризата влијае врз општините. Тој нагласи дека сите проблеми со кои се соочува Република Македонија се поради катастрофалното владеење на СДСМ и ДУИ.

dobivaj vesti na viber

-Една интересна дебата која е во контекст со сите оние проблеми со кои се соочува цела Република Македонија од ова катастрофално владеење на чело со СДСМ и ДУИ. Најголеми импликации од таквото владеење имаат секако општините и градоначалниците кои се од коалицијата на ВМРО-ДПМНЕ, а преку тоа тие реперкусии се одразуваат и на сите граѓани во тие општини во Република Македонија, рече тој.

Ристески посочи дека градоначалниците од ВМРО-ДПМНЕ наследија многу катастрофални состојби кои беа поради неспособноста на власта да се справи со економската, енергетската и ковид кризата.

-Морам да напоменам дека овие градоначалниците навистина начекаа еден многу тежок момент кога со поставувањето и изгласувањето нивно за градоначалници во нивните општини, бидејќи наследија многу катастрофални состојби пред се катастрофално финансиски општини со големи долгови, исто така кадровски неекипирани, општини без проекти исто така тоа надополнето со големи кочници од страна на централната власт. Но сето тоа го предизвика и економската криза, енергетската криза и ковид криза која што за жал го зафати целиот свет, Балканот, а посебно Македонија поради не добрите владини политики. И тоа не знаење на власта, недоброто менаџирање со целокупната криза успешно ја префрлија на општините со две цели да прикажат дека градоначалниците на ВМРО-ДПМНЕ и коалицијата не знаат да се сносат со проблемите, недобро работат, да прикажат лоша слика во тие општини и од друга страна она што беше нивна обврска, најлесно беше да се префрли на друг, а кој ако не општините кои имаат градоначалници од ВМРО-ДПМНЕ, потенцираше Ристески.

Ристески кажа дека и Министерството за локална самоуправа е еден нем посматрач во целокупната оваа проблематика.

-Да напоменам и тоа дека имаме влада која што спрема општините се однесува за некој мајка за некој маќеа, а тоа можат да го кажат и градоначалниците од свое лично искуство. Да напоменам дека и ресорното министерство кое што треба да се грижи за развојот, за унапредувањето на децентрализацијата, посебно фискалната децентрализација, приливот на финансиски средства од централниот буџет на локално ниво, министерството за локална самоуправа претставува еден нем посматрач во целокупната оваа проблематика, рече Ристески и се осврна на министерот за локална самоуправа, Ристо Пенов и нагласи:
-Иако имавме најaвување пред две години на голема врата, на рехабилитираниот пензионер, господинот Пенов, кој го најавија како големо засилување во владата и неговото поставување како министeр за локална самоуправа, очекувавме да даде дел од „своето големо политичко искуство“ и како екс градоначалник во подобро функционирање на ова министерство да биде еден вид спој на централната власт со општините. Но, освен неколку настапи и промоција на почетокот на неколку медиуми како негово назначување за министер и некоја ретка средба во текот на овие 2 години во општините повеќе протоколарно и негово фалење на сите оние грешни политики кои ги прави актуелната власт, ние немаме видено некоја конкретна активност, додаде Ристески.

 

Прикажи повеќе...

Македонија

Николовски: Стартува најважниот енергетски проект Чебрен, СДСМ гради за иднината

Објавено пред

Енергетските успеси се реалност. После 13 неуспешни тендери во изминатите 20 години, стартуваме со реализацијат на најважниот енергетски проект, хидроелектраната Чебрен, инвестиција од над 1 милијарда евра, рече на денешната прес конференција Дарио Николовски, член на ЦО на СДСМ.

dobivaj vesti na viber

– Владата предводена од СДСМ спроведува стратешки инфраструктурни проекти за енергетски сигурна и стабилна иднина. Државата, идните герации, се сакаат со реализирање на овие важни проекти. Со овој огромен, многу значаен енергетски капацитет, ја зголемуваме енергетската независност на нашата држава и стабилноста на енергетскиот систем. Новиот енергетски капацитет од 333 Мега Вати задоволува целосно потреби на над 250 илјади домаќинства со просечна потрошувачка на струја. Не само што ќе произведуваме, туку и ќе извезуваме струја. Придобивките од овој историски проект се големи, во делот на енергијата, но и земјоделието, за заштита од поплави, регулација на речното корито, водоснабдувањето. ДПМНЕ 11 пати објавуваше тендери за реализација на Чебрен и не успеа, СДСМ направи успешна постапка со што овој проект влегува во фаза на реализација. Со успешната постапка се заштедуваат 100 милиони евра, пари на граѓаните. Со промена на одлуката на Владата на ДПМНЕ од 2013 година, Тиквеш го внесуваме во заедничка компанија, 3 месеци по пуштањето со работа на ХЕЦ Чебрен, – рече Николовски.

Тој додаде дека целата инвестиција од над 1 милијарда евра е обврска на инвеститорот, државата и граѓаните нема да потрошат ниту денар за објектот. На крај се прави акционерско друштво во кое ЕСМ има 30% сопственост.

Според Николовски, хидроцентралата Чебрен ќе игра клучна улога во енергетската транзиција, помагајќи во намалување на производството од јаглен и поддржувајќи обновливи извори на енергија.

 

Прикажи повеќе...

