Контакт

Политика

Европарламентот охрабрува поголемо политичко учество на ЛГБТИ-лицата во Македонија

Објавено пред

 

dobivaj vesti na viber

Специјалниот известувач на Европскиот парламент за Македонија, Иво Вајгл во петокот оствари средби со претставници на организацијата Субверзивен Фронт, како и со членови од одборот на Либерално-демократската партија, при што се дискутираше за  положбата на ЛГБТИ-лицата во Македонија и начините како Европскиот парламент може да помогне во подобрување на истата.

 

Истовремено, беа разговарани досегашните заложби на Либерално демократската партија во РМ во застапувањето на правата на ЛГБТИ-лицата, како и идните активности планирани во овој домен. ЛДП е една од малкуте политички партии во РМ кои континуирано и отворено ги поддржуваат ЛГБТИ-лицата во нивната борба за еднаквост во општеството, како дел од пошироката кампања за еднаквост и човекови права за сите.

 

Антонио Михајлов од организацијата Субверзивен Фронт истакна дека во последните 2 години, ЛГБТИ-прашањата се лоцираа на маргината од политичкиот дискурс во Македонија, како и прашањата на останатите маргинализирани општествени групи, како Ромите и бегалците. Политичката криза која настана со објавувањето на аудио записите од прислушкуваните комуникации на 22 илјади лица во Македонија, меѓу кои и политичари од опозицијата, министри, новинари, активисти и останати, ги пласираше корупцијата и криминалот како главни теми кои го окупираа јавното и медиумското внимание и интерес.

 

Заштитата и остварувањето на човековите права кои се универзални за сите граѓани на РМ, вклучително и за лезбијките, геј мажите, бисексуалните, транс и интерсексуалните лица во Македонија, беа занемарени во политичката дебата, додаде тој.

 

Специјалниот известувач на Европскиот парламент, кој е пратеник од Алијансата на либералите и демократите за Европа во Европскиот парламент, Иво Вајгл, истакна дека Европскиот парламент ќе продолжи со посветеноста во застапувањето на правата на ЛГБТИ-лицата во рамките на надлежностите кои ги има, а посебно во земјите кандидати и аспиранти за зачленување во Европската унија. Истовремено, тој ја изрази загриженоста од зголемувањето на влијанието на конзервативните и десничарски движења и реторики ширум Европа, посебно после Брегзит и победата на Доналд Трамп на претседателските избори во САД, кои со себе вообичаено репродуцираат хомофобични и исклучувачки реторики.

 

На средбата стана збор и за актуелната кампања „Гласај за еднаквост“ која Субверзивен Фронт ја спроведува, а се однесува на политичкото учество на ЛГБТИ-лицата во РМ во светло на предвремените парламентарни избори на 11-ти декември, како и за првата национална ЛГБТИ-конференција во Македонија, закажана на 6 дена пред изборите, на 5 декември./крај/мф/бс

 

Македонија

(Видео) Стоилковски: Дали Ковачевски и Арсовска договарале провизија на средбата од набавката на нафта од фирма на пратеник од власта?

Објавено пред

„Резултат на тајните средби на Ковачевски со Данела Арсовска е целосен колапс на сообраќајот во Скопје денеска. Јавниот превоз крахира, скопјани се нервозни, а причината за тоа е тендер-коалицијата Арсовска со Ковачевски. Хаосот во Скопје е резултат на тајните средби на кои што Ковачевски и Арсовска се договарале за тендер на којшто нема попуст од 6 денари за литар, 900.000 евра годишно, токму пари колку што треба да се исплати долгот и да нема протест денеска“, рече на прес-конференција портпаролот на ВМРО-ДПМНЕ, Наум Стоилковски.

dobivaj vesti na viber

Стоилковски напомена дека „тендерот за набавка на нафта е за набавка од 14.500.000 литри. Доколку би имало попуст од 6 денари, којшто бил практика во досегашните набавки на ЈСП, тоа се 1.400.000 евра заштеда. А, таа сега ја нема. Оваа набавка е од компанија на пратеник од власта“.

„Јавноста заслужува одговор дали на тајната средба што ја призна Ковачевски е договаран процент на провизија кој што треба да се исплати во приватни џебови и затоа нема вообичаен попуст каков што имало десетина години претходно за ЈСП. Дали е точно дека попустот којшто ЈСП го договарал со набавувачот на нафта, попуст којшто сега го нема во договорот, наместо за пари за превозниците, ќе заврши во џебот на сметководител од Ѓорче Петров во Скопје, близок до Данела Арсовска, којшто во позадина управува со ЈСП?“ прашуваат од опозициската партија.

Прикажи повеќе...

