Македонија
СДСМ: Болниците полни болни деца, власта без ефективна мерка за загадувањето
![](https://makfax.com.mk/wp-content/uploads/2016/11/magla-7.jpg)
Крајно неодговорно е клиниките да се преполни со болни деца и граѓани, а на градоначалничкиот состанок да не се донесе ниту една ефективна мерка против загадувањето во Скопје, сметаат од СДСМ.
„Граѓаните знаат дека Скопје можеше да биде гасифициран град. БЕГ (Топлификација )под контрола на лица од фамилијата на Никола Груевски можеше да ги мотивира граѓаните да се греат на парно, наместо да ги принудува да се исклучуваат поради лошите услуги. Груевски и Коце Трајановски можеа да овозможат субвенции за пелети на граѓаните, наместо да потрошат над 630 милиони евра за криминалниот проект Скопје 2014. Тоа што 10 години не го направија Никола Груевски и Коце Трајановски, ќе го спроведе новата одговорна Влада на граѓаните на Република Македонија“, се вели во реакцијата на СДСМ.
Додаваат дека новата Влада ќе ги гасифицира и Скопје и сите други градови во Македонија, по успешните примери во Струмица и Куманово. Че ги пренамени за намалување на загадувањето на воздухот 20-те милиони евра за Панорамско тркало, 5.7-те милиони евра што само во 2017 година Груевски и Трајановски сакаа да ги потрошат на нови барокни фасади, 500-те илјади евра што планираа да ги потрошат за партерно уредување на седиштето на ВМРО-ДПМНЕ. Со овие пари ќе се овозможи бесплатен јавен превоз за сите граѓани во деновите на високо загадување и субвенции за греење за социјално најранливите категории. Како интервентни мерки ќе воведат посебен сообраќаен режим и времен целосен прекин на сите градежни активности во Скопје.
„Сите кои ги загрозуваа животите на граѓаните со несериозни политики ќе одговараат.“, се вели во соопштението./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.