Контакт

Политика

ВМРО-ДПМНЕ: ДИК да не подлегнува под притисоци и сценарија

Објавено пред

Апелираме до Државната изборна комисија (ДИК) да не подлегнува под никакви притисоци и да не влегува во ничии сценарија за постизборен инженеринг, со кој би се оспорила волјата на над 455 000 македонски граѓани со чии гласови ВМРО-ДПМНЕ освои 51 пратеник, се вели во соопштението на партијата ВМРО-ДПМНЕ, која оценува дека приговорите поднесени од страна на опозициските СДСМ и БЕСА се без основа, затоа што претходно немало забелешки за оспорените избирачки места.

Партијата, како што се истакнува во соопштението, „внимателно и одблиску, со крајна сериозност и загриженост ја следи работата на Државната изборна комисија и најновото одложување на одлучувањето по апсурдните приговори од страна на СДСМ и БЕСА“.

Државната изборна комисија (ДИК) претходно во средата ја одложи за следниот ден во уште неодреден термин седницата за расправање и одлучување по приговорите од подносителите на листи на кандидати за пратеници, предизвикувајќи го револтот на ВМРО-ДПМНЕ, која претходно реагираше и на пробивањето на крајниот рок од страна на Комисијата за соопштување на прелиминарните конечни резултати од предвремените парламентарни избори одржани на 11-ти декември.

„Целата домашна и меѓународна јавност беа сведоци дека предвремените избори минаа во мирна, фер и демократска атмосфера без ниту еден инцидент. Изборите во неделата јасно ја одразија волјата на мнозинството од македонскиот народ кој се одлучи за излез од кризата и одбра проекти и реформи наместо деструкција“, истакнуваат од ВМРО-ДПМНЕ.

Од партијата посочуваат и дека единствената обврска на ДИК е да ја верификува волјата и одлуката на мнозинството граѓани и оти не смее да подлегнува на притисоците „од страна на сценаристите кои сакаат да спроведат постизборен инженеринг“.

„Повеќе од очигледен е договорот меѓу СДСМ и БЕСА за извртување, поништување и фалсификување на волјата на мнозинството од македонскиот народ, нешто што кореспондира со вчерашната прес конференција на Зоран Заев и нешто што очигледно не е само негова одлука“, предупредуваат од владејачката партија.

„Сосема е јасно дека приговорите се целосно неосновани и дека се пуштени за избирачки места на кои немало никакви забелешки во записниците и места на кои немало никакви нерегуларности. Единствениот критериум по кој се одбирале местата за кои се упатени забелешките е математиката во постизборниот инженеринг која кажува дека со дополнителна трговија со гласови, би можела да биде заобиколена волјата на мнозинството“, велат натаму од ВМРО-ДПМНЕ

Предупредуваат и дека таквите постапки повлекуваат кривична одговорност, како и дека правниот тим на ВМРО-ДПМНЕ внимателно и одблиску ја следи ситуацијата .

Извршниот комитет на ВМРО-ДПМНЕ претходно во средата одржал седница на којашто била оценувана актуелната политичка состојба во земјата, особено „постојаното одолговлекување на официјализирањето на изборните резултати“. Притоа, највисокото тело на партијата заклучило дека „волјата на граѓаните на предвремените парламентарни избори беше јасно изразена и недозволиво е кој и да е да си поигрува и да го фалсификува гласот на народот“.

Порачуваат, исто така, дека ВМРО-ДПМНЕ и 25-те партии од Коалицијата за подобра Македонија „нема да дозволат изигрување на изборната волја на мнозинството граѓани во Република Македонија“./крај/мф

Македонија

Пендаровски негира дека службената белешка за Камчев излегла од неговиот кабинет

Објавено пред

Шефот на државата, Стево Пендаровски, е загрижен што службената белешка со назнака „строго доверливо“ од Агенцијата за национална безбедност, по која бизнисменот Орце Камчев доби притвор, излегла во јавност.

