Мнозинството граѓани ќе даде масовна и огромна поддршка на ВМРО-ДПМНЕ и Коалицијата за подобра Македонија. Граѓаните имаат многу причини за тоа, прво заради сè одработено од ВМРО-ДПМНЕ, сиот минат труд, сите нашите остварени ветувања и реализирани програми, порача Никола Груевски лидер на ВМРО-ДПМНЕ и носител на листа во четвртата изборна единица на предизборниот собир во саботата во Кратово.

„Нашиот труд покажа дека држиме до зборот, создаваме многу, се грижиме за граѓаните, тука сме и во добри и тешки времиња. Решивме многу проблеми, но има и уште за решавање. Тоа е една од причините зошто граѓаните ќе го поддржат ВМРО-ДПМНЕ“, смета Груевски.

Втората причина, како што рече, е новата програма во која се нудат многу проекти кои се во полза на сите граѓани и за која истакна дека ќе реши многу проблеми, како зголемување на плати, пензии, субвенции, проекти кои ќе помогнат земјата да се движи напред, да се намали невработеноста.

„Една од причините е и тоа што СДСМ го прави во изминативе две ипол години, поради лични и цели на нивните сценаристи. Го држат во заложништво народот, бидејќи се испаразиле со некого. Тоа народот го препозна и тоа е причина на изборите на 11-ти декември СДСМ да биде жестоко казнет заради продавање на националните и државни интереси, заради непочитта кон сопствениот народ“, порача Груевски.

Додаде дека кога СДСМ минатата година побарале предвремени избори, ВМРО-ДПМНЕ веднаш прифатиле, но тогаш започнале сценаријата на опозицијата најпрво со наводните фантомиските гласачи.

„Фантомите беа причина за повод на политичка криза кога Зоран Заев излезе на прес-конференција и кажа дека заради фантоми нема да влезе во парламентот и не ги признава изборите. Државната изборна комисија, во која тие имаат мнозинство, ги објави финалните списоци во кои јасно стои дека нема 500.000 фантоми како што тврдеше тој, туку ќе гласаат 5.000 повеќе луѓе во Македонија. Каде се сега фантомските гласачи? Каде се сега да излезат и да им кажат на граѓаните: Молчат! Сега ги нема, а свесно лажеа два милиона луѓе. Каде се да излезат и да кажат како излезе 5.000 повеќе луѓе да има. Ова е причина повеќе да бидат казнети на 11-ти декември и ќе бидат казнети“, заклучи Груевски.

Во продолжение поранешниот премиер се задржа и на она што изминатиот период било остварено конкретно во Кратово и регионот, при што го истакна намалувањето на невработеноста во општината, благодарениe на низата мерки и бројните проекти кои ги реализирале.

Лидерот на ВМРО-ДПМНЕ и носител на пратеничката лисата на ВМРО-ДПМНЕ и коалицијата „ За подобра Македонија“ во Изборната единица 4 пред кратовци истакна дека откако неговата партија е на власт, во Кратово биле реализирани многу проекти, а како една од најзначајните работи е намалувањето на невработеноста.

„Народот виде колку работи направивме. Се реализираа многу проекти. Во Кратово се вработија 990 лица повеќе отколку во 2006 година. Ако во минатото имаше вработено 1.500 лица во Кратово, сега има 2.490. Ако беа невработени 2.243 сега се 1.332. Тоа не доволно, но оди надолу невработеноста, некој работи за тоа. Некој работел 15 часа, носел мерки, проекти, создавал добра бизнис клима, наоѓал начини да направи држава со најниски даноци, наоѓал начини да ги убеди компаниите и тука да отворат нови работни места и да им помогне и охрабри домашните инвеститори и тие да се прошират во нивното производство, да им помогне да имаат повеќе извоз’, рече Груевски.

Најави и изградба на автопат и обнова на системот Злетовица. Груевски објави дека во целата земја ќе бидат отворени нови 70.000 работни места, ќе продолжи проектот „Купи куќа, купи стан“, како и нов проект за купување на куќи од страна на лица не постари од 36 години.

„Овде во Кратово се направија многу работи, а ќе се направат и многу други во иднина. Ќе се отвори и нов рудник кој ќе вработи над 300 луѓе, значајна за градот е и изградбата на експресниот пат Ранковце – Крива Паланка во должина од 26 километри, во износ од 78 милиони евра, а предвидена и е изградба на втората фаза на хидросистемот Злетовица“, рече Груевски//крај/мф