Региони
Битола се збратимува со кинескиот економски гигант Нингбо
На иницијатива на владата на Кина, општина Битола и кинеската општина Нингбо неодамна започнаа процес на збратимување. На 4-ти ноември делегација од општината Нингбо доаѓа во Битола кога и официјално ќе биде потпишано збратимувањето. Притоа ќе се разгледуваат и можностите за економска соработка.
На иницијатива на владата на Кина, општина Битола и кинеската општина Нингбо неодамна започнаа процес на збратимување. На 4-ти ноември делегација од општината Нингбо доаѓа во Битола кога и официјално ќе биде потпишано збратимувањето. Притоа ќе се разгледуваат и можностите за економска соработка.
Нингбо е општина со 7,6 милиони население и е високо развиен индустриски и комерцијален центар кој спаѓа во 10-те економски најразвиени градови во Кина. Од општината Нингбо велат дека збратимувањето со Битола е дел од стратегијата за интернационализација, односно проширување на комуникацијата со земјите од централна и источна Европа, со цел остварување на натамошна соработка. На 4-ти ноември делегација од општината Нингбо ќе ја посети Битола.
„Во последните 30 години нашата соработка се одвиваше главно со западно европските земји, бидејќи тие се голем пазар. Кинеската централна влада има стратегија за поврзаноста на Кина со сите земји во Европа. Нашата влада го охрабрува Нингбо да ги зајакне односите со централна и источна Европа. Во Македонија нашиот збратимен град е Битола. Ако ја разбереме Битола ќе ја разбереме цела Македонија и ќе најдеме начини за соработка. Настојуваме да оствариме соработка со што е можно повеќе официјални претставници на Битола, но и бизнисмени. Моја одговорност е да ја посетам Битола и да ја прераскажам назад во Нингбо пред нашите бизнисмени и претприемачи вистинската приказна за Битола, со цел да го разберат вашиот град мошне добро“, вели директорот на канцеларијата за надворешни работи на Нингбо, Конг Веивеи, којшто е 75-та генерација потомок на познатиот кинески филозоф Конфучиј.
Најавуваат и дека делегацијата од Нингбо при посетата на Битола ќе ги разгледува и можностите за економска соработка особено откако вниманието им го привлече германската инвестиција на Кромберг и Шуберт во Битола.
„Нингбо е важна база во автомобилската индустрија во Кина. ’ЏД’ фабриката за автомобилско производство е лоцирана во Нингбо. Тие минатата година остварија соработка со Волво во Шведска. Се разбира дека на фабриките за производство на автомобили им се потребни делови за автомобили. Ние разбираме дека откако ја идентификувале Македонија како локација за инвестиции многу странци вклучувајќи ја Германија и западно-европските земји инвестираат пари и лоцираат фабрики во вашата земја бидејќи им нудите многу предности. Нингбо има добри односи со Германија во областа на производството на делови за автомобили. Ние произведуваме делови за германски фабрики за автомобили. Фолсфаген на пример има подружница во Нингбо. Затоа сакаме да се запознаеме со можностите во вашата земја, бидејќи можеби токму германскиот инвеститор е модел за нас. Можеме да контактираме со нив, да ја разбереме вашата политика и како вашата Влада ги поддржува странците да инвестираат. Мислам дека тоа ќе биде добро искуство за нас“, рече Конг за новинарите од Македонија кои на покана на општината Нингбо беа во посета на Кина.
Инаку, Нингбо покрај тоа што има мошне развиена индустрија, располага и со одлични трговски врски со цел свет. Најголема предност на овој кинески град е пристаништето кое има историја долга 1200 години, поврзано е со 600 пристаништа во 100 држави во светот. Во 2013 година низ ова пристаниште поминале 496 милиони тони стока од целиот свет. Тоа е четврто по големина во светот и има капацитет за контејнери со тежина од 300.000 тони.
„Комуникацијата на пристаништето во Нингбо со пристаништата во Европа е на највисоко ниво. Со модерни контејнери се пренесуваат стоки до и од пристаништата низ Европа. Всушност европските пристаништа за нас се многу важни бидејќи од вкупниот карго пренос на пристаништето во Нингбо 40 отсто доаѓаат од Европа“, вели Џанг Веи, од бордот на компанијата која раководи со пристаништето во Нингбо.
Во Нингбо се наоѓа и најдолгиот прекуморски мост во светот, долг 36 километри, кој го поврзува градот со финансиската престолнина Шангај. Со големи визии за иднината Нингбо настојува преку близината и поврзаноста со Шангај да стане уште посилна и позначајна светска економска дестинација./крај/мф/аш
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.