За лидерот на опозицијата, Христијан Мицкоски, не е ништо чудно што документот излегол од институциите. Пендаровски одби да ја коментира содржината, а пак, Мицкоски, рече дека од неа се гледа оти Заев се пресметува со бизнисменот Камчев и затоа му е одреден притвор. Претседателот на државата рече дека белешката не излегла од кај него, иако ја имал во неговиот кабинет.

„Службената белешка од АНБ не можам да ја коментирам содржински. Јасно е од кои причини – има постапка и додека не заврши со правосилна судска пресуда, како граѓанин и политичар не би смеел да коментирам бидејќи е мешање во судството. Инаку, јас сум еден од неколкутемина корисници во државното раководство кој ја доби таа белешка на времето и можам да ви кажам дека примерокот што е објавен, по интерната истрага, не е излезена од мојот кабинет, ниту од службите под моја директна надлежност. Тоа ми е драго, но не ми е драго што такви висококласифицирани документи, независно од нивната содржина, излегуваат во јавност. Истрагата треба да покаже како е можно при прилично лимитиран број државни субјекти во сферата на судството и државното раководство, како е воопшто излезен тој документ. Ние сме една година членови на НАТО, многу ни е важно тие информации да ги читаат само оние за кои се наменети“, рече Пендаровски.

Мицкоски за службената белешка рече дека ако вака ни излегуваат документи од АНБ, тогаш многу бргу ќе го изгубиме државниот суверенитет.

„Не е првпат политички неистомисленици на Зоран Заев со половина лист хартија напишан на рака да бидат ставани во притвор или затвор. Затоа не ме чуди ова што излезе. Очекувам сѐ додека Зоран Заев е таму каде што е, секој неистомисленик што не потврдува со главата, не коленичи, не моли, како многумина, како што е последниот случај, еве овој бизнисмен. Тоа што излегуваат документи од државните институции, за тоа треба да се позанимаваат државните институции и луѓето што ги раководат тие институции. Треба кон некои од нив да има некакви консеквенции бидејќи ако вака ни излегуваат документи од АНБ или други витални институции, тогаш ние многу бргу ќе го изгубиме суверенитетот врз државата“, посочи Мицкоски.

Медиумите деновиве објавија дека Агенцијата за национална безбедност и Обвинителството за гонење организиран криминал веќе истражуваат како доверливиот документ заврши на социјалните мрежи. АНБ кажа дека ќе излезе со соопштение, а Обвинителството од почеток посочи дека документот не е излезен од кај нив. Тајниот документ го има и во Кривичниот суд, од каде што не одговараат на прашањето дали е можно од кај нив да е излезен документот во јавноста и дали е автентичен со оригиналот.

Прикажи повеќе...

Македонија

Пендаровски: Казните за осудените за 27 април се заслужени и за тоа нема компромис

Објавено пред

Претседателот Стево Пендаровски, по средбата со лидерот на ВМРО-ДПМНЕ, Христијан Мицкоски, рече дека не заговара преотворање на процесот и ново судење за обвинетите, туку тоа е законска обврска на судот доколку има нови докази предложени од одбраната, кои не биле дел од процесот. Претседателот рече дека со Мицкоски се соочил само дека таа законска можност за преотворање на процесот постои. За обвинетите рече дека не се судени за тероризам, туку за сосема друг член. Пендаровски рече дека за него тоа е терористичко загрозување на уставниот поредок според судскиот речник, но не тероризам.

Тој инаку посочи дека одвај 4-5 минути разговарале за настаните од 27 април.

