Контакт

Политика

Шекеринска: Од вчерашниoт огромен митинг ги одбројуваме последните денови до слободата

Објавено пред

Вчеравечер имавме величествен митинг во Битола и битолчани навистина покажаа дека со Груевски и со Талески е веќе е сé завршено и Битола како и целата Изборна единица 5 ни покажаа дека граѓаните бараат, инсистираат на промени, дека сакаат животот да се врати тука во Македонија, затоа ве повикуваме да продолжиме да ја испраќаме истата порака, реле во неделата Рамила Шекеринска, Радмила Шекеринска, заменик претседателка на СДСМ и носителка на кандидатска листа во ИЕ5.

 

„Вечерва во 18 часот, тука во Скопје ќе организираме огромен митинг на којшто ќе покажеме дека Македонија застанува зад живот на своите најмлади зад себе, зад сите свои граѓани коишто бараат да биде подобро, животот да биде посигурен и животот да го градиме овде во татковината“, порача Шекеринска.

Ги повика граѓаните да се приклучат на овој митинг, заедно да ги „броиме последните денови на овој режим, заедно да покажеме дека на 11 декември доаѓа слободата, доаѓа животот во Македонија, доаѓаат подобри денови за нашата татковина“.

„Вечерва се гледаме во 18 часот пред Владата, вечерва почнуваме да одбројуваме до последните денови на режимот во нашата држава“, порача Шекеринска./крај/мф



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Арсовски: 280.000 евра за кампања за спречување корупција, нов скандалозен тендер

Објавено пред

Портпаролот на ВМРО-ДПМНЕ, Димче Арсовски, денеска реагира на владините постапки во врска со кампањата за спречување корупција.

„Денес, ќе објавиме нов тендер што го пушти Владата на Заев, тоа е набавка за услуги за осмислување и реализација на кампања од јавен интерес за спречување корупција. Љупчо Николовски, откако почна да им брои чаши вода на министрите, сега веќе ќе прави заедно со Заев кампања во вредност од 14.436.865 денари или 240.000 евра без ДДВ, односно над 280.000 евра со ДДВ. Замислете, тендер за маркетинг-услуги за кампања за спречување корупција во вредност од над 280.000 евра. Па самиот тендер е сомнеж за сериозна корупција“, истакна Арсовски.

„Предвиделе ставка од Владата во овој тендер во вредност од 1.407.200 денари без ДДВ, подготовка и реализација на медија план, закуп на медиумски простор на сите канали, освен приватните радиодифузери на територијата на Македонија. Каков грабеж, луѓе“, вели портпаролот на ВМРО-ДПМНЕ.

Според него, Владата не смее да се рекламира во медиумите.

„Тоа е прво и основно и е нивна владина одлука од 2017 година. Потоа, закуп на медиумски простор на сите канали – кои канали? На каналите на Македонската радио-телевизија Владата секако се огласува и емитува бесплатно доколку е кампања од јавен интерес, како што ги водат и овие двете камапњи, кои тежат над 600.000 евра. Ова не е ништо повеќе, од класичен грабеж на државните и народните пари и плаќање кампања на СДСМ за локалните избори од државни пари. Вчера споменав, денес повторно ќе споменам, веќе се зборува кои агенции блиски до СДСМ ќе ги земат овие тендери. Практично истите тие ќе им работат и во кампања“, потенцира Арсовски.

Апелира Владата да прекине со овие тендери за кои, како што вели, се грабеж на македонскиот народ и македонската држава.

Прикажи повеќе...

Македонија

(Видео) Милошоски: Што разговарале Заев и шефот на турската наркомафија во домот на премиeрот?

Објавено пред

Лично Седет Пекер, шефот на турската наркомафија, кој е меѓу лицата што добиле македонска патна исправа пред два дена, рече дека го познава македонскиот премиер, дека се пријатели и дека бил кај него дома, посочи на денешната прес-конференција пратеникот на ВМРО-ДПМНЕ, Антонијо Милошоски.

Притоа тој истакна дека сега се поставува прашање што крие Заев од јавноста и што треба јавноста да знае за неговата релација со Седат Пекер за кој рече дека во Македонија престојувал цели 3 месеци и се движел со полициска придружба.

