Контакт

Политика

Плунка насекаде, ама “прај се на Тошо”

Објавено пред

На син ми се обидував да му објаснам зошто ќе одам да гласам и што ќе промени тоа ако заокружам некое бројче: „Синко, не постои идеален човек, идеален политичар! Кога бираме јаболка, ако јаболката се со црвчиња,  ќе ги избереме најмалку црвливите“

dobivaj vesti na viber

Имаат ли политичарите образ! За и во име на народот, се испоплукаа, се изнаудираа медиумски шлаканици, во бели ракавици и на културен политички јазик си отераа “и мајки и шајки”, а на крај сите повторно велат дека се демократи за подобра иднина токму на тие што ги удавија по медиумите со лажги и “гурабии за пред спиење”. Секоја чест на поединци, ама толку плукање од една страна, а толку многу повици за заедништво, создава многу лицемерна слика што дури и врапците на гранка почнаа да се мајтапат на таа тема. Од друга страна, тоа создава во квантумот на разочараност кај поединци револт кој рефлектира со бојкот и создава одбојност да се оди до гласачката кутија и да се гласа. Тоа, пак (така вели китапот), создава една огромна бројка “неопределени” и тоа е, всушност, многу опасен синдром, затоа што во една држава со многу неопределени гласачи стварноста е опасно критична, што значи дека народот не бендисува ама баш никого! Знам многумина кои велат “сите се лопови”… “сите се исто л….”, “не гласам за никого…”* * *И јас во еден период бев еден од оние кои сметаа дека ама баш никој не заслужува да го гласаш и дека сè е таква фарса што создава одвратност. Арно ама, во животот добив една лекција која го смени мојот поглед на нештата и мојот став кон гласањето. Станува збор за следнава случка.На почетокот на деведесеттите години, му бев личен асистент на првиот шеф на американската мисија во Македонија, г-дин Виктор Комрас. Му бев возач, преведувач, носач, телохранител, со еден збор “момче за сè”! А, тој… беше голем човек. Еден од ретките луѓе што сум ги запознал во својот живот, а за кој можам да кажам дека би го слушал што зборува цел ден. Се гордеам што во еден дел од својот живот сум работел како возач, но барем не му бев “шофер” на кој и да. Виктор Комрас беше “чоечиште”. Ги видел сите континенти и секаде има по некој пријател од различен вид, боја, раса, религија. Ми беше идол. Се сомневам дека многу толку квалитетни Американци по него дојдоа на Илинденска, со чест на исклучоци, нели. И,.. знаете ли што ми има речено тој човек, кога на првите парламентарни избори му реков дека не сакам да излезам на гласање?! Со оглед на тоа дека ме сметаше за близок, си дозволуваше честопати да употребува изрази вон стандардното професионално клише, а јас не се лутев затоа што знаев дека ми збори “за арно”! Неговите зборови беа: “Да знам дека не си излегол да гласаш, ќе те натепам како магаре! Та, која иднина очекуваш да стои пред тебе и семејството доколку не ја каниш да те пречека!? Иднината на земјата не е во рацете на никој друг, туку во твоите. Замисли си така да размислува мнозинството од населението, кого ќе обвинувате потоа дека земјата е во хаос, во несакана ситуација во која твојот глас можел и тоа како да ја смени!? Замисли си, имаш своја независна татковина првпат во историјата, а се однесуваш кон неа неодговорно со тоа што не излегуваш да го дадеш својот глас за тоа каква сакаш да ти биде таа. Таа е твоја… твојот глас е твој. Заедничка ви е и судбината и иднината. Ти и твојата татковина сте едно! Биди одговорен кон неа, за да биде и таа кон тебе!”Виктор Комрас си замина од Македонија, останаа спомените. Пораката на неговите зборови ме натераа да излезам и да гласам. И на следните… и на следните…Неговите ставови станаа мои ставови (по тоа прашање). Беше во право. Деновиве кога на мојот малолетен син се обидував да му објаснам зошто ќе одам да гласам и што ќе промени тоа ако јас одам и таму заокружам некое бројче, во немање поинаков пример му реков: “Синко, не постои идеален човек, идеален политичар, идеален државник, ништо на светов не е идеално! Арно ама…, кога одиме на пазар и избираме јаболка, ако гледаме дека јаболката згора-здола се со дамки и понекое црвче, па ако веќе дома мора да имаме јаболка за здравје (а, нема други), ќе избереме најмалку црвливи од сите што се на тезга!” Потоа прејдов на поконкретно: “На Македонија ì е потребен (колку-толку) “нормален” претседател, затоа што ако нема, таа нема да биде здрава, ќе биде болна, како што ти нема да бидеш здрав ако не јадеш овошје, па нека имало и понекое црвче!”* * *П.С. Денес децава се родени со “три факултета”! Ме разбра “од прва”! Неговиот одговор беше одушевувачки и помалку шеретски, а јас се согласив 102 отсто, што би рекол Амди Бајрам. Вели: “Разбрав де! Кога имаш комшии кои се сите до еден ‘тупатори’, ќе се дружиш и ќе бидеш близок барем со оној што ‘најмалку тупи’, а без комшии не се може!” Или, пак, поубаво би рекол дека ако веќе мораш да бираш до кого ќе седнеш во автобус, секако ќе избереш да седнеш до оној што изгледа барем малку поуредно од останатите… За детската логика ова ми е доволно, а јас никако да ì побегнам на една синтагма во главата што ми зуи цело време, иако можеби нема никаква врска ама: “If you cannot avoid a rape, try to enjоy it!” (“Ако не можеш да избегнеш силување, обиди се да уживаш во тоа!”)



