За малверзации на Универзитетот „Гоце Делчев“ во Штип, за вработувањља по партиска линија, за инспекции во фирми кои не се `потчинуваат` на власта, како и мислењето за своите сопартијци, функционери, коалициски партнери и други, слушна јавноста од саботната опозициска `бомба`, пуштена од Штип  
 

За малверзации на Универзитетот „Гоце Делчев“ во Штип, за вработувањља по партиска линија, за инспекции во фирми кои не се `потчинуваат` на власта, како и мислењето за своите сопартијци, функционери, коалициски партнери и други, слушна јавноста од саботната опозициска `бомба`, пуштена од Штип  

„Првиот разговор е помеѓу Антонио Милошоски и Саша Митрев, Ректор на Универзитетот Гоце Делчев во Штип. Ќе слушнете како, за да се добие согласност за вработување во Универзитетот е доволно некој да се повика на Антонио Милошоски. Лично Милошоски крои план како негов човек прво да волонтира а потоа да биде вработен на Универзитетот.“, рече Владимир Милошев, претседател на ОО СДСМ Штип.

Во наводниот разговор меѓу пратеничките Силвана Бонева и Надица Танчева – Тулиева, се слуша како се договара упис на Бонева на Универзитетот „Гоце Делчев“. Навдно гласот на Танчева Тлиева вели: „класичен упис ќе биде во август“, а Бонева нарачува „да ми земеш какви смерови, кога има испити“. Танчева –Тулиева потврдува :„Упис ќе направиме таму кај што се нашите професори“, а Бонева вели: „Ќе видиме кои испити ќе се признаат и дека ќе ме запишат, у која година ме запишуват врз основа на тоа… Срамота е веќе“.

Универзитетот во Штип се злоупотребува за интереси на ВМРО-ДПМНЕ, обвини Милошев.

Во друг наводен разговор меѓу Бонева и Танчева, се слуша што мисли пратеничката на Штип, за поранешниот градоначалник на Штип, Зоранчо Алексов: „Поминав еден пекол…И овој лудако градоначалнико Алексов, многу имавме мака…“

„Во третиот разговор, помеѓу Ванчо Костадинов, актуелен заменик министер за земјоделие, тогашен директор на Централниот регистар, и Влатко Мијалков, директор на Царинската управа. Според Мијалков, поранешниот градоначалник на Штип, Алексов е „чуден човек“ па, како што вели, некои дури сметале дека и „со паметот не е малку“ во ред.“, рече Милошев

Министерот за транспорт и врски Миле Јанакиески и пратеникот Александар Николовски за актуелниот градоначалник на Штип Илчо Захариев,  мислат дека е „бандит невиден“, а машкиот глас кој наводно му припажа на Јанакиески вели „не се кара таму, не е зајадлив, лизни-мазни“, затоа има највисок рејтинг од сите кандидати.

На денот на локалните избори 2013 година, Никола Груевски, преку секретарката бара сите да се извадат на гласање, согласно списоците, а таа бара и повратно да има, кој кого извадил.

Ванчо Костадинов е ангажиран и во Општина Центар, договара со Миле Јанакиески, пензионерите да се пратат во странство и да се задржат на граница. Да ги носат Грција или Србија, иако тој што го предлага да ја заврши работата, споре наводно Миле Јанакиески е „глуп“ и место другите, ќе ги однесе „нашите“.

„Следува разговор кој уште еднаш ја покажува поклопеноста на државниот систем. Како вработувањата се реализираат исклучиво по партиска линија и како прво се одредува список на имиња па потоа врз основа на тој список од „кадрова“ се распишува оглас за вработување“, рече Милошев. Во разговорот меѓу наводно Ванчо Костадинов и Влатко Чингоски тогашен директор на ЕЛЕМ, се слуша дека приватни фирми биле под жесток притисок на власта. Машкиот глас кој треба да му припаѓа на Чингоски вели:„ прво треба да се одберат луѓето, а  после се отвора конкурс“.

Во друг разговор се слуша како Јанакиески и Костадинов констатираат дека сопственикот на „Ваго петрол“ не сака да одработува за власта, а за да се смени неговата одлука Јанакиески дава налог да се информира пазарна инспекција и УЈП. Од друга страна со Влатко Мијлков се договара кои бизнисмени од Штип да бидат притиснати: „Мите „Нико петрол“ да го стегнеме, ама „Роби“ треба да го притегнеме“.