Најново

Македонија13 часа

Ќе ја извршувам функцијата со должна почит и одговорност, рече Џафери кој ќе седне на премиерската фотелја 100 дена пред избори

Претседателот на Собранието од редовите на ДУИ, Талат Џафери, се огласи во јавноста откако партијата му ја даде довербата да...

Македонија16 часа

Талат Џафери ќе биде технички премиер до изборите

Демократската унија за интеграција (ДУИ) на партискиот состанок одлучи актуелниот претседател на Собранието, Талат Џафери, да биде човекот кој ќе...

Свет17 часа

Прво сведочење на „девојката со црвена марама“ од фестивалот во Израел: „Понекогаш се чувствувам виновна што преживеав“

„Ми беше чудно што фестивалот беше организиран толку блиску до границата со Газа, но заклучив дека организаторите ќе кажат ако...

Македонија19 часа

Рускоска: Случајот со убиствата не смее да добие политичка конотација

Поранешната обвинителка и шефица на Основното јавно обвинителство за гонење организиран криминал и корупција,  Вилма Русковска смета дека случајот со...

Свет20 часа

Путин повторно ќе се кандидира за претседател

Изборите во Русија ќе се одржат на 17 март 2024 година, а Владимир Путин ја објави својата кандидатура за уште...

Топ20 часа

Најдено телото на велешанецот кој беше пријавен за изчезнат – загинал во сообраќајка, автомобилот излетал од патот

Најдено е телото на 59-годишниот маж од Велес, за кого вчера медиумите јавија дека бил пријавен за исчезнат. Според информациите...

Македонија21 час

Поднесена е кривична пријава за возачот кој го пренесе Палевски од Белград до Турција

Полицијата поднесе кривична пријава по брза постапка против возачот кој го пренесе Љупчо Палевски од Белград до Турција поради случајот...

Регион24 часа

Грција и Турција подготвени темелно да ги обноват односите: „Ајде да разговараме гледајќи ја чашата полуполна“

Атина и Анкара вртат нова страница во односите и потпишаа декларација за билатерална соработка. „Ајде да разговараме гледајќи ја чашата...

Свет1 ден

Синот на израелски министер е убиен во Газа, се борел во тунелите

Синот на поранешниот командант на израелската армија Гади Ајзензот, кој моментално служи како министер во воената влада, е убиен во...

Македонија1 ден

Учениците се чувствуваат небезбедни, да се внимава на менталното здравје во училиштата, апелира Сојузот на средношколците

Сојузот на средношколци упатува најдлабоко сочуство до блиските на жртвите од последната трагедија, поради грабнувањето и убиството на ученичката Вања...

Македонија2 дена

Земјата се соочува со епидемија од корупција, црната листа ќе се проширува, најави Агелер

Има различни етапи и различни начини на кои луѓето кои се наоѓаат на црната листа можат да пријават незадоволство, но...

Македонија2 дена

Со возило на фирма струмичанецот му помогнал на Палевски и го пренел преку Турција, обвинителството нареди истрага за возачот

Основното јавно обвинителство Скопје донесе Наредба за спроведување истражна постапка за едно лице поради основано сомнение дека сторил кривично дело...

Македонија2 дена

Анѓушев: Малта не треба да има почесен конзул со сенка врз неговото име, колку и да е таа неоправдана

Малтешкото Министерство за надворешни работи му ја прекина функцијата почесен конзул на Малта на поранешниот вицепремиер, Кочо Анѓушев, поради неговото...

Македонија2 дена

Мајката на Вања: Сè уште не можам да разберам зошто моето девојче е сега во гроб

Не ме интересираше неговиот живот. Мојот живот беа моите деца и мојата работа. Беше оставен на мира и разговаравме само...

Македонија2 дена

Спасовски го обвини ВМРО-ДПМНЕ за политиканство и најави дека ќе се испитуваат комуникациите на осомничените со лица надвор од групата

Политиканството во вакви случаи на убиства, уште еднаш ги убива жртвите и тоа не е добро. Ова го изјави министерот...

Македонија2 дена

Лога за екстрадицијата на Палевски: За релативно кратко време очекувам да биде меѓу нас и да докажува што се случило

Барањето за екстрадиција на Љупчо Пелвски- Палчо, осомничен дека е организатор и извршител на убиствата на 14 – годишната Вања...

Македонија2 дена

Спасовски: Адвокатот на Палевски се’ уште е на распит во полиција

Васко Стојков – адвокатотот на осомничениот за двојното убиство, Љупчо Палевски, се’ уште е на распит во полициската станица. Министерот...

Македонија2 дена

Кривична ќе има и за возачот кој го носел Палевски до Турција

Возачот кој го превезуваше осомничениот за двојното убиство, Љупчо Палевски,  во Турција и кој беше приведен на влез во земјава...

Македонија2 дена

Поднесен предлог за разрешување на јавен обвинител поради сторена тешка дисциплинска повреда

Комисијата за утврдување на дисциплинска одговорност на јавен обвинител во вршење на јавнообвинителската функција при Јавното обвинителство на Република Северна...

Свет2 дена

(Видео) Објавени снимки на кои се слушаат истрели: Русија вознемирена поради осмоодделенката која упадна со пиштол во училиште

Убиено е девојчето Марија Н., а уште пет лица се ранети во училиштето во Брјанск, Русија, кога утрово во одделението...