„Нашето прашање до Заев е следново: Кога имал средба со Седат Пекер надвор од Скопје? Второто прашање до Заев е: Колку од неговите советници во неговиот кабинет оствариле средба со Седат Пекер? И нашето трето прашање е: Со кои високи функционери од МВР во октомври 2020 година Седат Пекер имал средба во хотелот ‘Буши’ за што е известена и Агенцијата за национална безбедност?“, јавно запраша Милошоски.

Тој нагласи дека ВМРО-ДПМНЕ смета оти овие три прашања Заев мора да ги одговори за да се расчисти, како што рече, ситуацијата за тоа кој дал налог за издавање 214 пасоши на наркобосови од регионот, кои се барани со меѓународни потерници.

Милошоски истакна и дека единствената точка што ги поврзува Седат Пекер и Зоран Заев се наркотиците.

„Дали можеби марихуаната била предмет на разговори помеѓу Заев и Пекер или можеби разговори се воделе за можни инвестиции на Седат Пекер во угостителскиот и трговско-туристичкиот сектор на Македонија?

Сметаме дека Зоран Заев е човекот што знаел зошто Седат Пекер, кога бил уапсен, не бил протеран во Турција, каде што државата има објавено потерница, а исто така и Интерпол, туку бил екстрадиран во соседно Косово.

Очекуваме ЈО да отвори истрага по овој предмет, да го повика лично и Зоран Заев на разговор, но да повика и неколку советници од кабинетот на Заев, кои оствариле лично средби со мафијашот Седат Пекер изминатите неколку месеци“, рече Милошоски.

Прикажи повеќе...

Македонија

(Видео) Мицкоски: Смислуваат 300 варијации само да не го споменат името Македонија, жално е за гледање

Објавено пред

Претседателот на ВМРО-ДПМНЕ, Христијан Мицкоски, денеска во Прилеп одржа говор одбележувајќи го денот на победата над фашизмот и Денот на Европа.

Тој на почетокот на своето обраќање, посочи дека Прилеп е град-херој и место од каде почнало народноослободителното движење и народноослободителната борба.

„Ова не треба да се заборави никогаш и слава им на хероите. Треба секој од нас да е свесен дека единствен народ на Балканот кој своја државност стекнал преку НОБ без европски или светски спонзори е токму македонскиот народ и оваа држава која што ние ја живееме“, посочи лидерот на опозициската пратија.

Како што рече Мицкоски, нашите предци не` не посрамотиле и застанале на вистинската страна во борбата против фашизмот, но според него прашањето е дали денешната власт го чува тоа наследство и не ги посрамотува нашите предци.

„Одговорот го добиваме кога премиерот, во името на некакво пријателство, вели дека тука имало администрација, а не фашистички окупатор, што самото по себе е тешка небулоза и невистина“, рече Мицкоски.

Според него, веќе жално е да се гледа конструкцијата на речениците на државните функционери кога треба да се честа некаков важен јубилеј или празник.

„Веќе жал ме фаќа и јадно е за гледање она нивно препелкање, на премиерот и сите министри до еден кога ќе требаат да честитаат некаков важен јубилеј или празник. Успех на фудбалска или ракометна репрезентација, или да се одбележи некој ден, 8 септември или 11 октомври. А сигурно и денес на 9 мај тоа ќе се случи. Ќе изнапишат статуси, ќе смислат 300 варијации, само да не го споменат името Македонија. Бегаат од него, срамежливо ќе асоцираат, како да сме безимени. Од новото име се срамат, а Македонија не ја пишуваат. Тука ќе им го видите нивниот ум и нивното отсуство на кичма. Работите мора да се гледаат реално и да се кажуваат такви какви што се, без додавања, точки или запирки“, порача Мицкоски.

Тој нагласи дека денеска е третата година откако Заев го прославил добивањето на датум и почеток на преговори, со фотографија во владиниот авион.

