Политика
СДСМ: Груевски не може да направи коалиција со граѓаните оти е далеку од нив

Груевски не може да направи коалиција со граѓаните бидејќи тој е далеку од граѓаните, со милионски провизии, во Мерцедес од 600 илјади евра, купен со пари на граѓаните, порачуваат од СДСМ.
„Откако делегатите на Конгресот на СДСМ направија историска одлука и ги изгласаа победничките кандидатски листи за пратеници на СДСМ во сојуз со коалициските партнери и граѓаните, Груевски денеска набрзина собрал четири здруженија за да покаже дека и тој може да направи граѓански сојуз…Единствено што направи обвинетиот Груевски денеска, е што потпиша соработка со своите бизнис соработници. Груевски потпиша меморандум со Здружението за културно обединување на Бошњаците од Македонија АВАЗ Скопје, чиј управител е Сеад Кочан, односно како што вели Груевски во „бомбите“, оној што има кола Сеат Ибица, кога мести тендери“, се вели во соопштението од СДСМ.
Понатаму од СДСМ појаснуват дека еден од сопствениците на здружението, покрај него е и неговиот брат Сеид Кочан.
„Тоа се истите браќа Кочан коишто без тендер преку Трансмет ја добија работата за санација на обиколницата погодена од поплавите од 2,6 милиони евра. Трансмет од 2012 година до денес, има добиено над 63,4 милиони евра работа од страна на државата. Сеад Кочан ја отвори и Телевизија НОВА, наменски за да ја фали власта пред избори“, се вели во соопштението од СДСМ.
Според нив, фамозното Здружение за духовно обединување на Сетинци, Попадинци и Крушоради од Лерин доби возило „Ауди А4“ и деловен простор во центарот на Скопје како донација од државата. Дополнително, велат од СДСМ, доби и повеќе грантови од Владата за невладини организации, а преку него беа поставени и седум споменици во центарот на Скопје на кое се јавуваше како донатор, без да одговори колку чинат и кои се авторите.
„Дури и обидите за копирање му пропаѓаат на Груевски бидејќи тој нема допирна точка со граѓаните. Токму граѓаните и листите на СДСМ ќе го поразат на 11 декември и ќе го испратат во историјата“, порачуваат од СДСМ. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Спасовски: Полицијата на границите и кај Свети Спас беше пример за тоа како се постапува по европски стандарди

Министерот за внатрешни работи Оливер Спасовски им оддаде признание и честитки за професионализмот и посветеноста од страна на сите организациони единици при МВР, за добро реализираниот оперативен план во делот на одржување на безбедноста при чествувањето на денот на раѓањето на Гоце Делчев.
„ Како пред гробот на великанот Делчев кај црквата „Свети Спас”, така и на граничните премини, македонската полиција на висина на задачата успешно го спроведе овој настан од највисок безбедносен степен – еклатантен пример за тоа како постапува полиција од европски ранг.
Благодарност и до граѓаните, медиумите и медиумските работници кои имаа разбирање и на најпрофесионален начин дадоа свој придонес за навистина достоинствено чествување на великанот Гоце Делчев. И секако како што и претходно нагласив: македонската полиција нема да дозволи понижување на македонскиот народ!“ порача Спасовски.
Македонија
ВМРО-Народна поддржува амнестија на осудените за 27 април

ВМРО-Народна партија упати поддршка за предлог – Законот за амнестија на лицата осудени за настаните од 27 април 2017 година.
„ И претходно ВМРО-Народна партија реагирала на преголемите казни, па сходно на тоа сметаме дека овој предлог-Закон доаѓа во вистинско време, а да притоа не го руши правниот систем на Северна Македонија“ велат од партијата.
Македонија
ВМРО-ДПМНЕ: Асот на Ковачевски, Наумче Мојсовски под сомнение за криминал, а уште го чуваат на позицијата директор

Антикорупциска утврдила дека Мојсовски и Комисија избрана од Владата, по пат на искористување на службената положба и несовесно работење, заобиколувајќи ги законските процедури извршиле распределби на средства од ваучер системот за финансирање на спортски клубови, со што го оштетиле буџетот на државата. За ова Наумче Мојсовски добил и кривична пријава, што го прави недостоен да ја врши функцијата, велат од ВМРО-ДПМНЕ.
„ Во овој систем за кој одлучувал Мојсовски и владина екипа се вртат една милијарда денари и постои основан сомнеж дека ваквите пари не завршувале кај спортисти и клубови според реални критериуми. Постојат индиции дека под сомнителни околности биле доделувани на фаворизирани федерации и клубови, при што силно влијание на изборот имале поединци, па дури и политички партии.
Како тоа вртеле милијарда денари, има сомневање за злоупотреба, а владата на Ковачевски и Ахмети молчат за криминалот. Мојсовски се уште одлучува за пари. Криминалот е принципот на делување и во спортот. Ахмети и Ковачевски се што фатија исушија со криминал и неработа“ се вели во соопштението.
Асот на Ковачевски, Наумче Мојсовски под сомнение за криминал, а уште го чуваат на позицијата директор, и затоа е потребно оставки веднаш, порачаа од ВМРО-ДПМНЕ.