Македонија
СДСМ: Македонија има најлоша буџетска транспарентност во регионот

Десетгодишното владеење на ВМРО-ДПМНЕ од Македонија направи земја која има најнетранспарентен буџет во регионот, сметаат од најголемата опозициска партија СДСМ, а ова го потврди и извештајот за „Отворен Буџет 2015“ на Меѓународното буџетско партнерство кое Македонија ја рангираше на дното на светската ранг листа во друштво со Мароко, Руанда и Зимбавбе.
„Ваквото рангирање не е изненадување ако се знае фактот дека власта на ВМРО-ДПМНЕ и сите институции раководени од кадри на владеачката партија со години ги кријат буџетските приходи и расходи, со особен акцент на јавниот долг кој никогаш не беше точно прикажан. Десет години граѓаните ги плаќаа долговите кои власта ги правеше преку преплатени проекти како Скопје 2014 за кој се уште не се знае крајната цена“, додаваат од партијата.
Порачаа дека ваквата арогантност и неотчетност на власта завршува на 11 декември. Граѓаните ќе стават крај на расипничкото трошење буџетски пари./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
МВР најави засилени мерки против непрописното паркирање

Вчера во периодот од 17:00 до 20:00 часот од страна на Одделението за безбедност на патниот сообраќај при СВР Скопје преземени се зајакнати мерки за санкционирање на непрописно паркираните возила низ централното градско подрачје за зголемување на безбедноста во сообраќајот.
МВР информира дека се преземени вкупно 20 мерки од кои изречени се шест прекршочни платни налози за непрописно паркирани возила, 12 возила се подигнати со специјалното возило “пајак” и 2 мерки по останати прекршоци.
Сообраќајните контроли продолжуваат и во наредните денови, најави МВР.
Од таму апелираат до сите учесници во сообраќајот да се почитуваат сообраќајните правила и прописи и сите заедно да придонесеме за посигурни патишта.
Македонија
Облачно време со пороен дожд и грмежи

Времето денеска ќе биде променливо облачно и нестабилно со повремени локални врнежи од дожд и грмежи. Наместа процесите ќе бидат поинтензивни во форма на невреме со пообилен пороен дожд, грмежи, силен ветер и изолирана појава на град, информира УХМР.
Минималната температура ќе биде во интервал од 6 до 11, а максималната ќе достигне од 18 до 26 степени.
Во Скопје, променливо облачно, попладне во делови од котлината ќе биде нестабилно со пороен дожд, грмежи, засилен ветер и услови за изолирана појава на град. Минималната температура ќе се спушти до 11, а максималната ќе достигне до 25 степени.
Во деновите од викендот ќе се задржи променливо облачно и нестабилно време со повремени врнежи од дожд и појава на грмежи. Локално ќе има поинтензивни процеси во форма на невреме со пообилен пороен дожд, грмежи, силен ветер и изолирана појава на град.
Во понеделник ќе има повремен локален дожд, а од вторник стабилизирање на времето.
Македонија
Ѓорче Петров и Сопиште денеска без струја

ЕВН Македонија АД известува дека денеска без електрична енергија ќе останат:
-во периодот од 09.00 до 14.00 часот, дел од корисниците на ул 100 и ул 21 во Волково (Општина Ѓорче Петров)
-во периодот од 12.00 до 14.00 часот дел од ул.3 во Ракотинци (општина Сопиште)