Македонија
Штипјани се жалат и предупредуваат на несносливите санитарни услови во Клиничката болница
Додека потресени од тажната судбина на младата 26-годишна нивна сограѓанка којашто во понеделникот доцна попладнето почина на гинеколошкото одделение во Клиничкиот центар го очекуваат официјалниот извештај за трагедијата, штипјани предупредуваат на очајните санитарни услови во споменатата медицинска установа.
Телото на младата штипјанка е пренесено во Институтот за судска медицина каде ќе се утврди што било причината за нејзината смрт, односно дали се работи за докторска негрижа или за труење.
Во вторникот, пак, читатели од Штип испратија фотографии на тоалетите за кои тврдат дека ја укажуваат очајната санитарна состојба, токму на одделот на кој почина несреќната млада жена. Пациентите, исто така, се жалат на непрофесионалност, за нехигиена, руинирани објекти.
Очигледно е дека времето си го прави своето и 80-годишното постоење на штипската болница значи дека е неопходна потреба за дополнителни инвестиции, за да се задржи и подобри сликата за еден од и најзначајни клинички центри во земјата.
„Мизерни се условите во штипската болница, а градбата на ваква модерна болница би требало да се постави на пиедестал како регионална болница од врвен калибар, но како што реков во времето што претстои сега со овие криминални структури секако дека нема да биде ништо“, рече неодамна во интервју др Ангелчо Андоновски во врска со состојбите во штипската болница и најавата за изградба на современ медицински објект.
Во март годинава во Штип беше поставен камен темелникот на новата Клиничка болница, инвестиција вредна околу 30 милиони евра и во која здравствени услуги ќе добиваат над 200.000 пациенти. Клинички центар, според најавите на владата на заминување, со сите свои карактеристики и функционалности ќе биде здравствен комплекс „каков што досега не е изграден во Македонија“./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.