Политика
Анкета: Граѓаните ја поддржуваат ВМРО-ДПМНЕ, а Никола Груевски го сакаат за премиер

Граѓаните во Македонија, повторно би ја избрале владејачката партија на изборите, а за премиер повторно би го ставиле Никола Груевски, покажа анкетата на институтот „Павел Шатев“.
Имено, на прашањето „За кого ќе гласате на изборите на 11 декември?“ 27,8 отсто од испитаниците се определиле за ВМРО-ДПМНЕ, а 16,2 отсто за СДСМ. Висок е процентот на оние кои рекле дека нема да гласаат, дури 28,9 отсто, а неопределни се 13,9 отсто. За ДУИ се определиле 4,8 отсто, а за ДПА 2,3. Забележително кај албанските партии БЕСА ја има наклонетоста на 3,2 отсто од испитаниците, а Алијансата на Албанците 1,5 отсто.
Политичар во кој имаат најмногу доверба се уште е Никола Груевски, со 28,3 отсто, а Зоран Заев ја има довербата од 10,7 отсто. Но, во никого не веруваат 23,2 отсто од испитаниците.
Сепак, повторно за премиер би го избрале Никола Груевски високи 50,4 отсто од избраниците, не вклучувајќи ги испитаниците Албанци, а Зоран Заев за премиер го сакаат 14,1 отсто.
Подобра изборна програма, без испитаници Албанци, сметаат дека има ВМРО-ДПМНЕ високи 47, 5 отсто, а повеќе им се допаѓа програмата на СДСМ на 18,2 отсто.
На прашањето „Дали ја поддржувате идејата за двојазичност на цел на територија на Македонија и нов рамковен договор за поголеми права на Албанците (Без испитаници Албанци)“, со „Не“ одговориле 93,5 отсто, а речиси исто толку одговориле дека на овие избори не би поддржале партија која се залага за концептот за двојачиност.
Анкетата е спроведена во периодот помеѓу 30 ноември и 2 декември 2016 година од Институтот „Павел Шатев“,телефонски, на примерок од 1.090 испитаници со цел да ги утврди перцепциите на македонските граѓани кон повеќе актуелни политички прашања во Република Македонија.
Во истражувањето кое беше спроведено на ниво на Република Македонија, беа опфатени сите шест изборни единици, како и повеќе демографски карактеристики на населението вклучително пол и возраст, а исто така беше направена поделба и според руралните и урбани места на живеење при што Скопје е земено како посебна целина. Сите резултати од анкетата подлежат на статистичка грешка од +/- 3 %./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Спасовски: Полицијата на границите и кај Свети Спас беше пример за тоа како се постапува по европски стандарди

Министерот за внатрешни работи Оливер Спасовски им оддаде признание и честитки за професионализмот и посветеноста од страна на сите организациони единици при МВР, за добро реализираниот оперативен план во делот на одржување на безбедноста при чествувањето на денот на раѓањето на Гоце Делчев.
„ Како пред гробот на великанот Делчев кај црквата „Свети Спас”, така и на граничните премини, македонската полиција на висина на задачата успешно го спроведе овој настан од највисок безбедносен степен – еклатантен пример за тоа како постапува полиција од европски ранг.
Благодарност и до граѓаните, медиумите и медиумските работници кои имаа разбирање и на најпрофесионален начин дадоа свој придонес за навистина достоинствено чествување на великанот Гоце Делчев. И секако како што и претходно нагласив: македонската полиција нема да дозволи понижување на македонскиот народ!“ порача Спасовски.
Македонија
ВМРО-Народна поддржува амнестија на осудените за 27 април

ВМРО-Народна партија упати поддршка за предлог – Законот за амнестија на лицата осудени за настаните од 27 април 2017 година.
„ И претходно ВМРО-Народна партија реагирала на преголемите казни, па сходно на тоа сметаме дека овој предлог-Закон доаѓа во вистинско време, а да притоа не го руши правниот систем на Северна Македонија“ велат од партијата.
Македонија
ВМРО-ДПМНЕ: Асот на Ковачевски, Наумче Мојсовски под сомнение за криминал, а уште го чуваат на позицијата директор

Антикорупциска утврдила дека Мојсовски и Комисија избрана од Владата, по пат на искористување на службената положба и несовесно работење, заобиколувајќи ги законските процедури извршиле распределби на средства од ваучер системот за финансирање на спортски клубови, со што го оштетиле буџетот на државата. За ова Наумче Мојсовски добил и кривична пријава, што го прави недостоен да ја врши функцијата, велат од ВМРО-ДПМНЕ.
„ Во овој систем за кој одлучувал Мојсовски и владина екипа се вртат една милијарда денари и постои основан сомнеж дека ваквите пари не завршувале кај спортисти и клубови според реални критериуми. Постојат индиции дека под сомнителни околности биле доделувани на фаворизирани федерации и клубови, при што силно влијание на изборот имале поединци, па дури и политички партии.
Како тоа вртеле милијарда денари, има сомневање за злоупотреба, а владата на Ковачевски и Ахмети молчат за криминалот. Мојсовски се уште одлучува за пари. Криминалот е принципот на делување и во спортот. Ахмети и Ковачевски се што фатија исушија со криминал и неработа“ се вели во соопштението.
Асот на Ковачевски, Наумче Мојсовски под сомнение за криминал, а уште го чуваат на позицијата директор, и затоа е потребно оставки веднаш, порачаа од ВМРО-ДПМНЕ.