Политика
СДСМ: Груевски бара дозвола од Ахмети за уривање објект во Чаир
Во 38-та ткн. „бомба“ на опозицијата, лидерот на СДСМ, Зоран Заев, објави наводно прислушувани снимки во кои се слуша како функционери договараат дали, кога и како да урнат објект во Чаир изграден на `диво`.
Во 38-та ткн. „бомба“ на опозицијата, лидерот на СДСМ, Зоран Заев, објави наводно прислушувани снимки во кои се слуша како функционери договараат дали, кога и како да урнат објект во Чаир изграден на `диво`.
„Ќе чуете дека Никола Груевски не можел сам да спроведува самоволие. Ќе чуете за плодната соработка на коалицијата за интерес на функционерите. Апсурдно е Груевски да бара дозвола од Ахмети за рушење на објект во Чаир. Но во снимките што следуваат, има и поважно, дека рушењето дивоградби може да се стопира, за 100.000 евра. Овој сет снимки отвора и друга димензија, подаништвото на ДУИ кон ВМРО ДПМНЕ“, рече Заев.
Во наводно прислушуван разговор меѓу Али Ахмети и Никола Груевски, кој се случува на празникот Свети Никола, гласот кој треба да му припаѓа на премиерот вели: „Е сега, утре треба некои две згради, ама неизградени згради, еден, два ката само изградени да се срушат во Чаир… Тие дигнаа тешка узбуна. Не знам шо да праам. Треба помош од тебе. Во Чаир се, да. На диво се почнати, сега се почнати пред едно четири-пет месеци да се градат. Значи после Законот за денационализација, за легализација. После законот и за утре сабајле у шест саат закажано е рушење. И сега сите твои се јавуваат кај министерот за транспорт дека тоа политички ќе било лошо за нив, за ДУИ и така натаму. Сега ние во наши општини, кај можеме, рушиме и ќе испадне дека само во едни се руши во други не се руши. Не знам шо да направам. Од друга страна, па да не напраат некој инцидент, некако да се чуеш, да видиш да кажеш дека заеднички сме го договориле тоа. Значи таму се стаени темели, приземје и први кат, не е изградена“. Наводно Ахмети одговара: „Да, да. Ја разговарав и со Муса, тој бараше да разговараме утре, да не се делува пред Новата Година. И јас мислам дека политички ние не губиме ништо, политички добиваме“.
За истиот објект и поранешната министерка за внатрешни Гордана Јанкулоска во разговор со соговорник наводно вели: „Абе овие индијанциве у Чаир имале некој објект и градежен инспекторат побарал да го рушиме, односно да го рушат ние да бараме асистенција, утре. Ама нешо не им е доорганизирано како што треба. И сега таму знаеш како, тие се племе, ако дадеме асистенција, а не се заврши работата, проблем ќе биде. Зборев еднаш со Миле, тоа е у Чаир некоја зграда шо се гради, јас сега не ги знам, ама претпоставувам… Па зборевме со Миле, транспорт, да не го рушат утре, и они нема да се појават, ама да знаат и нашиве да не правиме трошоци. Да не го рушат утре, да се спремни од инспекторатов, после Нова Година да го рушат“.
„Објектот за кој станува збор и денеска постои, спроти амбасадата на САД во Скопје. За тоа има одговор во материјалите од УБК кои го имаме. Транскриптот е меѓу Ахмети и Бекир Асани. Вториот му вели дека ако крева прашина ваква е работата твојот зеде 100.000 за работа во Чаир, бидејќи Сашо Мијалков зеде 100.000 евра. Тој со кој Ахмети требало да разговара е Никола Груевски“, рече Заев.
Во 38-та бомба беа пуштени и разговори во кои се отворија, според опозициската СДСМ, сомнежи за корупција со Слободната економска зона во Тетово во која е вмешан врвот на ДУИ, па така место подобрата турска фирма, зделката ја добива фирма од Норвешка, „зад која стои Хаки, добро познат финансиер на ДУИ“.
Се пуштија разговори и за тоа како функционерите од ДУИ се договараат кои министерства да ги земат, па како на едни им се допаѓаат некои ресори, а на други не, затоа што таму „немало пари“. Во ист контекст се поставуваат и директори на институции, и се вработуваат роднини на партиски послушници. „Муса Џафери: Бреза сака едно добро место за него…многу добро дете…он излегол најхрабар од сите овојпат…ме убеди во тоа, овие од кај ‘Шкупи’ сакале во НД (Нова Демократија) да го однесат…ми вели за инат јас влегов тука…сакаа да ме избркаат во НД.“
Во еден наводен разговор меѓу Али Ахмети и Тахир Хани се слуша како ДУИ се откажува од програмски планови: „Тахир Хани: Проектот кој вие го промовиравте, Тетово – Призрен, на секој собир, целосно е тргнат од дневен ред“.
Беа презенитрани и разговори во кои се омаловажува Рамиз Мерко, поранешен градоначалник на Струга и од скоро член на претседателстовот на ДУИ./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.