„Политичката реторика врз основа на која тие пресуди беа врамувани и објаснувани, според мене, дополнително го продлабочува јазот меѓу граѓаните. Според едната група и едното образложение, тие се терористи од рангот на Ал каеда и ИСИС, а според други, тие се уставобранители иако им е судено за загрозување на уставниот поредок, значи не го штителе, туку го рушеле Уставот. Мојата теза е дека ако вака продолжиме со политичка реторика, која е крајно спротивставена, не само што нема да дојдеме до национално или граѓанско помирување туку нема да воспоставиме базична политичка комуникација меѓу нас, како што е сега ситуацијата. Со оваа моја теза не правам ревизија на судската пресуда бидејќи не гледам причина за такво нешто. Тоа е завршена работа, луѓето се во затвор, не велам дека пресудата е донесена без докази, туку зборувам за обидите за политичко толкување на пресудите, кое не придонесува за воспоставување нормална политичка дебата, во која нема да се гледаме како смртни непријатели. Мојот став е дека ако има нови докази, кои порано не биле познати, може да го преотвори процесот, не значи дека јас заговарам преотворање на процесот. Јас само ја цитирам одредбата од законот, со која тие луѓе, преку своите адвокати, со вонреден правен лек, може да побараат од Врховниот суд да ги оцени новите докази, ако тие постојат. Одлуката дали процесот ќе биде повторен сигурно нема да ја носи политички фактор, туку судот. Ја разбирам потребата за драматизирање и патетика, како и најавите дека средбата ќе помине со обид да се ревидира судскиот процес за 27 април или дека со средбата се врши притисок врз судството. Претпоставувам, ќе се сложиме дека е крајно необично притисок врз судот да се врши на јавна средба од кабинетот на претседателот. Тие притисоци се прават на поинаков начин и средства за што се убедивме од прислушуваните материјали“, рече Пендаровски.

Претседателот посочи дека осудените добиле заслужени казни и за тоа нема компромис.

„Во однос на случувањата од 27 април, јас го повторив мојот став дека помилување лица што направиле кривично дело без преседан во современа Европа не доаѓа предвид бидејќи вината им беше утврдена. Во однос на правната квалификација на делото, факт е дека тие лица не беа осудени за кривично дело тероризам, туку под друг член за терористичко загрозување на уставниот поредок. Дејствата со кои може да се изврши тоа дело се слични, можната казна е идентична. Инаку, за 27 април постои и пресуда за истите луѓе што беа дел од толпата и влегоа во Собранието и го претепаа Зијадин Села. Ако се следи правната квалификација на таа пресуда, тие беа осудени и добија високи казни, но не за тероризам, туку за убиство во обид. Или во случајот со напаѓачот со пратеничката, тогаш Радмила Шекеринска, со сцените што нѐ шокираа нас и светот, кому не му се судеше за тероризам, туку за насилство. Сите овие споменати направија страшни кривични дела. Оставија тешки трауми кај нападнатите и семејствата. Добија заслужени казни и тука нема компромис“, додаде Пендаровски.

На средбата со Мицкоски претседателот Пендаровски го информирал лидерот на опозицијата и за интеграциите во Европската Унија.
„Јас го информирав во однос на блокираните евроинтеграции. Му кажав дека од Софија не доаѓаат никакви новости поради нивните избори. Во кратки црти му кажав што мислат, зборуваат, планираат нашите европски пријатели во Брисел за целата оваа ситуација“, рече Пендаровски.

Прикажи повеќе...

Македонија

Мицкоски: Не бараме амнестија, туку правда за осудените за нападот во Собранието

Објавено пред

Лидерот на ВМРО-ДПМНЕ, Христијан Мицкоски, тврди дека заедно со шефот на државата, Стево Пендаровски, постигнале договор дека осудените за настаните од 27 април треба да побараат судење, кое ќе почне од почеток, а политичарите да ги држат настрана рацете од судството и Обвинителството.

Тој посочи дека се разговарало и на други теми, како и за актуелните случувањата во политиката. Мицкоски неколкупати рече дека од адвокатите на осудените за 27 април дознал дека тие веќе имаат нови докази, кои се причина за одново да им се суди.