„Но 4 години не мрднаа ниту милиметар напред. А ние 30 години, 30 долги и мачни години само правиме отстапки. Сменивме знаме, Устав во повеќе наврати, добивме пресуда во Меѓународниот суд во Хаг, па не убедуваа дека тоа била цената на геостратегијата и силата на посилниот, Заев го смени уставното име и повторно го промени Уставот. Потпиша договор со Бугарија кој го нарече договор за добрососедство, и се фалеше дека ги затворил сите отворени прашања. И што добивме? Од Европа добивме тапкање по рамо, ветувања и нов услов за напредок на патот кон ЕУ. Сега наместо почеток на преговорите условот е да признаеме дека пред 1944 година сме биле Бугари, дека нашиот јазик бил бугарски, дека сите оние илинденци кои со крв ја пролеаја македонска земја за независна држава во срцето на Балканот не биле Македонци, туку биле бугарски војводи, тоа е новиот услов кој ние треба да го прифатиме“, рече претседателот на ВМРО-ДПМНЕ.

Според него и Европската Унија треба да биде погласна за криминалите кои ги прави оваа влада и за грешните политики кои земјава ја туркаат во бездна.

„Нашата европска иднина се загрозува со секој криминален тендер кој оваа влада ќе го направи, затоа што денес Бугарија е пречка, но во истиот момент станува пречка и кога овие што штанцале пасоши на белосветски криминалци ќе примат удар како топовско месо и ќе лежат по смешни 2 години затвор, само за да нема одговорност за главата на криминалната мафија, затоа што такви како Рашкоски има секоја општина, министерство или претпријатие, десетпати повеќе од тоа што јавноста го знае“, порача Мицкоски.

Како што нагласи тој, ЕУ мора повеќе да се ангажира околку обезбедувањето на нашата иднина.

„Затоа од овде од слободарски Прилеп ќе им порачам, преговори веднаш, оставете го Заев и тие главоклимачи околу него. Не се тие Македонија, туку овој чесен и честит народ и вредни домаќини. Ова е народот кој многу пред вас ги покажувал своите европски вредности и неговото место е таму за да ја добие заслужената правда, а да ја добијат и сите оние кои што се неправедно обвинети и неправедно осудени од ова обвинителство и судство кое е под целосна чизма на власта на Зоран Заев“, рече претседателот на ВМРО-ДПМНЕ.

Тој порача дека мора да има промена зошто, како што кажа, Заев брутално паѓа, а сака со него да нѐ повлече сите нас.

„Нема повеќе паѓање. Народот не смее да биде повеќе жртва на мафијата, мора да се ослободи бизнисот, криминалците да одговараат, а на луѓето да им се даде надеж и визија. Ќе се борам крвнички за секој еден од вас и заедно ќе градиме се што овие уништија. Македонија ќе го има својот 4 Илинден и ќе биде просперитетна држава, а ќе ја вратиме надежта дека може подобро. Ќе удри зората и за нашата земја. А ВМРО-ДПМНЕ ќе го има се почесто на улиците, селата и градовите, помеѓу својот народ. Македонската пролет се раѓа“, истакна Мицкоски во говорот во Прилеп.

Прикажи повеќе...

Најново

Македонија11 час

Во петок во Македонија ќе пристигнат 38.400 вакцини од „Астразенека“

Овој петок во Македонија ќе пристигнат 38.400 вакцини од „Астразенека“, соопшти министерот за здравство, Венко Филипче. „Добивме уште една добра...

Македонија15 часа

Во Македонија 171 нов случај на коронавирус, починаа 26 лица

Во последните 24 часа во Македонија се потврдени 171 нов случај на коронавирус, 26 лица починаа, а 409 оздравеа, соопшти...

Македонија15 часа

Државата треба да ѝ врати над 1,7 милион евра на Европската комисија, пари што ги проневерил ексфунционер од МИОА

Основното јавно обвинителство за гонење на организиран криминал поднесе обвинение против поранешниот секретар во Министерството за информатичко општество и администрација и...

Македонија17 часа

Од четврток забраната за движење ќе трае само по четири часа

Владата на денешната 69-та седница донесе одлука полицискиот час, од 13 мај, да почнува на полноќ, наместо од 23 часот...

