Македонија е на второ место во Европа според растот на економијата по Англија, а во 2014 година продолжува трендот на раст на економската активност, со растот на БДП во првиот квартал од 3,4 отсто и во вториот од 4,3 отсто, со што со што просечниот раст во првата половина од годинава изнесува 3,9 осто, истакна во неделата премиерот и претседател на ВМРО-ДПМНЕ, Никола Груевски, во своето обемно излагање на 15-та го Конференција на Унијата на жени на владејачката партија.
 

Македонија е на второ место во Европа според растот на економијата по Англија, а во 2014 година продолжува трендот на раст на економската активност, со растот на БДП во првиот квартал од 3,4 отсто и во вториот од 4,3 отсто, со што со што просечниот раст во првата половина од годинава изнесува 3,9 осто, истакна во неделата премиерот и претседател на ВМРО-ДПМНЕ, Никола Груевски, во своето обемно излагање на 15-та го Конференција на Унијата на жени на владејачката партија.

„Она што посебно радува е економскиот раст, што на мошне широка основа и не е разултат на некој поголем раст во еден, во два или во три сектора. Сите сектори забележаа позитивни стапки на раст. Извозот имаше најголем прдонес, а позитивни движења забележаа и бруто инвестициите од 5,9 отсто и потрошувачката од 3,1 отсто“, рече премиерот Никола Груевски во преполната Универзална сала во Скопје.

Додаде дека растот на инвестициите од инфраструктурните проекти на јавниот сектор и новоотворените производствени капацитети во слободните економски зони се рефлектираше и во растот на градежната активност, која во првата половина на 2014 изнесува 5,6 отсто.

Растот на извозот на стоки во првите девет месеци изнесува 16,2 отсто, што претставува енормно висок раст, но уште поважна е промена на структурата на извозот кон производи со повисока технолошка вредност, а тоа се должи на извозот од капацитетите во ТИРЗ, истакна Груевски.

„Во првите десет месеци од годинава извозот достигна речиси 1,949 милијарди евра, што претставува раст од 55, 6 отсто споредено со истиот период од минатата година, и сочинува повеќе од 30 отсто од целокупниот извоз на Македонија и се очекува да продолжи и во следниот период“, потенцираше премиерот, додавајќи дека претходно седмицава беше објавено дека извозот само од ТИРЗ надмина една милјарда евра.

Индустриското производство континуирано расте 14 месеци по ред без прекин и во првите 10 месеци од годината, забележа раст од 5,1 отсто, како резултат на растот на преработувачката индустрија од 10,4 отсто. Растот во производството на облека е 6,1 отсто, кај текстилот 9,2 отсто, за прехранбените производи 5,7, кај тутунот 6,2 отсто, и кај металите за 1,8 отсто. Висок раст е забележано и во производството на електричната опрема 29,3 отсто, машини и уреди 22,7 отто како и ставката моторни возила и производи од гума и пластика 23,6 отсто, прецизираше Груевски.

Истакна и дека девизните резерви на крајот на октомври 2014 година изнесувале 2,429 милијарди евра, што претставува раст за 22 отсто, споредено со состојбата на крајот на минатата 2013 година.

„Посебно ме радува што повеќе земји од нашето опкружување почнаа да гледаат од нашиот пример и пристап, оосбено во економијата и развојот и да пристапуваат на начин ист како нашиот. Тоа е за поздравување и може да носи само напредок за регионот и уште поголемо охрабрување за нас да чекориме напред и да бидеме пред сите нив“ порача Греувски.

Челникот на владејачката ВМРО-ДПМНЕ во продолжение потсети дека повеќе од 30 странски компании во текот на годинава донеле одлука, а некои веќе инвестирале во земјата, што придонесува за создавање 11 илјади нови работни места, а се очекува да бидат отворени и повеќе од 13 илјади нови директни вработувања, бидејќи шест нови компании имаат донесено интерни одлуки да инвестираат во Македонија.

Осврнувајќи се на сите досегашни странски компании кои веќе се присутни во Македонија и имаат отворено голем број работни места, Груевски потсети дека во последната година 17 странски компании донесоа одлуки и јавно објавија дека ќе инвестираат во Македонија, а во периодот по изборите дел од нив активно почнаа да работат, а дел веќе ги градат самите фабрики, како што се во Штип или „Диатек“ во Скопје. Компанијата „Веибо груп“, како што рече, информирала дека за две недели ќе започне да ја гради наредната фабрика во Ранковце, каде што планира да вработи 5.600 лица.

Покрај овие три компании, осум други по изборите во март објавија одлука дека ќе инвестираат, а две компании кои веќе работат во Македонија, најавија проширување на нивните инвестиции и капацитети, потсети Груевски.

„Со странските директни инвестиции од 2006 година досега се вработени директно 11 илјади лица, а во следните инвестиции кои се потврдени ќе се вработат најмалку директно нови 13 илјади лица, плус голем број индиректни вработувања. Овие инвестиции носат нови технологии, знаења, нови практики и повисока додадена вредност во бруто домашниот производ. Ова е начинот како да се надмине технолошкиот јаз, кој што постои помеѓу домашната и глобалата економија. Многу е важно домашните компании да станат што повеќе добавувачи и соработници и партнери во различни делови, кои овие компании засега ги нарачуваат од странство“, рече Груевски.

Оцени дека ефектите од приливот на странските инвестиции се многубројни, а резултатите се зголемување на физичкиот капитал, искористување на човечкиот капитал и намалување на невработеноста, што создава основа на зголемување на иновациите во економијата, кои се значајни.

Гасификацијата на главниот град Скопје е во напредна фаза на подготовка, односно две компании веќе се влезени низ конкурентен дијалог во финализирање на овој проект. Наскоро следи и секундарната гасификација на источна и западна Македонија, ги информираше премиерот делегатките на годишната Конференција на Унијата на жените на ВМРО-ДПМНЕ.

