Политика
Лидерската средба без договор – нова средба на крајот на април
Лидерите на најголемите политички партии и на денешната втора средба не постигнаа договор за измена на Уставот во делот на Судскиот совет, но се договорија да одржат уште една средба кон крајот на април.
За владеjачката ВМРО-ДПМНЕ и опозициската СДСМ неприфатливи се предлозите на Нова демократија и на ДУИ, амандманот 10 од Уставот кој предвидува законите за култура и лични документи да се носат со Бадентерово мнозинство и да се донесе закон за Буџет односно донесувањето на државниот буџет да биде преку двојно гласање.„Одговоривме на она што Нова демократија го бара е негативен, бидејќи со таквите барања далеку се надминати рамките на Охридскиот рамковен договор. Од ДУИ нецелосно го прочитав предлогот на амандманот , но колку што видов тој е сличен на предлогот од НД. Ваквите предлози ние нема да ги прифатиме и ако тоа е услов за отварање на Уставот, нема да го отвориме“, истакна лидерот на ВМРО-ДПМНЕ Никола Груевски.Лидерот на Нова демократија Имер Селмани ги образложи предлозите на неговата партија и рече дека доколку би настанале уставни измени без да се прифатат предлозите на опозицијата дека тоа ќе претставува неуспешно менување на Уставот, а одговорноста за неуспехот ќе ја сноси власта.Според премиерот Груевски доколку во Уставен суд би се гласало по принципот на Бадентер би задало фатален удар за владеењето на правото и правната држава воопшто. Тој смета дека предлозите од Нова демократија го загрозуваат граѓанскиот карактер на државата и промовираат бинационалност, а со нивното имплементирање би се довело до блокирање во работата на највисоките органи на државата и би се довело под знак прашалник функционирањето на правната држава.Во врска со предлог амандманот на СДСМ со која се предлага измена на член 52 од Уставот , однсосно да се оневозможи застарување на кривичните дела пофрзани со трансформацијата н претпријатијата со државен и општествен капитал, за Премиерот амандманот е предложен во погрешно време, односно ваков амандман требало да се предложи на почетокот на приватизацијата.„Она што ние го предлагаме ќе биде вградено во Уставот на Хрватска, значи не се работи за никаков преседан, туку за нешто што е прифатено и во други земји“, рече претседателот на СДСМ, Бранко Црвенковски и додаде дека не гледа причина зошто Премиерот не би го прифатил ваквиот предлог.За предлогот на ВМРО-ДПМНЕ за измена на Уставот, Црвенковски смета дека е искрена и дека е се работи за некакво одглумување на активитет однапред осуден на неуспех.„Ние како политичка партија пристапивме крајно конструктивно. Иницијативата на ВМРО-ДПМНЕ во основа ја поддржуваме, притоа инститирајќи на некои прецизирања кои што се многу значајни, а ги изнесовме на денешната средба. Тоа е меѓудругото околу должината на мандатот на постојаниот судски совет, но исто така за должината на мандатот на идниот судски совет“, изјави Црвенковски по завршувањето на средбата.Лидерот на ДУИ Али Ахмети предложи да се формираат работни групи од сите политички партии за да се анализираат сите предлози.Останатите лидери се согласиле со овој предлог и се договориле дека кон крајот на месецот повторно ќе остварат лидерска средба на која ќе се знае дали ќе се направат измени во Уставот или не.Партиите од македонскиот блок не се согласуваат со барањата на партиите од албанскиот блок. Лидерите на албанските бартии стојат цврсто на своите барања и не се откажуваат од нив. Уставот нема да се отвара без целосна согласност, а тоа би значело и дека на наредната лидерска средба нема да се постигне договор и со тоа нема да има уставни измени.На лидерската средба, која започна околу пладне, учествуваа лидерите на ВМРО-ДМПНЕ, Никола Груевски, на СДСМ Бранко Црвенковски, на ДУИ Али Ахмети и Абдулаќим Адеми, и на Нова Демократија Имер Селмани. Лидерот на ДПА, Мендух Тачи, иако поканет, не се појави на средбата.
бата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.