Македонија
СДСМ не гласаше за формирање на Комисија за работата на Иванов

Пратениците на СДСМ не гласаа за формирање на Комисијата за утврдување на одговорноста на претседателот Ѓорге Иванов, бидејќи сметаат дека треба да имаат повеќе членови.
Од СДСМ рекоа и дека одлуката ќе ја обжалат пред Управниот суд бидејќи сметаат дека е прекршен Деловникот.Комисијата која треба да расправа дали со аболицијата Иванов ги прекршил Уставот и законите, ќе брои 11 члена, претседател ќе биде Зоран Илиоски од ВМРО-ДПМНЕ, од чија пратеничка група ќе има уште пет члена, по два од ДУИ и од СДСМ и еден од ДПА.Од вторник почнува да тече рокот од една недела во кој Комисијата за утврдување на одговорноста треба да подготви извештај за работата на претседателот Ѓорге Иванов. Комисијата беше формирана во вторник по бурна расправа помеѓу пратениците од власта и опозицијата.Опозицијата смета дека Иванов треба да биде разрешен поради аболицијата што ја донесе за 56 лица, најголем дел осомничени од специјалното обвинителство за афери кои произлегоа од содржината на прислушуваните разговори. Од опозициската СДСМ сметаат дека селективното повлекување на аболициите не е доволно и дека претседателот веќе ѝ нанел штета на државата.Иванов е првиот претседател на Македонија за кој е поведена постапка за утврдување одговорност.Најверојатно постапката за оценување на одговорноста на претседателот нема да го добие потребното двотретинско мнозинство во Собранието кога оваа точка ќе се најде на дневен ред, но и ако се случи тоа, ќе биде потребно тоа да го одобри и Уставниот суд, по што мандатот на претседателот престанува, и се распишуваат избори./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Исчистен паркот спроти Нова Македонија

Денеска, во раните утрински часови во координирана акција на инспекциските служби на Општина Центар и Министерството за внатрешни работи, беше расчистен јавниот простор спроти зградата на „Нова Македонија“, познат и како Паркот на новинарите.
Акцијата беше спроведена по теренска проценка и по пријава од страна на центарци, кои изразија сериозна загриженост за безбедноста и изгледот на просторот. Жителите пријавија случаи на нарушување на јавниот ред и мир, поставени шатори и физички пресметки, за кои постојат и видео-снимки кои се доставени до општината.
Градоначалникот Горан Герасимовски потенцира дека јавните простори мора да се користат согласно нивната намена и ги охрабрува сите граѓани навремено да пријавуваат неправилности до надлежните служби.
„Притоа, се водевме и од социјалната димензија на проблемот – на терен беше затекнато и едно лице со посебни потреби, што дополнително ја нагласува потребата од институционална поддршка. Иако Министерството за социјална политика, демографија и млади не беше дел од денешната акција, сметаме дека е морално и неопходно да се вклучи во понатамошниот процес за да се обезбеди соодветна грижа за ранливите категории. Јавниот простор мора да остане чист, безбеден и достапен за сите“, изјави Герасимовски.
Македонија
Салиу се вознемири од прашањето дали ќе си поднесе морална оставка по пожарот во Кочани и ги обвини новинарите дека му судат

Министерот без ресор, Шабан Салиу, кој од 2008 до 2017 година беше директор на Дирекцијата за заштита и спасување и опфатен е со обвинението за пожарот во дискотеката „Пулс“ во Кочани, во која загинаа 62 млади лица, денес се вознемири од новинарско прашање дали од морални причини би поднел оставка. Тој првин праша кој медиум му го поставува прашањето иако новинарката користи опрема со видливи ознаки, а место одговор на прашањето, се пожали дека новинарите му судат место судот.
„Не е коректно и не е фер новинарите да водат судска постапка. Има една општа пресумпција на невиност, која сите ја знаете – сѐ додека не бидам осуден, не сум виновен. Не чувствувам никаква вина и треба да оставиме судовите да донесат одлука и да ја водат постапката, а не надвор од судовите“, рече министерот Салиу, кој се појави на настан за одбележување на 2 август, ден кога стотици илјади Роми за време на Втората светска војна се убиени во логорите на смртта и им се заблагодари на премиерот и на Владата што овозможиле да се одбележи денот.
Не кажа дали размислува за оставка од морални причини.
Владата, пак, размислува дали да го разреши Салиу уште од април годинава. Во вторникот премиерот Христијан Мицкоски рече дека веќе е во комуникација со него за понатамошните чекори што треба да бидат преземени и дека ќе ја извести јавноста кога ќе има нешто ново.
Салиу заедно со 34 обвинети за пожарот во Кочани се сомничи за тешки дела против општата сигурност. Обвинителството соопшти дека за обвинетите од Дирекцијата за заштита и спасување постои сомнеж дека со неизвршување на должностите, спротивно на јавниот интерес, во целост го нарушиле системот за заштита и спасување.
На Салиу му е изречена мерка претпазливост и тој мора двапати недело да се пријави во судот.
Македонија
Шукова од Кисела Вода: Приоритет ќе ми биде целосно завршување на булеварот „Борис Трајковски“ до Драчево

Кандидатката за градоначалничка на Скопје и потпретседателка на СДСМ, Каја Шукова, заедно со кандидатот на СДСМ за градоначалник на Кисела Вода, Горан Трајковски синоќа одржа средба со граѓаните на Кисела Вода, каде разговараше за решенијата за клучните проблеми со кои се соочуваат.
-Приоритет број еден за Кисела Вида е конечно завршување на проширувањето на булеварот „Борис Трајковски“ целосно, до Драчево. Фазата на проектот кој започна во време на СДСМ, но со години тапка во место поради негрижата на локалната и централната власт на ВМРО-ДПМНЕ. Над 50 илјади граѓани се директно засегнати и со право прашуваат зошто булеварот не е завршен со години. Овој капитален проект е симбол на негрижата на ВМРО-ДПМНЕ во изминатите 4 години, но и моја јасна обврска, како градоначалничка, ќе го завршам булеварот и ќе обезбедам безбедно и брзо поврзување на Драчево, истакна Шукова.
Хигиената, како што рече, е основна урбана култура и грижа за здравјето на граѓаните.
„Ние ќе воведеме ред, ќе ги засилиме инспекциските контроли и ќе обезбедиме одговорно одржување на јавниот простор“, порача Шукова.
„СДСМ, Шукова и Трајковски остануваат на страната на граѓаните – со реални проекти, одговорност и визија за чисто, функционално и хумано Скопје“, нагласуваат од оваа партија.