Скопје
Американско катче во општина Центар

По средбата во просториите на амбасдата на САД, помеѓу американскиот амбасадор Џес Бејли и градоначалникот на општина Центар, Андреј Жерновски, беше потпишан договор за отворање Центар за јавно информирање и активности. Американското катче ќе функционира во периодот од април годинава па се до април 2021-ва година.
Лаура Браун, советник за односи со јавност во Амбасадата на САД, посочи дека ваквите катчиња кои ги има во повеќе земји се можност за учење за американската историја и култура, помош за лицата кои сакаат да студираат во САД. „Возбудени сме за новата соработка со општина Центар. Ова е можност нова генерација на млади луѓе да се запознаат и да го шират пријателството меѓу двете земји“, рече Браун.
Ова влегување во партнерски однос помеѓу САД и општина Центар е исклучително значајно и носи придобивки за граѓаните на општината. „Влегуваме во партнерски однос, што е бенефит на граѓаните на општина Центар, бидејќи ќе имаат пристап до голем библиотечен фонд, ќе можат да добиваат информации за стипендии и ќе се запознаат со образовните програми во САД“, рече градоначалникот Андреј Жерновски.
Локацијата на американското катче е во катната гаража на Судска палата, обезбедена од страна на општината, а опремувањето и обезбедувањето библиотечна колекција е обврска на Амбасадата на САД. Катчето ќе го користат сите граѓани бесплатно и ќе биде отворено за јавноста во работните денови./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Посебен сообраќаен режим утре во Скопје

Од утре петок до сабота, во официјална посета на Р.С.Македонија ќе присуствува претседателот на Владата на Република Србија, Ѓуро Мацут.
Од тие причини Едницата за безбедност на патниот сообраќај ќе преземе мерки за посебен режим на сообраќај на подрачјето на град Скопје.
МВР апелира до граѓаните да се почитуваат наредбите што ќе ги даваат униформираните полициски службеници.
Македонија
Без струја денеска делови од Аеродром и Сопиште

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, корисниците од ул. Црноризец Храбар. (општина Аеродром)
– во периодот од 09.00 до 14.00 часот, корисниците од ул. 11 во Горно Соње. (општина Сопиште)
Македонија
Дел од Карпош денеска без вода

Од ЈП Водовод и Канализација известуваат дека денеска поради дефект на приклучна цевка на булеварот Партизански Одреди бр. 59а, без вода ќе останат корисниците лоцирани на десната страна на потегот од булеварот 8-ми Септември до Франклин Рузвелт. (општина Карпош)
Водоснабдувањето ќе биде прекинато во периодот од 09.00 часот па се до отстранување на дефектот.