Македонија
ЦУК: Активни два пожари, вчера регистрирани 26 пожари
Активни се два пожари од вкупно 26 на отворен простор што се регистрирани вчера во државава, информира утрово Центрот за управување со кризи (ЦУК).
-Активни се пожарите во Општина Македонски Брод, село Белица под Солунска Глава, каде што гори ретка борова шума, сува трева и грмушки и во Општина Чашка кај село Крива Круша, каде што гори сува трева и папрат, се наведува во соопштението.
Изгаснатите 24 пожари од вкупно 26 во последното деноноќие биле во:
– Општина Гази Баба, кај клучка кај Арачиново (каде што горела трска);
– Општина Аеродром. покрј ул.„Ѓорѓи Капчев“ (отпадоци);
– Општина Бутел, кај населбара „Кучевишка Бара“ (сува трева);
– Општина Илинден, кај с.Бунарџик (сува трева);
– Општина Новаци, кај с.Бач (сува трева);
– Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума); – Општина Долнени, помеѓу селата Рилево и Сливје (сува трева);
– Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
– Општина Гевгелија, кај с.Ѓавато (сува трева); – Општина Велес, с.Иванковци (сува трева);
– Општина Чашка, с.Стари Град (сува трева и трње);
– Општина Штип, помеѓу конфекција Албатрос и Штипска млекара (сува трева и грмушки);
– Општина Куманово, 2 пожара, с.Карабичани (сува трева) и с.Романовце (стрниште);
– Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
– Општина Крива Паланка, с.Луке (букова шума и сува трева) и во – Општина Кратово: с.Татомир (каде што горела сува трева).
Македонија
ЦУК: Во последното деноноќие имало 10 пожари на отворено
Во текот на вчерашниот ден, според извештаите во Секторот за операции и координација во Центарот за управување со кризи (ЦУК), во државата во последното деноноќие имало регистрирано вкупно 10 пожара на отворено, до утрово како активен се уште се води само еден.
– Активен се води се уште пожарот што изби од 13:00 часот помеѓу селата Римница и Бибај, во месноста „Рибничка Планина“ во Општина Маврово – Ростуше, со којшто се зафатени високи пасишта, смреки, папрат, поедини стебла од бука, ела и шума.Заради напристпаноста за возилапожарникарите од ТППЕ Гостивар не интервенирале. Во можност биле само од Националниот парк „Маврово“ да интервенираат со 5 вработени. Пожарот е локализиран, но се уште има чад во внатрешноста. Лицата кои интервенирале се повлекле од терен во после 18:40 часот. Во утринските часови повторно екипите од националниот парк е планирано да извидат и да интервенираат на истиот тешкопристапен терен – информираат од ЦУК.
Изгаснати биле девет пожари на отворено, во:
– Општина Новаци, два пожара, во период од 14:00 до 14:40 часот, со едно ПП возило и три пожарникари интервенирале на запалена ниска вегетација во атарот на селата Лознани и Тополчани и од 15:15 до 18:55 часот, со едно ПП возило и три пожарникари интервенирале на запалена слама во с.Далбеговци;
– Општина Могила, во период од 22:30 до 00:10 часот, со едно ПП возило и два пожарникара интервенирале на запалена ниска вегетација и стрниште во с.Ношпал;
– Општина Прилеп, два пожара, од 14:35 до 15:15 часот, со четири пожарникари и две ПП возила интервенрале на запалена ниска вегетација на патот кон с.Селце и во период од 15:15 до 16:15 часот, со едно ПП возило и три пожарникари интервенирале на запалена ниска вегетација во атарот на с.Ерековци;
– Општина Тетово, два пожара, 16:47 до 17:15 часот, со три пожарникари и едно ПП возило интервенирале на запалена ниска вегетација во нас.Малеадри и од 13:22 до 14:22 часот, со едно ПП возило и два пожарникара интервенирале на запалена ниска вегетација покарај ул. „Илинденска“;
– Општина Велес, во период од 19:30 до 21:20 часот, со едно ПП возило и три пожарникари интервенирале на запалена ниска вегетација и стрниште на површина од два хектара во атарот на с.Мустафино;
– Општина Дојран, пожарникарите од ТППЕ Гевгелија дека во период од 12:20 до 14:00 часот, со едно ПП возило и три пожарниакри заедно со Доброволно ПП друштво „Дојран“ со едно ПП возило и три пожарникари интервенирале на запалена ниска вегетација на површина од половина хектар во с.Фурка и во
– Општина Гази Баба, пожарникарите од БППЗ на Град Скопје во период 19:15 до 21:00 часот, со едно ПП возило и три пожарникари интервенирале на запалени отпадоци на површина од половина хектар во с.Страчинци.