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Политика

Седница на ИО на СДСМ: почнуваат да течат статутарните рокови за организирање нови директни внатрепартиски избори за нов претседател на СДСМ

Објавено пред

На 23 седница, Извршниот одбор на СДСМ донесе неколку одлуки и заклучоци. Претседателот на СДСМ, Димитар Ковачевски на седницата го потврди повлекувањето од функцијата Претседател на СДСМ и иницираше свикување отчетен Конгрес.

dobivaj vesti na viber

„Согласно член 68б од Статутот и повлекувањето на претседателот на партијата Извршниот одбор заклучи дека почнуваат да течат статутарните рокови за организирање нови директни внатрепартиски избори за избор на претседател на СДСМ.

Бидејќи избраната Централната изборна комисија согласно Статутот се уште има мандат, во истиот состав ќе ја спроведе постапката за нови непосредни внатрепартиски избори за избор на претседател на СДСМ.

Извршниот одбор ја задолжи Централната изборна комисија врз основа на Статутот на партијата да предложи правилник со предлог роковник за спроведување на директните внатрепартиски избори во текот на месец јуни во транспарентна и демократска постапка.

Извршниот одбор донесе одлука за формирање на Работни групи за активна регистрација на членството за гласање на директните внатрепартиски избори како и за организација на отчетен Конгрес на СДСМ, согласно Статутот.

Членовите на Извршниот одбор, како и членовите на раководството на СДСМ, заменик претседателката, потпретседателите, генералниот секретар, организациониот секретар, секретарот за меѓународна соработка, поднесоа оставки од функциите.

Воедно, согласно поднесените оставки се повикуваат и членовите на Централниот одбор да го следат примерот како морален чин на одговорност.

Со повлекувањето на претседателот на СДСМ, сите претседатели на Општински организации и претседателот на Градската организација се во оставка со глед на фактот дека се именувани од страна на претседателот, а нивната функција ќе ја извршуваат до избор на нови“, се наведува во соопштението на СДСМ.

Прикажи повеќе...

Македонија

Мециновиќ: На носителите на ЗНАМ, на личните профили им стојат слики со Заев и Пендаровски

Објавено пред

– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.

dobivaj vesti na viber

Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:

– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.

Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:

– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.

Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:

,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.

Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:

,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”

Прикажи повеќе...

Македонија

Аваја: Треба да се искористи потенцијалот на ромската заедница

Објавено пред

Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.

dobivaj vesti na viber

„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.

Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.

Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.

„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.

Прикажи повеќе...

Најново

Македонија41 минута

Кривична пријава за градоначалникот на Кичево – дозволил дива депонија во населена зона во градот

Полицијата поднесе кривична пријава против градоначалникот на Кичево, Фатмир Дехари, поради постоење основи на сомнение за сторени кривични дела „несовесно...

Македонија1 час

(Видео) Лефков: Шоферот на Заев уапсен за подметнување пожар во Струмица

Во изминатиов период кажувавме дека голем дел од пожарите низ државата се подметнуваат од структури блиски до СДС, а денес...