Премиерот Груевски истакна и дека за следната 2015 година се планирани зголемувања на платите, пензиите и социјалната помош. „Просечната пензија на пензионерите е зголемена за 62 отсто од 2006-та па наваму, а се зголемија и платите во администрацијата за 27 отсто, социјалната помош за 50 отсто. Веќе за следната 2015 година повторно планираме зголемување на пензиите, на платите и на социјалната помош“, порача Груевски во своето обраќање.

Притоа нагласи дека во времето на СДСМ немало зголемување ниту на плати, ниту на пензии, односно дека може да се потсети само на нивно намалување

Осврнувајќи се на критиките од најголемиот политички конкурент Груевски натаму истакна дека се чини дека како во СДСМ „ да не сакаат да ги видат автопатите, фабриките и проектите кои се очигледни“. Во изминатите девет години, додаде премиерот, опозициската СДСМ ниту еднаш не пофали ниту еден проект од инфраструктурата, ниту еднаш не поздрави странска инвестиција, а вакви проекти ги има многу.

„Не можам, а да не споменам дека има една партија која неодамна влезе во индустријата на производтсво на бомби и ни приредува забава на сите, па и пошироко, а најмногу ми се чини на Атина. Таа партија не најде за сходно во сите овие девет години да поздрави барем еден проект од сите кои сме ги направиле, на пример да кажеа поздравуваме што го донесовме ‘Џонсон Мети’ со две фабрики во Скопје, или ‘Џонсон Контролс’ со една во Скопје и една во Штип, или да кажеа што го донесовме ‘Кромберт и Шуберт’ во Битола, или ‘Дрекселмајер’ во Кавадарци кои беа проектирани за 4.100 работни места, а веќе имаат вработено 4.900. Или за ‘Маккард’ во Велес која забрзано ја гради фабриката и ќе вработи над 600 лица“, рече Груевски

Додаде дека опозицијата како да не ги забележува ниту вложувањата и конкретните постигнувања во инфраструктурата, ниту во делот на кој и да е друг сектор, а ни во делот на привелкување на странски инвестиции и отворање на нови работи места, поле за кое Груевски истакна дека неговата влада постигнала добри резултати.

„Кога велам добри, се споредувам со самите нас, а не со политичката партија која едно погонче не отвори кога беше на власт баш со ова раководтсво сега. Колку и да сакаат, не можат да ги избришат фабриките кои се градеа, се градат и ќе се градат. Колку и да сакаат да ја дефокусираат јавната политичка дебата и да се оврнуваат на темата ‘Скопје 2014’, на пример, убедувајќи се да одбегнат да говориме за патиштата, водоводите, субвенциите, медицинската опрема, повисоките плати и пензии, не разбираат дека се ова во пакет го носи успехот и победата на ВМРО-ДПМНЕ“, потенцираше премиерот Груевски.

Го спомена и обновувањето на железничката линија по меѓународниот сообраќаен и транспортен коридор – Коридорот 10, реновирањето на постојните железнички станици, обновата на товарниот и патничкиот возен парк, што е во тек.

„За пругата кон Бугарија знам дека не сакаат да ја видат, ги потсетува на времето кога фрлија лопата и ветија дека ќе ја градат, но ниту ја изградија, ниту лопатата знаат каде им е, ниту парите кои ги дадоа знаеме каде завршија. Градоначалникот од Центар, чиј најголем проект му е ставање бекатон плочки на 50 метарска улица и покомплексниот проект за давање отворен ден за граѓаните, повеќе со политика отколку со проекти да ја посети Националната арена ‘Филип Втори’, за која тврдеше дека ќе падне, нема паднато досега“, рече меѓу другото во неделата премиерот Груевски.Челникот на ВМРО-ДПМНЕ одговори и на нападите од најголемата опозицска партија СДСМ за состојбите во здравството, а тоа го припиша на тоа што социјалдемократите „немаат одговор каде оделе парите во нивно време“, порачувајќи дека во здравството се направени системки промени во многу сфери, но и порача дека има уште многу да се работи, зашто според него здравството е предизвик во секоај држава, па дури и во најразвиените земји.

„Ние сме фокусирани на тоа и имаме голам напредок и во набавката на опрема и во системските промени и во градбите и реконструкциите на здравтсвените објекти. Досега извршивме намалување на цените на повеќе од три илјади лекови, некаде се намалени цените и до 80 отсто“, рече Груевски и додаде дека во времето на СДСМ никогаш не биле намелени лекови, напротив, само се зголемувале.

„Каде оделе тие пари од толку скапи лекови во минатото, 30 милиони евра годишно граѓаните имаат заштеда од намалувањето на цените на овие лекови, затоа напаѓаат, затоа што се соочуваат со тоа што ВМРО-ДПМНЕ го прави, а тие можеле но не го правеле, напротив го правеле спротивното“, посочи премиерот.

Според Груевски, со паралелен увоз на лекови е направена заштеда 5,8 милиони евра, и со транспарентноста во набавката на инсулинот заштедени се уште 3,6 мичиони евра. Дополни и дека со третниот тендер за набавка на лекови, којшто е во тек, се очекува заштеда меѓу 3 и 4 милиони евра.

„Вкупно е направана заштеда од околу 14 милиони евра, без притоа да им се нанесе каква и да е штета на пацинетите или да се намали квалитетот на некој лек. Напротив истите лекови со ист квалитет со заштеда од дури 14 милиони евра кои планираме да ги инвестираме во реконструкција на битолската болница, темелна реконструквија на болницата во Прилеп и уште многу други“, истакна премиерот Груевски./крај/мф/сн

Извор: Макфакс