Во еден разговор се слуша министерката за внатрешни Гордана Јанкулоска и минстерот за финансии Зоран Ставрески, што мислат за Никола  Тодоров, но и за здрваството воопшто. Дека Никола Тодоров направил најмногу стратешки грешки. Дека направил исти грешки и во образование, но немало време да ескалира, вели наводно Јанкулоска, која Тодоров го вика „лигња“, Тодоров. „Мајка ми ми вика, не е убаво ова… треба нешто да направите, мака имаат луѓето…“, се жали Јанкулоска на Ставрески, откако мајка и не завршила работа на лекар.

„Личните навреди и меѓусебната омраза биле секојдневие за министрите во владата на Груевски. Тоа го покажува нивното човечко и културно ниво, нивните вредности. Но, за граѓаните тоа нема суштинско значење. На виделина излегува целокупната нивна неспособност“, вели Милошев.

Ставрески и Јанкулоска, за Миле Јанакиески мислат дека е ѓубре невидено, полош од сите….

Во друг разговор се слуша како Бонева е на тапет затоа што заклучила дека ѕидот на стариот театар е крив и неквалитетно направен… За Лиле поповска од ДОМ, велат е „будало жениште“…

„Знаеш ли каква куќа градел.. две куќи градат земјиштето го зеле во име на Сашо… Пријавил дека станот го купил пред да дојде на власт, а го купил година и пол откако дошол на власт, „шупак“, се слуша во наводен разговор меѓу Јанкулоска и Ставрески, за пратеникот и поранешен министер за надворешни Антонио Милошески. С

За вицепремиерот Владимир Пешевски сметаат дека е „супер друштво за кај Миленко“… „Сегде кај што треба работа – јас“, вели Јанкулоска, „Сегде кај шо треба за сликање  – хипо… а не знае која река тече во Куманово“, додава таа за Пешевски.

Парите од кредитите, со кои власта на Груевски ги задолжува граѓаните се злоупотребуваат пред избори, обвини СДСМ. „250 милиони евра од Светска банка, по втор пат ни даваат, а одлучено е да не го даваат два пати, гаранција се вика тоа, и идиотот (Пешевски) оди со изјава…“, вели наводно Ставрески. „Ова као уз пат го одговара, а ова  е бомба у јавноста…Многу злобно човечиште, лош, злобен и без воспитание….“, констатира наводно Јанкулоска

Јанкулоска и шефот на кабинет Мартин Протугер, за коалиционите партнери ДУИ велта „Го слушам Бујар (Османи), мислам копиле е, ВМРО не се заинтересирале за знамињата…“. „Ја и со Џеват и со Абдулаким зборев, и со Артан Груби другар ти“.„Тој па која гадура е … тој со тенкот е убав, тоа е се само не убаво… кој знае како изгледа ружно во неговите очи… убаво му е човек со шест прсти, мутант… сигурно има органи од овца, гадура, еј“, се смее наводно Јанкулоска.

Во еден од последните разговори се слуша колку е лоша финансиската состојба што и припадниците на полицијата сакаат да одат во Аганистан…

„Кај нас од специјална единица одат… факт е дека за три месеци 30.000 евра ќе заработи, ама не може така… ќе видиме кај ќе работи кога ќе се врати… Ѓоле (претседателот Ѓорге Иванов) ми се  јави, да иде тој од кај него од обезбедување, немал пари… потоа бараше и на два пати во иста година… па му кажав дека не може, не е законски… чекаше до другата година и пак отиде… толку тајни знае може да ги издаде… претседател е на држава… замисли медиумски да се дознае… ќе речат дури и тие што се највисоко им бегаат.

Тренирано говедо си го пуштил на обука и он ќе си отиде…“, се слуша во разговор меѓу наводно Јанкулоска и Ставрески.

На крајот на прес-коференцијата Милошев ги повика неговите сограѓани штипјани, во 18.30 часот на сенароден, протестен марш за враќање на слободата, демократијата, правото во Македонија/крај/мф/бб.