Македонија
СЈО ќе поднесе жалби за одбивањето на притворот на Јанкулоска и Божиновски
Специјалното јавно обвинителство ќе поднесе жалби на одлуките на Основниот суд Скопје 1 којшто ги одби предлозите на ова обвинителство за притвор на поранешната Министерка за внатрешни работи, Гордана Јанкулоска, секретарот на Владата, Кирил Божиновски и уште две други лица осомничени во случајот „Титаник“ кои во понеделникот до доцна вечерта беа на распитот во Судот.
Официјално одлуките на Судот за притворот се уште не се стигнати на адресата на Специјалното обвинителство кое има рок од 24 часа да ги обжали одлуките.Судот се уште не одлучил по жалбите што ги поднесе Обвинителството за првите четири лица од случајот „Титаник“ на кои им беше одбиен притворот во петокот, меѓу кои и на поранешниот Министер за внатрешни работи. Специјалното јавно обвинителство очекуваше одлуки на жалбите до понеделник вечер додека Судот толкуваше дека по жалбите се постапува во рок од 48 часа од времето кога спротивставените страни ќе ги примат жалбите за одговор.Јанкулоска во понеделникот вечерта го напушти Судот околу 22 часот по целодневен распит во Судот, но не сакаше да даде изјава или коментар за медиумите. Медиумите во Судот не гон регистрираа Божиновски. Со синоќешната одлука Судот ги одби предлозите за притвор за сите девет лица за кои бараше Обвинителството за изборни нерегуларности.Единствено алтернативни мерки им одреди на градоначалникот на Пустец, Едмонд Темелко и на членот на Општинската изборна комисија на Чаир, Исмет Гури. Темелко треба да се јавува во Судот во ресен еднаш неделно, а на Гури му беа одредени мерки за претпазливост.При обжалувањето на првичните одлуки, Специјалното обвинителство најави дека истрагата за овој случај продолжува./крај/мф/ффс
Извор: Фото: Al Jazeera Balkans
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