„Не бараме амнестија, туку правда. Тоа значи дека овие луѓе, кои се обвинети за терористичко загрозување на уставниот поредок поради непостапување е драконски, треба да ја добијат пресудата во втор степен за да побараат правда во трет степен. Ако можеше случајот ‘Сопот’, па и ‘Монструм’, кој поради една изјава на Зоран Заев кога беше во опозиција и кажа дека обвинетите не се сторители, не гледам зошто овие т.н. терористи според Кацарска и Зоран Заев, според новите докази што ги имаат бранителите, да не го почнат од почеток процесот и да докажат дека не се терористи, но сториле прекршување на законот, а не затоа што некој нарачал и дивеел со судските одлуки. За тоа најдовме разбирање“, рече Мицкоски.

Лидерот на ВМРО-ДПМНЕ рече дека ги одмрзнал односите со Пендаровски, а тоа би го направил секогаш кога ќе може да спаси барем еден живот.

„Ние разговараме за правда, тоа е основното нешто. Ние сме политичари што треба да се грижат за граѓаните да имаат загарантирана правда. Нема да бидам мирен ако има и еден човек што доживеал неправда. Нема да престанам да се борам за правда за сите граѓани. Ќе се борам до последна капка крв за секој граѓанин. Ние покрај тоа што зборувавме за неправедно осудените за 27 април, не споменавме амнестија, туку правда. Во оваа држава треба да има правда, без разлика дали е Саздо, Алмир, Томче, Христијан. Сите сме граѓани на Македонија“, додаде Мицкоски.

Според Мицкоски, тој и натаму ќе има согласувања и несогласувања со Пендаровски и тоа го оцени како нормално.

„Не бараме амнестија, не бараме милост, туку правда за осудените лица. Правдата практично и осудено лице ја побара во завршните зборови. Тој рече: ‘Да, сум направил грешка и сум ги прекршил законите, но не можете да ме осудите за тероризам, јас си ги сакам државата и народот и никогаш нема да бидам терорист’. Ова што го барам не е амнестија, туку правда. Истото тоа што го имаа како можност оние осудени за ‘Сопот’, како и за ‘Монструм’. Врз основа на овие докази да има судски процес бидејќи овие не може да бидат обвинети за тероризам“, посочи Мицкоски.

Мицкоски разговарал со претседателот и за актуелни теми, како и за инвестициите во државава.
„Разговаравме за загрижувачката состојба со криминалот и корупцијата, а ние сме најкорумпираната држава за која постои мислење дека ја води најкорумпираната Влада. Разговаравме за инвестициите, за новиот клиничкиот центар, за други проекти. Се договоривме да одржуваме контакт и понатаму да комуницираме за крупни теми, кои значат за Македонија и граѓаните“, додаде Мицкоски.

Прикажи повеќе...

Најново

Македонија10 часа

Пендаровски негира дека службената белешка за Камчев излегла од неговиот кабинет

Шефот на државата, Стево Пендаровски, е загрижен што службената белешка со назнака „строго доверливо“ од Агенцијата за национална безбедност, по...

Македонија10 часа

Пендаровски: Казните за осудените за 27 април се заслужени и за тоа нема компромис

Претседателот Стево Пендаровски, по средбата со лидерот на ВМРО-ДПМНЕ, Христијан Мицкоски, рече дека не заговара преотворање на процесот и ново...

Македонија11 час

Мицкоски: Не бараме амнестија, туку правда за осудените за нападот во Собранието

Лидерот на ВМРО-ДПМНЕ, Христијан Мицкоски, тврди дека заедно со шефот на државата, Стево Пендаровски, постигнале договор дека осудените за настаните...

Македонија12 часа

Во Македонија 234 нови случаи на коронавирус, починаа 25 лица

Во последните 24 часа во Македонија се потврдени 234 нови случаи на коронавирус, починаа 25 лица, а оздравеа 768 пациенти,...

