Македонија
СЈО отвори две нови истраги

Специјалното јавно обвинителство отвори две нови истраги, соопштија во вторникот од Обвинителството.
Во краткото соопштение на веб страницата на СЈО се најавува прес-конференција којашто ќе се одржи во четврток, на 20-ти октомври во новите простории на Обвинителството на којашто ќе бидат презентирани истрагите.Специјалното јавно обвинителство досега има поднесено две обвиненија, едното обвинение за насилните протести пред општина Центар, каде првообвинет е поранешниот премиер, Никола Груевски и поранешниот Министер за транспорт и врски, Миле Јанкиески кои се товарат за поттикнување на насилство.Другото обвинение е покренато за уништување на документи за работата на Системите за следење на комуникациите, а првообвинет за ова е шефот на петтата управа, Горан Грујевски.Отворени се голем број истражни и предистражни дејствија за многу случаи, но досега никој од функционерите не заврши во притвор, освен битолскиот градоначалник, Владимир Талески кој беше во куќен притвор./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Резервоарот со нафта во Кочани бил празен и не е поврзан со дискотеката, рече Тошковски

Министерот за внатрешни работи, Панче Тошковски, потврди дека во близина на дискотеката „Пулс“ е пронајден резервоар за нафта, но вели дека тој е целосно празен и немало никаква поврзаност помеѓу сопственикот на резервоарот и менаџментот на дискотеката.
Претходно се појавија информации дека постоела опасност од разорна експлозија поради резервоарот кој се наоѓал блиску до местото на трагедијата.
Од Обвинителството во текот на денот објавија дека при увидот е констатирано дека постоел склад за гориво во близина на објектот, а сите други околности се испитуваат.
Македонија
Погребот на 59 починати во пожарот ќе се одржи во четврток

Погребите на 59 настрадани во пожарот во Кочани ќе биде во четврток, 20 март, соопшти директорот на Центарот за управување со кризи (ЦУК), Стојанче Ангелов, кој имаше заедничка прес-конференција со Митрополитетот на Брегалничката епархија г.Иларион.
„На погребот ќе присуствува и поглаварот на МПЦ, ОА г.г Стефан, ќе има и неколку владици од Синодот, повеќе владици од Синодот. Црквата прави се за овие чеда да бидат испратени на најдостоинствен начин од страна на државата, преземено се она што е потребно да се обезбеди достоинствен погреб којшто нема сепак да ја намали болката на оние коишто ги изгубија своите чеда толку млади“, изјави Ангелов.
Прашан дали во исто време ќе бидат погребите во сите градови и села низ Брегалничкиот регион, од каде што има загинaто деца и возрасни во пожарот во дискотеката во Кочани, Ангелов вели дека погребите ќе бидат во различен временски период.
„Погребот ќе биде во четврток, но точниот час ќе го определиме, односно ќе го определи МПЦ Синодот, бидејќи владиката сака да присуствува на повеќето места, затоа што се работи за чеда од неговата епархија. Дополнитлно ќе се утврди, каде ќе бидат, во колку часот, во кое место ќе бидат погребите најголем број жртви имаме во градот Кочани, Чешиново Облешево, Скопје, Пробиштип, Штип, Македонска Каменица“, информираше Ангелов.
Македонија
Незаконито и паушално биле изготвувани круцијални документи за работа на дискотеката во Кочани, информирше Тошковски

Досега за случајот со пожрот во Кочани се приведени 18 лица во СВР Штип и СВР Скопје, а задржани се 16 лица, од кои последното се товари за тешки дела против општата сигурност во врска со предизвикување на општа опасност. Лицето е потписник на основен проект за издавање на кабаре клуб – еден од документите потребни за да биде ставена дискотеката во функција. Ова го истакна министерот за внатрешни работи, Панче Тошковски на прес-конференција.
Тој рече дека постојат основи во насока на тоа дека незаконито, паушално биле изготвувани круцијални документи, предуслов за понатамошната постапка за ставање во функција на кабарето.
Извршени се разговори со 71 лице, од кои 42 во Скопје и 29 во Кочани. За 14 е изречена мерка притвор во траење од 48 часа. На единаесет лица им е одредена мерка притвор за тешки дела против општата сигурност во врска со предизвикување општа опасност, а на три лица за несовесно работење.
Извршени се претреси на две лица на Министерство за економија, одземена е техничка опрема, документација, оружје.
Претреси се извршени и кај управителот и одговорното лице во дискотеката, а документи во врска со дискотеката се прибираат и во општината, информираше Тошковски.