Политика
Лидерската средба заврши – техничката влада камен на сопнување
Лидерската средба што во вторникот се одвиваше зад затворени врати заврши, договор не падна, а дијалогот засега заврши без резултат.
Премиерот Никола Груевски и лидерот на најголемата опозициска партија, Зоран Заев, на средбата копјата ги кршеле околу првата точка од барањата на опозицијата, а тоа е формирање техничка влада.
За опозицијата нема решение без техничка влада, за владејачката нема потреба од ваков чекор и нови избори, бидејќи како што истакна премиерот, тие штотуку формирале нова влада која работела со полн капацитет во насока на исполнување на ветувањата што им ги дале на граѓаните и она што било зацртано во програмата.
По средбата со премиерот, лидерот на опозициската СДСМ истакна дека не е оптимист за брзо изнаоѓање решение, но нагласи дека опозицијата секоѓаш е подготвена за нови разговори доколку власта се премисли по однос на петте барања меѓи кои и барањето за техничка влада.
„Откако мандатите на пратениците не беа констатирани на 18-ти јуни бев повикан на разговор и од премиерот Груевски за да отпочнеме разговори за барањата на опозицијата. Ние барањата на опозицијата ги истакнавме претходно и добро и се познати и на македонската јавност и денеска се обидовме да воспоставиме разговор по однос на овие барања. Тоа се пет теми кои денеска му ги предочив на премиерот и тие се однесуваат на тоа кои се нашите барања. Можам да соопштам дека не постигнавме договор, нема разговор поради темата техничка влада. Ставовите на опозицијата се познати , ние нашата решителност ја покажавме пред целата македонска јавност, прво со давање на изјави за неприфаќање на мандатите, па потоа принудени спротивно на уставот и на законот да поднесеме оставки. Ние од нашите ставови не отстапуваме, нашите ставови се исклучиво во интерес на државата и сите тие ставови кои што како теми ги наметнавме пред јавноста и денеска на разговорите имаат конечна цел, да ја подобрат Република Македонија, да ја направат нормална земја која што ќе биде подготвена да спроведе фер, слободни и демократски избори, и конечните цели, слобода, демократија и владеење на правото. Без техничка влада сите други теми се ирелевантни за разговор. Опозицијата нема намера да води гол инает, ние сме подготвени на преговори и разговори и затоа денеска сме овде, доколку е подготвена и власта да разговара за нашите барања вклучително и за техничка влада, деталите секогаш може да се допрецизираат. По оваа средба јас апсолутно не сум оптимист. Вие знаете дека приматот на нашето барање, прв приоритет е техничка влада, доколку нема подготвеност за разговори од страна на власта за техничка влада навистина, другите точки кои се полесни за разговори, се безпредметни за разговарање. За оставките на пратениците оставено е на владејачкото мнозинство да одлучи. Целта на денешната средба беше претседателот на најголемата владеачка партија и претседателот на најголемата опозициона партија да видат дали има можности да отпочнат преговори. Ние немаме намера да отстапиме од нашите барања. Она што го бараме е апсолутно легитимно“, истакна лидерот на опозициската СДСМ, по лидерската средба со премиерот Никола груевски.
И премиерот Никола Груевски по средбата со претседателот на СДСМ, Зоран Заев категорично изјави дека нема договор, а за формирање техничка влада не постои ниту минимална шанса.
Груевски рече дека со Заев разговарале за формирање на работни групи и состанокот течел конструктивно, но пред крајот на средбата лидерот на СДСМ според Груевски добил совети од некого без да прецизира од кој, и побарал од него пред медиумите да каже дека прифаќа формирање техничка влада.
„Можам да кажам дека денеска разговорите се одвиваа во една мирна и коректна атмосфера и речиси на крајот се договоривме на следната недела почнат со работа работни групи кои ќе ги разгледуваат сите прашања кои што ги засегаат двете страни, меѓутоа на неколку минути пред крајот Заев побара од мене денеска во изјава да потврдам дека прифаќаме формирање на техничка влада што за мене беше изненадување и мислам дека некој го посоветувал на таква работа но јас тоа не го прифатив. Јас му кажав јасно дека за нас е неприфатливо формирањето на техничка влада, ние сега формиравме влада и таа почна да работи со полна пареа во интерес на граѓаните и во исполнување на тоа што сме им го ветиле нив, а техничка влада и нови избори тие од нас не бараат“, истакна по средбата премиерот Груевски.
Груевски не објасни што ќе се случува понатаму но рече дека за сите понатамошните чекори прво ќе разговара во партијата, ќе размисли па ќе се произнесеме во јавност./крај/мф/ап
Извор: ФОТО: МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.