Македонија
Претседателот Иванов на Ифтар вечера во Скудриње

Претседателот Ѓорѓе Иванов, во саботата ја посети Општина Маврово – Ростуше во рамки на која присуствуваше на Ифтар вечера во селото Скудриње.
При посетата, од страна на градоначалникот на Општината, Мукрем Мехмеди, Иванов беше информиран во врска со активностите кои ги превзема локалната власт во соработка со централната власт за подобрување на животот на населението.
Мехмеди нагласи дека се спроведуваат бројни проекти во сферата на инфраструктурата, а за заинтересираните пачалбари кои сакаат да инвестираат во родниот крај, Општината нуди одлични услови и локации.
Од страна на директорот на Националан парк Маврово, Онер Јакуповски, Иванов беше информиран за поддршката што ја дава овој парк на локалната самоуправа и на населението во реализацијата на повеќе проекти.
Претседателот Иванов, кој посетата на Општината ја почна во Манастирот Свети Јован Бигорски, ја заврши во селото Скудриње каде што присуствуваше на големиот рамазански Ифтар на кој беа и Дебарскиот муфтија Рамазан еф. Хаса, сите имами на областа Река, членовите на Советот на општината и претставници на бизнис секторот.
За време на посетата на неколкуте Рекански села по долината на реката Радика, Иванов беше топло поздравен од страна на месното население.
Претседателот Иванов им го честиташе месецот на постот Рамазан и престојниот муслиманскиот верски празник Рамазан Бајрам. Тој воедно на печалбарите, кои се бројни во овој регион на Македонија, им посака добар престој во текот на одморите во родниот крај. „Овој е еден од најубавите региони во нашава земја“, нагласи претседателот Иванов.крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Екс министерот за економија, Бектеши, повикан на распит во полиција

Поранешниот министер за економија, Крешник Бектеши е повикан на информативен разговор во полиција. Во моментов се наоѓа во ПС Карпош.
Разговорот следи по информациите дека државна секретарка во министерството за економија додека тој бил министер ставила потпис на фалсификуваната лиценца за дискотеката во Кочани која изгоре.
Македонија
Уште еден загинат од екипата на „ДНК“: познатите се збогуваат со Мартин Атанасовски – Буцо Битбокс

Трагичниот пожар во ноќниот клуб „Пулс“ во Кочани однесе уште еден живот – почина Мартин Атанасовски, познат како Буцо Битбокс.
Тој беше еден од најпознатите битбоксери во Македонија и честопати настапуваше со дуото „ДНК“.
Македонија
Седум пациенти се згрижени во Клиника Жан Митрев, за критичните се очекува да бидат преземени и да биде организиран трансфер во странство

Во овие критични моменти, Клиниката Жан Митрев извести дека е целосно посветена на обезбедување итна и најквалитетна медицинска грижа за сите погодени од несреќата.
„Во моментов, кај нас се згрижени седум пациенти, од кои тројца се во животозагрозувачка состојба и се интубирани. Нашиот медицински тим вложува максимални напори за нивна стабилизација и се очекува организирање трансфер во странски медицински центри за понатамошно лекување.
Ги мобилизираме сите расположливи ресурси и остануваме посветени на борбата за секој живот. Нашите мисли и поддршка се со пациентите, нивните семејства и сите засегнати од оваа трагедија“, сооштија од Клиниката Жан Митрев.