Скопје
Мицкоски отвора чешми наместо капитални проекти во Скопје, вели Арсовска

Градоначалничката на Скопје, Данела Арсовска, по подолго време, се појави на седница на Советот на Град Скопје. Повторно дојде до голема расправија помеѓу неа, советниците од ВМРО-ДПМНЕ и претседателот на Советот, Трајко Славески.
Арсовска на седницата за обезбедување средства за помош на ЈСП „Скопје“ рече дека ниту еден проект нема да се откаже за доброто на граѓаните.
„Како сакате и да нема приватен превоз и да има автобуси во исто време. Како сакате 220 автобуси, што некој ги спроведува во јавниот превоз, а треба да се заменат со нови 250, а за кои не гласате, да се заменат кога се непостојни? Секој мицковист ги ветуваше овие работи и одеше со мене заедно од врата на врата. Јас фотографиите со Мицкоски ќе ги вадам лично да видат дека тој ги ветувал овие работи. Сега отвора чешми наместо да отвора капитални проекти во градот Скопје“, додаде Арсовска.
Арсовска од говорницата повтори дека од прв ден кажала дека ниту еден проект, кој е почнат за доброто на граѓаните, нема да се откаже, а дека тоа мицковистите не може да го разберат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Бутел и Аеродром

Од ЕВН Македонија АД известуваат дека денеска без електрична енергија ќе останат:
– во периодот од 08.20 до 12.30 часот, дел од корисниците од ул. 1 во населба Радишани. (општина Бутел)
– во периодот од 09.00 до 12.00 часот, корисниците од ул. Горно Лисиче лоцирани на потегот од Маг Комерц, А-М Стил, Феромонт Инжинеринг кон село Долно Лисиче. (општина Аеродром)
Македонија
Дел од Аеродром денеска без вода

Од ЈП Водовод и Канализација известуваат дека денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
„Водовод“: Поради прекини на струја дојде до два дефекти истовремено на главната водоводна линија

ЈП Водовод и канализација – Скопје известува дека поради повеќе краткотрајни прекини на снабдување со електричната енергија во регионот кај бунарите на Лепенец, предизвикана е варијација на притисокот на пумпниот систем од бунарите кон градскиот цевковод од каде се дополнува водоснабдителниот систем.
Како резултат на прекините на мрежата на електрична енергија, настанати се 2 дефекти истовремено на главната водоводна линија Ф-600, како и дефект во шахта на Ф-400 на еден од бунарите.
„Поради овие дефекти, во неколку населени места од градот дојде до прекин на водоснабдувањето, но по брзата рескција на нашите екипи водоснабдувањето постепено се стабилизира со цел да се избегнат нови појави на дефекти и дополнителни оптоварувања на системот. Екипите на ЈП Водовод и канализација веднаш излегоа на терен и работат интензивно на санација на дефектите, со цел во најкраток можен рок да се обезбеди целосна нормализација на водоснабдувањето“, се наведува во соопштението на ЈП Водовод и канализација – Скопје.