Македонија
СДСМ денеска во Ѓорче Петров и Карпош, ВМРО-ДПМНЕ во Македонски Брод и Кичево
СДСМ и Коалицијата „За живот во Македонија“, во сабота ќе има митинзи во Ѓорче Петров во 17.30 часот и во Карпош во 19 часот. Носителката на листа во ИЕ 5 Радмила Шекеринска ќе има средби со граѓани во Охрид.
ВМРО-ДПМНЕ и Коалицијата „За подобра Македонија“, пак, во сабота митингува во Македонски Брод во 17.30 часот и во Кичево во 20 часот.
Демократската партија на Албанците (ДПА) ќе има средба со граѓаните во Слатина и Теарце во 18.30 и во Добридол во 20 часот.
Коалицијата за промени и правда денеска ќе биде во Драчево во 13 часот. Носителот на кандидатската листа бо Изборната единица 4,, Слободан Богоевски е во Струмица.
Алијанса за Албанците ќе има митинзи во Липково во 18 часот и во Арачиново во 20 часот
Коалицијата „ВМРО за Македонија‘‘ ќе одржи средба со граѓани во Штип, на која ќе присуствуваат претседателот на ВМРО-Народна партија, Љубчо Георгиевски, претседателот на Обединети за Македонија, Љубе Бошкоски и претседателот на Достоинство, Стојанче Ангелов.
Носителот на кандидатската листа на ДУИ во петтата изборна единица Агим Шаќири денеска ќе одржи прес конференција на патот Кичево – Струга во 13 часот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