Македонија12 часа

Министерството за здравство ќе ги објави цените на кинеските вакцини

Министерството за здравство ќе ги објави цените на кинеските вакцини и деловите од договорите за набавката за кои ќе добие...

Македонија12 часа

Филипче: Ефикасноста на вакцината на „Синовак“ е поголема од 50 проценти

Ефикасноста на кинеската вакцина „Синовак“ е многу поголема од педесет отсто, уверува министерот за здравство Венко Филипче. Во текот на...

Македонија13 часа

Во периодот што следи приоритет за вакцинирање ќе имаат хронично болните

Во периодот што следи приоритет ќе се даде на вакцинирање на возрасните гупи и хронично болните, а сосема мал дел...

Македонија15 часа

Филипче се вакцинираше: Вакцините се безбедни и сигурни

Министерот за здравство Венко Филипче денеска ја прими вакцината за заштита од Ковид-19 од кинеската „Синофарм“. Иако пред да стигнат...

Македонија18 часа

Вчера се вакцинирале 12.606 граѓани

Министерството за здравство соопшти дека вакцинацијата се одвива непречено на сите пунктови низ државата. Исто така се наведува дека интересот...

Свет18 часа

Пентагон: САД не планираат да ја соборат кинеската ракета која неконтролирано кружи околу Земјата

САД се надеваат дека кинеската ракета, која неконтролирано кружи околу Земјата, ќе падне на безбедно место и засега не планираат...

Регион18 часа

(Видео) Хаос во косовското Собрание: Пратеници се туркаа, опозицијата побара оставка од министерката

Во Собранието на Косово имаше тензии меѓу пратениците на Демократската партија на Косово и Самоопределување, при што дојде до турканици...

Македонија18 часа

Вархеји: Албанија би можела да ги почне разговорите за членство во ЕУ без Северна Македонија

Доколку продолжи бугарската блокада на Македонија, Брисел би можел да ги раздвои разговорите со Скопје и Тирана за членство во...

Регион18 часа

Хрватска ќе им донира вакцини од „Астразенека“ на земјите од регионот

Хрватска ќе донира 50.000 дози вакцини за земјите во регионот, и тоа 30.000 за Босна и Херцеговина и по десет...

Свет18 часа

Повторно пукање во училиште во САД: Ученичка пукаше во наставничката и соучениците

Повторно пукање во училиште во САД. Ученичка од шесто одделение извадила пиштол од ранецот и пукала во соучениците и наставничката....

Македонија1 ден

Во Македонија 324 нови случаи на коронавирус, починаа 26 лица

Во последните 24 часа во Македонија се потврдени 324 нови случаи на коронавирус, а пријавени се 1.178 оздравени и 26...

Македонија2 дена

Антикорупциска утврдила дека парите платени на приватна фирма за кинески вакцини се вратени

Документот кој го објави ВМРО-ДПМНЕ за исплата на пари од Министерството за здравство, со цел набавка на кинески вакцини, го...

Македонија2 дена

Заев: Само со нови докази повторно отворање на случајот за крвавиот упад во Собранието

Отворање на случајот одново само доколку има нови докази и моменти. Ова е ставот на премиерот Зоран Заев за барањето...

Европа2 дена

Фон дер Лајен: Сите земји да дозволат извоз на вакцини

Претседателката на Европската комисија, Урсула фон дер Лајен, денеска изјави дека ЕУ е подготвена да го разгледа секој предлог што...

Македонија2 дена

(Видео) Премиерот Заев се вакцинираше со кинеската вакцина на „Синофарм“

Премиерот Зоран Заев се вакцинираше против коронавирус денеска на пунктот во спортската сала „Борис Трајковски“. Тој се вакцинираше со првата...

Македонија2 дена

Вчера се вакцинирале 9.123 граѓани

Министерството за здравство соопшти дека вакцинацијата се одвива непречено на сите пунктови низ државата и дека интересот за вакцинација секојдневно...

Досие