Со стратегијата за развој на активниот туризам, стратегија којашто ќе го врати сјајот на Охрид, но и ќе го зачува неговото посебно културно богатство, ги запозна во петок, носителот на кандидатската листа на СДСМ за 5 – тата изборна единица, Радмила Шекеринска, охриѓани.

„Охрид е македонскиот туристички центар и по декември ќе мора да ја добие грижата којашто ја заслужува. Нашиот План за живот во Македонија значи дека главната цел ни е младите од цела Македонија, вклучително и младите од Охрид, да одлучат тука да ја градат својата иднина, тука да инвестираат, тука да создадат семејство, да останат со своите најблиски“, рече Шекеринска.

Таа рече дека преземаат одговорност во Охрид да ги заштитиат сите негови богатства, споменици, којшто се споменици од значење за целата Македонија.

„Со страв, со вознемиреност граѓаните на Охрид, и на Македонија ги слушаат овие вести дека местото на Охрид во УНЕСКО е загрозено. Превземаме обврска да ги заштитиме и охридското езеро и охрид, и неговата околина, од криминалните проекти кој што го ставаат под знак на прашање неговото место во УНЕСКО. Имаме план кој што подразбира инвестиции за заштита на вистинското културно богатство кој најповеќе се наоѓа токму тука во Охрид“, додаде Шекереинска.

Рече дека планираат да донесат нов закон за заштита на спомениците во Македонија кој ќе ја содржи целата листа на вистинските културни богатства и тоа ќе значи финансиска обврска на државата тие културни богатства да ги чува и да ги предаде на следните генерации./крај/со/бб