Македонија17 часа

(Видео) Заев: Европските лидери добро ја разбираат нашата порака – идентитетот не е за преговори

Премиерот Зоран Заев денеска ги сумира резултатите од средбите кои во изминатите два дена нашата владина делегацијата ги оствари со...

Македонија18 часа

Во првата недела од мај 37 отсто е намален бројот на новозаразени и починати од Ковид-19

Според неделниот извештај на Институтот за јавно здравје (ИЈЗ), во текот на минатата недела (од 3 до 9 мај) тестирани...

Македонија18 часа

Доцна вечерва пристигнува офицерот на АРМ, кој со корона се заразил во Африка

Министерката за одбрана, Радмила Шекеринска, ја потврди информацијата дека припадник на АРМ е заразен од коронавирус во Централноафриканската Република. Потполковник...

Свет20 часа

Еден од напаѓачите го најавил масакрот во руското училиште носејќи маска со натпис „бог“

Најмалку 11 лица се убиени во вооружениот напад во средно училиште во рускиот град Казањ. Напаѓачите, според информациите објавени од...

Македонија21 час

Министерството за здравство: Вчера се аплицирани 14.033 дози вакцини

Вакцинацијата се одвива непречено на сите пунктови во државата. Интересот за вакцинација секојдневно се зголемува, а досега бројот на лица...

Регион22 часа

Во Србија пораст на бројот на вакцинирани по ветувањето на Вучиќ од 25 евра

Корона-бројките во Србија продолжуваат да паѓаат и покажуваат помалку од 1.000 заразени втор ден по ред, а белградските медиуми тврдат...

Македонија22 часа

Владата денеска ќе одлучува за новите рестриктивни мерки

Владата денеска ќе ја одржи редовната 69-та седница со повеќе точки на дневниот ред, информираат владините служби. На седницата, која...

Свет23 часа

СЗО: Сите треба да бидеме загрижени поради индискиот сој на коронавирус

Светската здравствена организација (СЗО) го класифицира индискиот сој на коронавирусот, исто така познат како двоен мутант, како можност од нова...

Свет23 часа

(Видео) Најмалку 20 загинати, меѓу нив 9 деца во синоќешните израелски напади

Палестинците рано утрово лансираа десетици ракети од Газа, а Израел возврати со нови воздушни напади. Израелската армија објави дека во...

Регион1 ден

Швајцарски весник со истражување: Зошто Балканот е легло на антиваксери?

Весникот Ноје Цирхер Цајтунг (НЗЗ), на почетокот на анализата од дописникот на Југоисточна Европа, Волкер Пабст, истакнува дека до неодамна,...

Македонија2 дена

Филипче: Значајно се испразнети болниците, хируршките одделенија се вратени во функција

Eпидемиолошката крива е во опаѓање и бројот на хоспитализирани пациенти во континуитет се намалува во изминатите денови, изјави министерот за...

Македонија2 дена

Инспекторатот за животна средина: Рудникот „Казандол“ не претставува опасност

Рудникот „Казандол“ во моментот не претставува опасност за животната средина и локалното население, соопшти Државниот инспекторат за животна средина, кој...

Македонија2 дена

Средба Заев – Фон дер Лаен: Идентитетски прашања не смее да бидат на масата за разговори

Претседателот на Владата на Република Северна Македонија, Зоран Заев, во рамките на посетата на Брисел, оствари средба и со претседателката...

Македонија2 дена

Заев од Брисел: Идентитетот не може да биде причина за блокада на европските интеграции

Премиерот Зоран Заев, придружуван од заменик-претседателот во Владата за европски прашања, Никола Димитров, министерот за надворешни работи, Бујар Османи, и...

Македонија2 дена

Од 12 до 18 мај полициски час од 24 часот, дозволено да биде и организирање настани на затворено

Кризниот штаб предложи олеснување на рестриктивните мерки – полицискиот час да почнува од 24 часот, угостителските објекти да работат до...

Свет2 дена

(Видео) Застрашувачки снимки од Индија, пациенти оставени да умираат, лекарите се кријат

Во Индија се појавија застрашувачки снимки од пациенти заразени од коронавирус, кои, според тврдењата на нивните семејства, лекарите ги оставиле...

Досие