Политика
Заев: Опозицијата ќе ги спроведе сите контролни механизми
Бегање од Договорот нема, а ако некој калкулира дека со тоа купување на време ќе избегне нешто од тоа што треба Договорот да го имплементира и го потврди, само се лаже. Затоа ден порано да ги завршиме работите за да може да преминеме на следните фази. Ова е сериозен процес којшто е отворен во Република Македонија. Само сериозно посветување во неговото имплементирање може да донесе квалитет повеќе за граѓаните, порача лидерот на СДСМ, Зоран Заев.
Прашан дали навистина тие намерно одолговлекуваат и пробиваат рокови и се зкануваат со продолжување на „бомбите“, Заев рече дека, доколку опозицијата сакала да продолжи со „бомбите“ воопшто немаше да седне со Никола Груевски и со власта на преговори. „Нашето убедување е дека по пат на преговори овој хибриден режим ќе замине. Апсолутно принципиелно сме поставени, благодарение исто така и на меѓународната заедница којашто е менаџер на целиот преговарачки процес, а секако овде и на имплементацијата на договореното. Навистина не би сакал да навлегувам во детали на вината заради тоа што на крајот меѓународната заедница е таа којашто ќе каже кој навистина целосно е посветен на процесот со развој на идеи и секаков вид на опции, а кој навистина го блокира процесот“, рече Заев.Порача дека мора да се донесе изборна регулатива, прочистување на избирачкиот список, и одлуки како со медиумите понатаму, а претстои правосудството, претстојат толку многу области.„Ние сме рационални луѓе, еве граѓаните ценат дали сме непопустливи или попустливи во процесот. Ние кога седнуваме на маса знаеме дека Договорот мора да се постигне некаде на пола пат, и тоа е така, но апсолутно црвените линии се поставени. Ако при овој тригер којшто се отвори општеството со политичката криза, навистина чесно не се поставиме исклучиво кон интересите на Македонија и на граѓаните, не на политичарите и политичките партии, тогаш само се лажеме ние и ги лажеме нашите граѓани“, рече ЗаевНа прашањето зошто анкетната комисија во Собрание веќе втора недела го помина рокот од како требаше да се формира, Заев рече дека нема притисок од меѓунароната заедница заради тоа што навистина биле принципиелно поставени. „Не може насловот да биде проблем на Анкетната комисија. Насловот го пишува во договорот. Сега тоа да се банализира, навистина, не гледам никакво оправдување. Кажувам како моментум или детал, зошто одредени процеси се закочуваат. Бегање нема. Ако треба да го дефинираме насловот на Анкетната комисиија, него го пишува во договорот од Пржино. Ако треба принципиелно бројот да се постави, нека се постави. Ако некој од политичарите мисли дека треба да ја затвори седницата, нека излезе во јавност и нека каже зошто тој сака да даде исказ на затворена седница, а се бориме за транспарентност сите“, додаде Заев.За објавите во некои медиуми дека Дамјан Манчевски е идниот претседател на ДИК, Заев рече дека, тој тоа го разбрал токму од медиумите, а ред е „Заев да знае кои се имињата“.„ Досега посветено работевме на процедурите, на принципиелна поставеност во самите институции коишто ќе бидат обврска на опозицијата. Повторувам уште еднаш, во преодна влада ние не влегуваме да владееме со ВМРО-ДПМНЕ. Ние во преодната влада влегуваме да бидеме гарантори на фер, регуларни и демократски избори. Тоа значи, целосното влегување во овие институции како што се дефинирани во договорот од 15 јули, значи обврска на опозицијата да ги спроведе сите контролни механизми и моментуми во целиот овој шестмесечен период пред нас, за да победникот на крајот има полн легитимитет. Груевски тоа го гарантира преку сите институции. Заев, еве фигуративно зборувам, како први луѓе од власт и опозиција, тоа ќе може преку овие неколку министерства да го направи и апсолутно, тоа е за на крајот, победникот да има целосен легитимитет“, рече Заев./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.