Политика
Џ.Мико: САД не сакаат да ја урнат владата на Груевски
Доколку СДСМ сака да владее, тие мора да понудат нешто многу повеќе отколку голи осуди на актуелната влада, да понудат политики кои докажано ќе бидат издржани, но нивните политики не се дејствени, рече американскиот аналитичар Џејсон Мико, инаку добар познавач на состојбите во Македонија, во разговорот за емисијата „Гласот на народот со Слободан Томиќ“ и истакнува дека интерес на САД е земјата да биде стабилна и немаат намера да ја соборуваат владата.
Мико, оценувајќи ги најновите состојби на македонската политичка сцена вели дека го забележува сериозните обвинувања и политичка партија од левицата која сака да добие моќ преку судот на јавното мислење.
„Гледам и дека судот на јавното мислење ѝ кажува на оваа политичка партија од левицата дека тие не гласале за неа поради многу причини во минатото, а една од нив е тоа што оваа партија, СДСМ, не е зрела, одговорна или, пак, способна за владеење. Прво, гласачите ги отфрлија нив и нивните политики. Потоа, СДСМ покажа дека тие не беа зрели, со тоа што не ги прифатија пратеничките места кои легитимно ги освоија. Трето, тие докажаа дека не се одговорни преку одржувањето на овие настани кои наликуваат на кампања, наместо своите наоди и обвинувања да ги достават до судскиот систем. Ако СДСМ сака да владее со Македонија, тие мора да понудат нешто повеќе од само осуда за актуелната влада. Тие мора да понудат политики кои докажано ќе делуваат. Но политиките на левицата не делуваат, и тука е крајот“, вели Џејсон Мико.
На забелешката дека се’ уште не е даден одговор на прашањето дека и покрај тврдењата на челникот на СДСМ Зоран Заев дека директорот на УДБК, Сашо Мијалков го организирал наводното прислушување, а самиот тој се наоѓа на најголемиот дел од презентираните прислушувани телефонски разговори, Мико вели дека со тоа ѝ се наштетува на целата земја.
„Исто така, гледам дека на Македонија ѝ се наштетува преку целата оваа состојба. И ова е лошо за Македонија. Очигледно, сево ова мора да се истражи преку судството и на еден отворен и транспарентен начин. Сигурен сум дека ова ќе се случи“, вели американскиот аналитичар и додава дека нема одговор на тоа кој би стоел зад „бомбите“, Според него, и двајцата политичари кои најчесто се споменуваат, Заев и поранешниот челник на СДСМ, Бранко Црвенковски, „и двајцата се способни, но и очајни“.
Мико нема одговор ниту на тврдењата на многу аналитичари и извори кои велат дека грчки разузнавачки служби, но и тајна организација од една голема земја се вмешани во аферата со прислушуваните разговори, „Повторно, немам одговор. Беше наведено дека странска шпионска служба стои зад ова, но мора да почекаме и да видиме“, смета Американецот.
„Мислам дека веројатно има некој одвнатре кој сака дестабилизација. Можеби има и некој однадвор кој исто така сака дестабилизација на Македонија. Ова е и случај со повеќе земји. Важно е да бидете свесни за ова, дури и да не се знае кој го сака ова, мора да бидете подготвен и да ја одбраните Македонија од сите, одвнатре и однадвор, од оние кои сакаат да ја дестабилизираат Македонија“, одговори Мико на прашањето кој навистина посакува дестабилизација на Македонија.
Упатува прашањето за тоа како Вашингтон гледа на актуелните случување во земјава да ѝ се упатат на амбасадата на САД во Скопје, но предочува дека Стејт департментот има премногу грижи во светот и оти најверојатно ја оценуваат ситуацијата за стабилна за да засега интервенираат.
„Можам да ви кажам дека од оваа страна на Атланскиот Океан, не се размислува многу околу ова, односно надвор од Стејт департментот и неколку аналитичари. Има толку многу неволји во светот во овој момент што ова не се забележува. Очигледно, доколку состојбата расте и стане потенцијална закана за стабилноста на Македонија, тогаш тоа ќе привлече многу поголем интерес. Но сега засега изгледа дека е доволна стабилна за да се препушти на нормалниот тек за решавање“, смета Мико.
Од него беше побаран и коментар за неодамнешната објава на социјалните мрежи на Ермира Мехмет од ДУИ, која смета дека состојбата би можела да биде решена со тоа што ќе има нова влада, на чело со македонски Албанец за премиер. „Секако дека таа има право на сопствено мислење, но сметам дека не постои етничко решение за ова, што главно е тоа што таа го предложува. Ова не е, како што некои би сакале да го претстават, проблем на Македонец со Македонец. Како што слушнавме, некои членови од албанското лидерство во Македонија, наводно се прислушувани. Се работи за снимање разговори и потоа пуштање на истите во јавноста. Тука станува збор за владеењето на правото. Се работи за обвинувања од страна на едни изморени луѓе од левицата кои се’ што можат да направат, е да понудат пропаднати политиките за македоснкиот народ – а македонскиот народ постојано ги отфрла овие пропаднати политики“, оцени Мико.
„Некои аналитичари веруваат дека во заднината на целото сценарио е проблемот за името, вклучувајќи интрига, уценување, дестабилизација, БРИКС, Русија, Германија и САД“, беше едно од прашањата на водителот.
За Мико, пак, проблемот со нерешениот спор за името со соседна Грција нема врска со сегашните збиднувања. „Мразам што морам да ви го соопштам ова, но не е се’ околу спорот за името и ви гарантирам дека Обама и Путин не се будат секое утро, размислувајќи околку тоа што се случува во Македонија. Тие многу ретко мислат на Македонија, бидејќи како што и некои во Македонија веруваат, Македонија не е центарот на Универзумот“, одговори аналитичарот.
За Мико „идиотска е идејата“ на некои домашни аналитичари кои веруваат дека скоро објавениот проект „Турски поток“, и тоа што руската компанија „Строитрансгас“ започна градење една делници од гасовод во Македонија, која може да биде употребена за поврзување на споменатиот гасовод од Грција кон Србија и натаму кон Европа, ги прави САД „нервозни“ и поради тоа некој, можеби САД, му дава на Заев „охрабрување“ да го создаде овој политички скандал и да го симне Груевски од власт. „САД се заинтересирани за стабилна Македонија и немаат никаква намера да ја симнат од власт владата на Груевски. Она што Македонија го прави во поглед на енергетските прашања е нејзина сопствена работа“, порача./крај/мф/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.