Македонија2 часа

Мицкоски: Проектот за студентските домови, конечно, излезе од лавиринтите на бирократијата

Премиерот Христијан Мицкоски денеска при посетата на студентскиот дом „Кузман Јосифовски – Питу“ во Скопје изјави дека рехабилитацијата на студентските...

Македонија3 часа

Гори во Радовиш, Берово, Прилеп – активни седум пожари, три под контрола

Во текот на измнинатото деноноќие на територијата на државата евидентирани се вкупно 27 пожари на отворен простор. Од нив, седум...

Македонија3 часа

Кривична против директорка во Виница, си ја вработила ќерката во истото училиште иако немала соодветно образование

Полицијата поднесе кривична пријава против Г. С. (45) од Виница, директорка во основно училиште во овој град, поради несовесно работење...

Македонија4 часа

Поништена јавната набавка за 120 електрични eкоавтобуси, се пријавила една фирма што не исполнувала услови

Министерството за транспорт ја поништи јавната набавка за избор на понудувач за набавка на 120 електрични еколошки автобуси за јавен...

Македонија4 часа

ВМРО-ДПМНЕ го оцени како ефикасно справувањето со пожарите во Македонија во споредба со земјите од регионот

ВМРО-ДПМНЕ оценува дека институциите под водство на оваа Влада успешно реагираат на пожарите кои ги зафатија повеќе подрачја во Македонија,...

Македонија5 часа

Комисијата утврди дискриминација врз професионалните војници – синдикатот бара итни законски измени

Комисијата за спречување и заштита од дискриминација утврди индиректна дискриминација врз професионалните војници од страна на Министерството за одбрана, информира...

Свет6 часа

Русија: Сведоци сме на враќање на нацизмот на Западот

Сведоци сме на враќање на нацизмот на Западот, а Русија сама води борба против целиот тој регион, тврди рускиот министер...

Регион6 часа

(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот. Снимка од...

Свет7 часа

(Видео) Огромни поплави во Пекинг, триесет загинати

Триесет лица загинаа вчера во Пекинг кога обилни врнежи ја погодија кинеската престолнина, јави денес официјалната новинска агенција. Смртни случаи...

Македонија16 часа

(Видео) Македонецот кој спречи терористички напад во авион: „Реагирав инстинктивно“

На летот од Лондон до Глазгов се случи инцидент, откако еден од патниците извика дека има бомба, со слогани „Смрт...

Свет19 часа

Трамп го скрати рокот: Му давам на Путин уште 10 до 12 дена

Американскиот претседател Доналд Трамп изјави дека го скратува претходниот рок од 50 дена што му го дал на рускиот претседател...

Регион20 часа

Пожари беснеат на Балканот: илјадници се евакуирани, гори и во близина на популарна туристичка дестинација во Албанија

Пожарникарите денес се обидуваат да изгаснат шумски пожари во три одделни покраини во Турција, Грција, во близина на туристичка дестинација...

Македонија23 часа

И јас ќе ги прашам Фетаи и Меџити дали користеле службени возила за приватни или партиски цели, вели Мицкоски

Десет дена по медиумските објави, во кои се гледаат службени возила на вицепремиерите Изет Меџити и Арбен Фетаи нешто пред...

Македонија1 ден

Мицкоски за интерпелацијата на Коцевски: Јас не ги менувам ставовите преку ноќ

На еден ден пред расправата за интерпелацијата на државниот јавен обвинител Љупчо Коцевски, поднесена од партијата Левица, премиерот Христијан Мицкоски...

Македонија1 ден

Споменик на Андон Лазов Јанев-Ќосето поставен на кружниот тек во Автокоманда

Споменикот на Андон Лазов Јанев – Ќосето, кој беше отстранет од пред комплексот судови, е поставен на кружниот тек во...

Спорт1 ден

(Видео) Македонски судија нападнат на кадетското Европско првенство во бокс

Извор и фото/ b92.net Заврши Европското првенство за кадети и кадетки (ученици на возраст од 13 и 14 години), кое...

Македонија1 ден

Во изминатото деноноќие имало 51 пожар во Македонија, денеска активни осум

Во текот на изминатото деноноќие, 27/28.07, на територијата на Република Северна Македонија се регистрирани вкупно 51 пожар, од кои осум се...

Свет1 ден

Рубио: Трамп го губи трпението со Путин, размислува за драстични мерки

Претседателот на САД, Доналд Трамп, е сè повеќе фрустриран од недостатокот на напредок на Русија кон мировниот договор и сега...