Владејачката партија ВМРО-ДПМНЕ има двоцифрена предност од малку над 10-процнетни поени пред најголемата опозициска партија СДСМ, двојно од тоа е разликата меѓу лидерите на двете најголеми политички субјекти во земјата, Никола Груевски односно Зоран Заев, а уверливо мнозинство гласачи ја гледаат актуелната владејачка партија и како победник на предвремените парламентарни избори закажани за 11-ти декември, покажуваат резултатите од истражувањето на јавното мнение кои во саботата ги објави Институтот Павел Шатев.
 

Владејачката партија ВМРО-ДПМНЕ има двоцифрена предност од малку над 10-процнетни поени пред најголемата опозициска партија СДСМ, двојно од тоа е разликата меѓу лидерите на двете најголеми политички субјекти во земјата, Никола Груевски односно Зоран Заев, а уверливо мнозинство гласачи ја гледаат актуелната владејачка партија и како победник на предвремените парламентарни избори закажани за 11-ти декември, покажуваат резултатите од истражувањето на јавното мнение кои во саботата ги објави Институтот Павел Шатев.

Резултатите од анкетата телефонски спроведена во периодот од 26-ти до 29-ти септември врз 1.260 испитаници во сите шест изборни единици, како и повеќе релевантни демографски карактеристики на населението односно пол, возраст, и етничка припадност и со дополнителна поделба според руралните и урбани места на живеење, укажуваат дека ВМРО-ДПМНЕ во моментов ужива поддршка од 25,9 отсто, додека најблиска до неа е СДСМ со доверба од 15,7 отсто меѓу избирачите.

Меѓутоа, може да се забележи дека висок е и процентот на оние испитаници кои се изјасниле дека не би гласале за ниедна политичка опција – 24,3 проценети, како и оние кои уште не се одлучени – 20,5 отсто.

Од другите политички партии кои се јавуваат во одговорите на испитаниците следат двете партии на албанската заедница во Македонија, владејачката ДУИ со доверба од 5,1 отсто и опозициската ДПА со 2,7 проценти.

Кога станува збор за партиите, ГРОМ и Движењето за реформи на ДПА имаат доверба, од 0,9отсто, БЕСА – 0,8 отсто, а НДП односно ВМРО-НП имаат поддршка од 0,3 и 0,2 отсто од гласачите. За друга партија се изјасниле дека ќе гласаат 2,7 отсто од испитаниците.

На прашањето „Кој е политичарот во кој имате најголема доверба?“, најмногу, и тоа 28,2 отсто од испитаниците се изјасниле за челникот на ВМРО-ДПМНЕ, Никола Груевски, додека лидерот на СДСМ, Зоран Заев има потпора од 8,8 проценти од гласачите. Притоа, во ова рангирање социјалдемократите се застапени и со уште двајца поранешни партиски челници, односно Рамила Шекеринска којашто има поддршка од 0,6 отсто, што е половина процентен поен помалку (1,1 отсто) од поранешниот партиски лидер, премиер и шеф на држава Бранко Црвенковски.

Редоследот е речиси ист како и кај рејтинзите на партиите, па следува Али Ахмети од ДУИ со 5,5 отсто, Мендух Тачи со 2,8 отсто, Стевчо Јакимовски од ГРОМ има доверба од 1,3 отсто, а Зијадин Села, струшкиот градоначалник и лидер на реформистите на ДПА – 0,8 отсто.

Доверба во ниеден македонски политичар немаат 30,6 отсто од испитаниците, не можеле да се одлучат 18,4 проценти, а за друг политичар симпатии би имале 1,9 отсто од испитаниците.

Дури 40,4 отсто од испитаниците сметаат дека сега владејачката ВМРО-ДПМНЕ ќе победи на следните парламентарни избори, додека како победник на изборното соочување СДСМ ја перципираат 15,6 отсто. Дека ДУИ би била победник на изборите смело сметаат 7,7 отсто, а како победник на избори ДПА ја сметаат 2,2 проценти, но може да се претпостави дека овие резултати се повеќе плод на прашањето кој би бил победник во албанскиот политички кампус.

Дека победникот на идните парламентарни избори не го знаат одговориле 28,2 отсто од гласачите, а 5,9 проценти сметаат дека тоа би била некоја трета опција од водечките две во земјата.

Повеќе од двојна е предноста на владејачката партија според одговорот на испитаниците на прашањето „… Која политичка партија би направила повеќе за економскиот напредок“, при што се дадени три можности за одговор. За ВМРО-ДПМНЕ се решиле 52,7 отсто, додека за СДСМ – 25,4 отсто од избирачите, а 21,9 отсто не можеле да се одлучат.

Сличен сооднос во проценти е добиении во однос на врзаното прашање „На која партија би ѝ дале да ја води економијата во државата“. Дека подобар избор во овој сегмент е ВМРО-ДПМНE сметаат 58,9 отсто, а за СДСМ се решиле 25,3 отсто, додека нерешителни се 15,8 проценти од гласачите.

Голема е разликата меѓу двете најголеми политички партии и кога испитаниците се одлучувале во однос на прашањето „која партија има подобра програма и подобар политички кадар“. Владејачката партија добила 48,5 отсто а најголемата опозициска партија 22,1 отсто, додека 29,4 проценти од испитаниците одговориле со „не знам“

Малку помалку од половината, односно 49,1 отсто учесници во анкетата сметаат дека ВМРО-ДПМНЕ подобри би се справила и одговорила со безбедносните ризици во земјата, додека предност по ова прашање на СДСМ ѝ даваат 25,7 отсто, речиси ист процент како и оние кое се неодлучни по ова прашање.

Меѓутоа, се чини дека испитаниците од анкетата на Институтот Павел Шатев во изразено мнозинство сметаат дела ВМРО-ДПМНЕ „повеќе држи до дадениот збор“, или 62,7 отсто, додека речиси трипати помалку, или 19,2 отсто сметаат дека СДСМ ги остварува своите ветувања.

Овие резултати од анкетата подлежат на статистичка грешка од +/- 2,1 проценти./крај/мф/сн

Извор: Макфакс