Политика
Груби: Неопходна е еднаквост, официјалната употреба на албанскиот јазик ќе го зајакне општеството
Официјалната употреба на албанскиот јазик ќе го зајакне општеството, и ова е еден од клучните столбови од Платформата 2020 на ДУИ во поглед на изборите на 11-ти декември, изјави во средата портпаролот на ДУИ, Артан Груби.
„Иако македонскиот општествен наратив беше драматизиран за да се промени Уставот, законот за амнестија, законот за територијална поделба, децентрализација, употребата на албанскиот јазик во многу државни и локални органи, службената употреба на националното знаме, воспоставувањето на двата албански универзитети, вработувањето на околу 25 илјади Албанци во администрација, поставувањето на орелот во Чаир, како и многу други национални пројекти на ДУИ, сепак, ништо лошо не и се случи на Македонија ниту на македонскиот народ“, изјави Груби.
„Напротив, нашето општество стана еднакво, потолерантно и кохезивно и како резултат на овие постигнувања, Македонија доби статус на кандидат за членство во ЕУ и се оцени како пример за имплементација на мировниот договор. Токму ова ќе се случи со одобрување на еден посебен закон за употреба на албанскиот јазик во новиот парламентарен состав. Македонија ќе стане посилна, еднаква“, додаде Груби.
Тој вели дека во врска со уставните прописи, албанскиот јазик е втор официјален јазик, но повеќегодишното искуство во практика покажува, дека двете најголеми македонски партии го прекршиле Уставот, не покажувајќи подготвеност за заокружување на ова незавршено прашање од Охридскиот договор.
„Затоа, клучен столб на изборната програма на ДУИ е токму регулирањето на употребата на албанскиот јазик со другиот официјален јазик и тоа во сите нивоа во согласност со Охридскиот договор. Македонските партии треба да се ангажираат за законитоста и следствено да го спроведат амандманот V на Членот 7 од Уставот кој е многу јасен и тоа што има потреба е хармонизацијата на законската регулатива со Уставот“, рече Груби.
„Иако употребата на албанскиот јазик се најавува двапати по ред од страна на ДУИ, сегашната регулатива има неколку ограничувања за некои нивоа на власта, како парламент, судство, извршната и локалната власт но има конфузија во врска со индивидуалната употреба. Потребата за промена на законската рамка потекнува од квантитативна и квалитативна анализа на Рамковниот Охридскиот Рамковен Договор, кој се спроведува со поддршка на меѓународната заедница и тоа беше барање на Европската Комисија“, додаде тој.
Имајќи ги предвид сите предупредувања, ДУИ за време на владеењето во периодот 2016 – 2020, е посветена на следното: да се спроведе Охридскиот договор и Уставот и да се прифати јазикот како еден важен елемент на идентитетот и како средство за зајакнување на идентификацијата со државата и поттик за разбирање помеѓу заедницитеда се воведе еден сеопфатен закон за употребата на јазиците, кој ќе биде усогласен со Амандманот V член 7 од Уставот; да се регулира правото на сите граѓани да се обратат на централните институции и на албански јазик, без оглед нивното населување, правото на превод на подзаконски акти на англиски јазик, автоматско пуштањето на личните документи на граѓаните на официјалните јазици на албанската заедница, доведе со парламентарните седници на албански јазик; да се појаснат одредбите на јазикот во Законот за Локална Самоуправа, вклучувајќи го и градот Скопје, стандардизација на употребата на официјалните јазици за сите јавни знаци, целосно спроведување на јазичните права во судскиот сектор.
Од ДУИ додаваат дека практично ќе биде потребно за некои институционални форми кои ќе го зголемат квалитетот на употребата на албанскиот јазик и тоа: следење и надзорни механизми за нејзино спроведување, на пример, создавајќи една меѓуминистерска работна група; создавање на регионални центри на преведувачи и толкувачи за поддршка на локалните власти; основање на институции за следење на употребата на јазикот, за контрола на стандардот и квалитетот како и санкционирање на измама или несоодветна примена на албанскиот јазик.
„На крај, ве молам дозволете ми да кажам дека никој нема потреба да се плаши од еднаквоста која доаѓа по 11-ти декември“, порача Груби./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.