Скопје
Кејот останува шеталиште – нема да се гради улица

Нема да се гради улица за интересите на бизнис партнерите на Никола Груевски во Центарот на Скопје. Кејот и натаму останува шеталите.
„Го спасивме Кејот на реката Вардар во Центарот на Скопје. Нема да се гради улица за приватни интереси на бизнис партнери, на Никола Груевски. Кејот останува шеталиште, со зеленило отворен за сите граѓани. Ќе добие и урбана опрема клупи,фонтани,жардиниери, исклучиво за пешаци“ изјави во вторникот Саша Богдановиќ во име на советничката група при Советот на Општина Центар.
„Успеавме да го заштитиме Кејот заедно со граѓаните. Ја спречивме намерата на Груевски и на Коце Трајановски да го уништат Кејот за да се реализира планираниот бизнис на партнерот на Груевски, Алек Теренова“ рече тој.
СДСМ, поточно советничката група во Советот на Општина Центар покажа дека во соработка со граѓаните може да се заштитат интересите на граѓаните, од намерите на урбаната мафија.
“Граѓаните на изборите покажаа дека сакаат совесни политичари. Времето на неодговорни политичари како Груевски и како Трајановски завршува„ рече Саша Богдановиќ./крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Герасимовски: Со новата механизација го исчистивме сметот во Центар

Градоначалникот Горан Герасимовски, информира дека во текот на вчерашниот ден хигиеничарите од општината со новата механизација за чистење го собраа целиот смет од улиците во Центар.
„Целиот смет е собран од центарските улици. Нашите вредни хигиеничари вчера чистеа и во населбата Кале, а потоа со цистерна ги миеја улиците. Самите го исчистивме Центар, додека Град Скопје и ЈП „Комунална хигиена“ го преплавија цело Скопје со смет. Им благодарам на хигиеничарите што секојдневно се на терен, неуморно работејќи за наша почиста општина“, рече Герасимовски.
Македонија
Без струја денеска дел од Карпош

Регионалниот центар за управување со кризи на Град Скопје, по добиеното известување од ЕВН Македонија АД, информира дека поради технички зафати во електродистрибутивната мрежа, денеска, без електрична енергија ќе останат:
· од 09.00 до 15.00 часот, корисниците од улицата Козле крак – 2, општина Карпош.
Македонија
Делови од Аеродром и Гази Баба денеска без вода

По добиеното известување од ЈП Водовод и Канализација, Регионалниот центар за управување со кризи на Град Скопје информира дека денеска поради планирани зафати без водоснавбдување ќе останат:
· поради изведување на водоводен приклучок ф 80 мм на улица Блажо Орландиќ бр.38 А, со прекинато водоснабдување ќе бидат корисниците на потегот од булевар Србија до улица Тодор Чангов. Водоснабдувањето ќе биде прекинато од 09:00 часот до завршување со работните активности. (општина Аеродром)
· поради дефект во шахта (промена на прв вентил ф 2.5“) на улица Ташко Караџа бр.3, прекинато водоснабдување ќе имаат корисниците од Ташко Караџа, Трифун Хаџијанев и Христо Ботев од 09:00 часот до завршување.(општина Гази Баба)