Македонија

(Видео) Томовски: Собрани се 845 идеи од граѓани и истите ќе бидат преточени во буџетски проекти за реализација за 2023 година

Објавено пред

„Во текот на изминатиов викенд градоначалниците од ВМРО-ДПМНЕ, заедно со нивните стручни тимови беа дел од проектот ‘Биди дел од промените што носат иднина’. Тие ги отворија вратите на општините за граѓаните, кои во огромен број дојдоа и дадоа придонес за креирање на општинските буџети. Како резултат на исцрпни разговори, со илјадници граѓани ширум Македонија, во сите општини каде градоначалниците се од редовите на ВМРО-ДПМНЕ, собрани се над 800 идеи за проекти, или поточно 845 идеи кои ќе бидат разгледани и добар дел преточени во буџетски проекти, и за истите ќе бидат предвидени средства за нивна реализација“, рече денеска на прес-конференција Ивица Томовски, член на Централниот комитет на ВМРО-ДПМНЕ.

dobivaj vesti na viber

Тој напомена дека „од јануари до декември 2023 година, оние проекти кои ќе бидат прифатени и за кои ќе има финансиска сила и можности ќе се реализираат! Следува година на изградба на училишни и културни сали, училишта, градинки, улици, водоводни и канализациски системи, паркови и обнова на веќе постоечки инфраструктурни објекти“.

„Оваа акција ја спроведовме за заедно со граѓаните, да го трасираме патот за развој на секое населено место. Само граѓаните кои живеат во населените места ширум државата знаат што е најпотребно за нивната непосредна околина. Затоа нема повеќе луѓе во кабинети да одлучуваат како ќе се трошат нивните пари, туку тие самите“, рече Томовски.

Прикажи повеќе...

Македонија

Јовановски: Ова не е бавча на Арсовска, граѓаните треба да ѝ се лутат на неа

Објавено пред

Ленин Јовановски од „Слобода превоз“ најавува дека блокадите не само што остануваат, туку и ќе ги прошират се’ додека не почнат преговори за да им се исплатат околу два милиони евра на приватните превозници.

dobivaj vesti na viber

Градоначалничката Данела Арсовска и ЈСП, Јовановски вели дека не ги исконтактирале за време на викендот и затоа продолжуваат со протестите, овој пат порадикално.

„Ова не е бавча на градоначалничката Арсовска па си ја работи како сака. Таа треба да постапува законски и според одлуките на Совет на Град Скопје“, рече Јовановски и нагласи дека уличарското однесување на градоначалничката довело до блокади.

Според него, мора да се лоцира вината за блокадите и граѓаните, место на превозниците да и се лутат на градоначалничката оти ги довела во таква состојба.

„Не можат граѓаните да ги критикуваат приватните превозници. Треба да го критикуваат изворот на овој проблем, а тој е кај градоначалничката која дозволи нешто вакво да се случи. Не смеат граѓаните да дозволат да имаат градоначалник кој треба да се грижи за нивните интереси и за јавниот интерес, кој на ваков начин ќе го нарушува. Треба да се посочат виновниците онаму каде што се, а не кај она што е последица од такво однесување“, рече Јовановски.

Тој ја повика и Владата да се вклучи во изнаоѓање на решение за приватните превозници иако директно нема ингеренции за јавниот превоз, но може да побара објаснување од институциите.

Со блокадата „Слобода превоз“ го држи во заложништво цел град, а граѓаните со часови патуваат дури и на најкусо растојание оти се блокирани клучните крстосници во Скопје.

Јовановски и „Слобода превоз“ им се извинија на граѓаните за протестот со блокада на градот.

„Изразувам жалење што денеска приватните превозници, по неколку обиди да седнат и да се договорат, односно да бидат примени од градоначалничката Данела Арсовска мораа на еден ваков начин да го изразат својот револт и да го свртат вниманието кон себе и уште еднаш да ги кажат своите позиции и она што навистина се случува“, рече Јовановски.

Се одлучиле за блокада на цел град оти сметаат дека се исцрпени сите други методи, вклучително и протестот со блокирање само на градската администрација и очекуваат граѓаните да изреагираат и да извршат притисок за решавање на проблемот.

„Ние сакаме токму граѓаните да изреагираат и да го посочат вистинскиот човек кој што е проблем во целата оваа ситуација“, вели Јовановски.

Подготвени се, какао што самиот вели да ги „ослободат“ граѓаните и да ги кренат блокадите истиот момент кога градоначалничката или некој овластен од неа ги повика на разговор за да најдат заедничко решение.

„Првиот момент ако градоначалничката, еве не мора ни таа ако не ја познава работата и не знае да ја менаџира, нека ги пушти претставниците од Јавното сообраќајно претпријатие, од секторот за сообраќај, нека седнат со нас, ние ќе најдеме решение некако во оваа ситуација и да ги ослободиме граѓаните. Не зависи ништо од нас. Приватните превозници не се тие кои го продуцираат овој проблем“, повика Јовановски.

Градоначалничката Арсовска по прес – конференцијата на Јовановски не излезе да даде објаснување дали ќе дозволи граѓаните да останат заложници на проблемот што го има со приватните превозници. Од нејзиниот кабинет рекоа дека можеби во текот на денот ќе направат прес – конференција.

Таа ги раскина договорите со приватните превозници и најави дека ќе има нов оглас на кој ќе може да се пријават, а приватните превозници пак сметаат дека такво нешто е невозможно оти не е согласно одлуката на Советот на Скопје.

