Скопје
Мицкоски: Кисела Вода се менува, за еден месец ќе се објави тендер за изградба на нова детска градинка во Расадник, а Драчево ќе добие ново основно училиште
„За мене претставува особена чест што сум денеска овде присутен на почетокот на изградбата на овој објект, оваа детска градинка. Објект што ќе значи дом за стотина дечиња понатаму. Објект што ќе значи нешто во што почнуваат најмладите во својот живот да се образоваат, да се дружат, да ги минуваат своите детски години од најраната младост. И објект што ќе значи додадена вредност во квалитетот на живот на жителите во овој дел од Кисела Вода. Уште еднаш ќе ми дозволите да им честитам на градоначалникот, на советниците, претседавачот на Советот, пратеникот во Собранието, кој доаѓа од Кисела Вода, за сето она што го прават за општината Кисела Вода“, рече претседателот на ВМРО-ДПМНЕ, Христијан Мицкоски.
„Самиот градоначалник напомена дека за еден месец од денеска најдоцна ќе се објави тендерот, како што добро слушнав, за изградба на уште еден ваков објект, детска градинка во населбата Расадник. Потоа тука е и основното училиште, кое ќе се гради во населбата Драчево.
Кога сето ова ќе се заокружи, доаѓаме до заклучокот дека најголемиот дел од програмата и повеќе од тоа што беше ветувано на изборите во 2021 година од страна на градоначалникот, администрацијата на Општина Кисела Вода ќе го реализира и испорача. И тоа заслужува честитки и пофалби.
И морам да кажам дека на овој начин само така треба да се продолжи да се гради Македонија. И така ќе ја вратиме довербата кај граѓаните“, изјави Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Пријавувајте проблеми со јавната чистота
Граѓаните може да пријават косење трева, реконструкција и санација на урбана опрема или собирање смет на јавните површини под надлежност на Општина Центар на телефонскиот број 076 350 767. Општина Центар и ЈП „Паркинзи на Општина Центар“ ги потсетуваат граѓаните дека проблемите поврзани со јавната чистота и други комунални проблеми може да ги пријават на општинските служби и хигиеничарите на ПОЦ да ги решат. Градоначалникот на општина Центар, Горан Герасимовски, известува дека досега на телефонската линија во ПОЦ се јавиле 159 граѓани кои побарале одредена услуга и за неа добиле решение.
„Ги повикувам граѓаните да ги пријавуваат проблемите. Хигиеничарите ги извршуваат своите дневни обврски по реони, меѓутоа свесни сме дека многу бргу по чистењето на одредена локација, пак може да се направи мала депонија или слично, затоа упатувам апел граѓаните да ги пријавуваат проблемите на телефонскиот број со цел службите побргу да ги решаваат проблемите со јавната хигиена. Во делот на урбаната опрема, службите на ЈП ПОЦ може да ги побарате и доколку во вашата околина има скршена клупа што треба да се реконструира, искршена лулашка или слично. Верувам дека ова ќе придонесе да имаме побрзи резултати и зголемување на јавната хигиена во општината“, повикува Герасимовски.
Герасимовски исто така праќа апел граѓаните да пријавуваат собирање кабаст отпад во сопствените домови, а не кревети, вц-школки и одредени габаритни работи да исфрлаат сами и тие да стојат на одредена локација со денови. Општината Центар потенцира дека доколку граѓаните бидат начекани дека оставаат кабаст отпад пред контејнерите, ќе бидат санкционирани од страна на комунален инспектор. Во меѓувреме, цистерната на ПОЦ неколкупати во неделата ги мие улиците и контејнерите со цел да ја отстрани непријатна миризба и да ги освежи улиците од насобрана прашина, информираат од Општината.
Скопје
Делови од Скопје денеска без струја
Според добиеното известување од ЕВН Македонија, Регионалниот центар за управување со кризи ги известува граѓаните на Скопје дека поради реконструкција и модeрнизирање на дистрибутивната мрежа денеска делови од Скопје ќе бидат без струја.
· во периодот од 08:30 до 15:30 часот без напојување ќе останат корисниците на дел од населбата на улица Дижонска, улица Ѓорѓи Димовски и дел од Виковарска во општина Чаир.
· во периодот од 09:00 до 15:00 часот без напојување ќе останат корисниците дел од населбата на улица Гаврил Константиновиќ во општина Аеродром.
Скопје
Утре без струја делови од Скопје
Според добиеното известување од ЕВН Македонија, Регионалниот центар за управување со кризи ги известува граѓаните на Скопје дека поради реконструкција и модeрнизирање на дистрибутивната мрежа утре без струја ќе останат делови од Скопје.
· во периодот од 08:30 до 15:30 часот без напојување ќе останат корисниците на дел од населбата на улица Дижонска, улица Ѓорѓи Димовски и дел од Виковарска во општина Чаир.
· во периодот од 09:00 до 15:00 часот без напојување ќе останат корисниците дел од населбата на улица Гаврил Константиновиќ во општина Аеродром.