Секторот за внатрешна контрола при МВР и СВР Скопје уште од синоќа имаат задача да испитаат дали е употребена прекумерна полициска сила на протестите во среда што се организираа против одликата на претседателот Ѓорге Иванов да ги аболицира сите политичари, каде беа повредени еден новинар и еден фоторепортер.
 

„Апелирам новинарите да бидат видно обележани во вакви ситуации. За секоја прекумерна употреба на сила, доколку се утврди, секој ќе сноси одговорност’, рече министерот за натрешни работи, Оливер Спасовски.Тој попладнево беше во посета на СВР Скопје каде одржа раборен состанок со началникот, за синоќешните протести.Спасовски е категоричен дека нема пропусти во раководењето на постапувањето на полицијата и апелираше до граѓаните мирно да протестираат.„Секој има право мирно и достоинствено да го изрази својот револт, но мора тоа да биде на ненасилен и на мирен начин. Апелирам да нема насилство и уништување на државен и приватен имот, да нема напади врз полицијата и граѓаните да ја третираат полицијата како чувар на безбедноста. Мора да се постапува според стандардната процедура и да нема употреба на прекумерна сила“, рече Спасовски.Според информациите на Спасовски, 13-те приведени сѐ уште се во полициска станица и се работи според насоките кои полицијата ги добива од јавното обвинителство.На новинарско прашање, зошто додека се демолираше Народната канцеларија на претседателот  Иванов немало кордон полиција, Спасовски рече дека полицијата цело време ги обезбедувала протестите, но според него, би требало да се има предвид дека групата се селеше од едно на друго место.По поништувањето на решенијата што ги донел Спасовски, од страна на премиерот Емил Димитриев, Спасовски вели дека министерството функционира нормалнио, но дека треба да запре оваа пракса бидејќи сето тоа влијае врз функциуонирањето на системот.Во врска со случувањата на границата со Грција, за каде има информации дека имало воена вежба на грчката полиција, Спасовски рече дека тие соработуваат со грчката полиција за да ја заштитат границата./крај/мф/ффс