Прикажи повеќе...

Најново

Свет7 часа

Нападнати руски аеродроми, има повредени и загинати

Киевскиот режим изврши напад врз руските воени аеродроми во регионите Саратов и Рјазан, воздухопловните сили ги пресретнаа овие беспилотни летала,...

Економија9 часа

Ќе им се исклучува струјата на сите неплаќачи, на списокот болници, затвори, факултети

ЕВН објави дека веќе се испраќаат известувања, а и ќе ги исклучуваат од струја сите институции неплаќачи. На списокот се...

Македонија12 часа

Кривична за малолетник од Скопје за „тероризам“, за дојавите на бомби во скопски училишта

Денеска (5.12.2022) Секторот за борба против тероризам, насилен екстремизам и радикализам при Одделот за сузбивање организиран и сериозен криминал до...

Економија13 часа

Кремљ: Европејци, подгответе се за високи цени

Кремљ предупреди дека новото ограничување на цената на руската нафта наметнато од ЕУ ќе ги „дестабилизира глобалните енергетски пазари“, но...

Македонија13 часа

Јовановски: Ова не е бавча на Арсовска, граѓаните треба да ѝ се лутат на неа

Ленин Јовановски од „Слобода превоз“ најавува дека блокадите не само што остануваат, туку и ќе ги прошират се’ додека не...

Македонија14 часа

Весна Дамева е нова претседателка на Судскиот совет

Весна Дамева е нова претседателка на Судскиот совет. Дамева беше избрана со десет гласа за и еден против. Од гласањето...

Македонија14 часа

Герасимовски поднесе оставка од функцијата директор на Академијата за судии и обвинители

Судијата Зоран Герасимовски поднесе оставка од функцијата в.д. директор на Академијата за судии и обвинители, а поради конфликт на интереси,...

Свет14 часа

Меркел: Ако Путин ја нападнеше Украина во 2008 година, ќе ја прегазеше

Ангела Меркел пред околу една година ја напушти функцијата германска канцеларка како хероина на слободниот свет. На прошталната церемонија на...

Македонија15 часа

Охрид меѓу петте најпотценети градови на Балканот

Угледниот магазин „Форбс“ објави листа на петте најпотценети градови на Балканот. Балканскиот Полуостров, опремен со живописни плажи, прекрасни планини и...

Македонија15 часа

Дојави за бомби во училишта во Кавадарци

Министерството за внатрешни работи информира дека денеска околу 07 часот во Полициска станица Кавадарци било пријавено дека на електронска адреса...

Свет16 часа

(Видео) Експлозија на руски аеродром: Се запали резервоар за гориво, има загинати и повредени

Три лица загинаа во експлозија на резервоар за гориво на аеродромот во близина на рускиот град Рјазан. Шест лица се...

Европа16 часа

Макрон: Имам директен контакт со Путин

Францускиот претседател Емануел Макрон изјави дека одржува редовни разговори и директен контакт со рускиот претседател Владимир Путин. „Секогаш одржувам редовни...

Економија16 часа

На сила стапија ограничувањето на цената на руската нафтата и забраната за увоз во ЕУ

Денеска стапи на сила ограничувањето на цената на руската нафта од 60 долари за барел договорено од ЕУ, Г7 и...

Свет16 часа

Убиен чеченски блогер во Шведска, голем критичар на Кадиров

Познатиот чеченски антирежимски блогер Тумсо Абдурахманов е убиен во Шведска, потврди чеченското опозициско движење 1ADAT. Според извештаите, Абдурахманов бил убиен...

Свет17 часа

Дојава за бомба во авион за Бристол, летот пренасочен кон Прага

Летот на компанијата „Изиџет“ од Краков, Полска, до Велика Британија безбедно слета откако беше пренасочен кон Прага поради извештаи за...

Македонија17 часа

Блокирани клучните крстосници во Скопје поради протест на превозниците

Поради протестот на приватните автобуски превозници, денеска во Скопје од раните утрински часови има посебен сообраќаен режим. „Министерството за внатрешни...

Македонија1 ден

Османи смета дека уставните измени треба што побрзо да стигнат во Собранието и темата да биде затворена

Темата за уставните измени треба што побрзо да биде отворена во Парламентот вели министерот за надворешни работи Бујар Османи. Тој...

Регион2 дена

Остри реакции во Бугарија по ветото од Холандија

Најавата на Холандија дека одлучила да го блокира приемот на Бугарија во Шенген зоната без гранична контрола предизвика остри реакции...

Свет2 дена

Огромна победа за жените во Иран, укината полицијата за морал, можеби ќе падне и задолжителниот хиџаб

По неколкумесечните протести во кои загинаа повеќе од 300 луѓе, Иран одлучи да попушти и да ја укине моралната полиција....

Економија2 дена

Бо Буџетот за следната година 800 милиони евра капитални инвестиции

Капиталните инвестиции во Буџетот за 2023 се проектирани на 800 милиони евра. Владејачкиот СДСМ коментира дека буџетот за наредната година...