Македонија
СДСМ ја задуши медиумската слобода, обвинува опозициската ВМРО-ДПМНЕ

Правдата и демократијата заминуваат од Македонија. СДСМ ја задуши медиумската слобода. Јавноста e сведок на секојдневна цензура, притисоци и закани врз медиумите во државата. Ова се обвинувањата на опозициската партија ВМРО-ДПМНЕ, која вели дека владејачкиот СДСМ ветуваше слобода, а донесе замолкнување на медиумите. Според партијата, се изрекуваат затворски казни за искажан став, се цензурираат емисии, а државни функционери навредуваат и заплашуваат новинари.
Власта на СДСМ декларативно се залага за демократија, но во реалноста нема ништо од тоа. Се кршат правата и слободите загарантирани со Устав, без никој да преземе одговорност за тоа. СДСМ и Заев секој ден сè повеќе го покажуваат својот недемократски карактер. Теророт и партиската контрола на СДСМ врз новинарството е само продолжение на теророт што се спроведува против слободата на говор и политичките неистомисленици на оваа власт. Патриотите што први се спротивставија на катастрофалните и антидржавни политики на СДСМ станаа жртва на политички прогон и монтирани и неосновани обвиненија за тероризам. Правосудните органи, наместо да работат во интерес на демократијата и владеење на правото, работат под диктат на СДСМ. Власта ги зароби судството и Обвинителството и преку нив врши политички прогон на сите што не се согласуваат и ги критикуваат политиките на Заев и СДСМ“, велат од ВМРО-ДПМНЕ
Опозициската партија вели дека политичкиот прогон што се спроведува во Македонија мора да запре веднаш. Од таму додаваат дека треба институциите што побргу да се ослободат од стегите на власта на СДСМ и да застанат на страната на правото и демократијата, а патриотите да бидат ослободени од неоснованите и монтирани обвиненија.
„Колку побргу си замине СДСМ од власт, толку побргу ќе се вратат демократијата и слободата во Македонија. Наместо власт што ја дефокусира јавноста со закани, притвори и неосновани обвиненија на невини луѓе, граѓаните заслужуваат власт што ќе ги решава нивните проблеми и ќе работи за доброто на државата“, додаваат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Орце Ѓорѓиевски ќе има задача да го врати Скопје на скопјани, рече Мицкоски презентирајќи го кандидатот за градоначалник

Премиерот Христијан Мицкоски денес, во обраќање пред јавноста, го презентираше актуелниот прв човек на Кисела Вода, Орце Ѓорѓиевски, како иден градоначалник на Град Скопје – одлука што ја донесе Извршниот комитет на партијата.
Со тоа, Ѓорѓиевски на локалните избори ќе влезе во трката за прв човек на Градот, на местото на Данела Арсовска. Во 2021 година, Арсовска седна на градоначалничката фотелја поддржана од оваа партија, но кусо потоа се отвори фронт на несогласувања и почна вербална офанзива, па речиси и да немаше соработка помеѓу градската и извршната власт во изминатите години за клучните прашања. Оттука, Мицкоски денеска искоментира дека ги научиле сите лекции од минатото за повторно да не згрешат при изборот.
За Ѓорѓиевски, Мицкоски рече дека убедливо водел на сите партиски анкети и како градоначалник на Кисела Вода покажал и докажал дека умее и сака да работи за граѓаните.
„Исклучително е мотивиран да победи, а потоа и да победува секој ден за Градот Скопје и скопјани. Тој е отворен и достапен и посветен работник кој решава проблеми. Нова енергија каква што му е потребна на Скопје после едно четиригодишно девастирање и замреност на Градот“, рече премиерот.
Мицкоски изјави и дека Орце Ѓорѓиевски ќе има нова задача да го врати Скопје на скопјани и изрази уверување дека со заедничка работа доаѓаат добри денови за Скопје – решавање на превозот, хигиената, урбаниот хаос.
„Ќе понудиме програма, заедничка работа и визија за Скопје. Овие избори влегуваме како фаворити, а тоа значи уште поголема одговорност да направиме повеќе“, рече Мицкоски.
Македонија
Орце Ѓорѓиевски е кандидат за градоначалник на Град Скопје од ВМРО-ДПМНЕ

Извршниот комитет на ВМРО-ДПМНЕ донесе одлука актуелниот градоначалник на Кисела Вода, Орце Ѓорѓиевски, да биде кандидат за градоначалник на Градот Скопје.
Премиерот Христијан Мицкоски, кој ја објави одлуката, изјави дека тој убедливо водел на партиските анкети, покажал дека знае и сака да работи за граѓаните, делата во Кисела Вода говорат за него, но и ќе има нова задача – да го врати Скопје на скопјани.
Мицкоски го опиша Ѓорѓиевски како нова енергија, каква што му е потребна на Скопје после едно четиригодишно девастирање и замреност на Градот. Најави програма и визија за градот, истакнувајќи дека овие избори влегуваат како фаворити, што носи и поголема одговорност.
Македонија
За осум часа 155 сообраќајни прекршоци во Скопје, 51 санкција за возачи на мотоцикл

Вчера во периодот од 17.00 до 01.00 часот полицијата спроведе засилена акција, со посебен акцент за преземање мерки за прекршоци што ги прават возачите на мотоцикл, при што се преземени вкупно 51 мерка.
Од нив седум санкции за возење без возачка дозвола, 25 мерки за управување мотоцикл без заштитна кацига, три мерки за управување мопед без положен испит за познавање на сообраќајните правила и прописи, осум санкции за управување мотоцикл со несоодветна категорија, две мерки за минување со моторцикл на црвено светло, три мерки за незастанување на даден знак Стоп од униформиран полициски службеник.
Одземени се два мотоцикли поради измината важност на сообраќајната дозвола од над шест месеци.
За време на сообраќајната контрола санкциинирани се и 104 други видови на сообраќајни прекршоци.Исто така во текот на изминатата вечер контролирани се осум угостителски објекти во координација со Државен пазарен инспекторат при што констатиран е еден прекршок, легитимирани се 66 лица, а извршени се прегледи на лица 23 лица и осум патнички возила.