Скопје
Муцунски во пресрет на утрешниот верски празник: Правиме мали работи, но со многу љубов и искреност
Во пресрет на еден од најголемите верски празници продолжува поддршката што Општина Аеродром ја дава за народната кујна, која функционира во рамките на црквата „Св. Никола“ во Аеродром. Станува збор за хуманитарна организација поддржана од страна на Општина Аеродром, која на дневна основа обезбедува 100-ина оброци.
Честитајќи го утрешниот празник Богојавление – Водици, градоначалникот Тимчо Муцунски истакна дека преку донација на прехранбени производи продолжуваат активностите за поддршка на народната кујна.
„Во пресрет на еден од најголемите празници Богојавление – Водици правиме мали работи, но со многу љубов и искреност. Честитајќи го утрешниот празник, посакувам здравје и љубов. Моја искрена желба е во духот на религијата – поддршката, меѓусебната помош и хуманоста да станат наша секојдневна навика“, напиша Муцунски во својата фејсбук-објава.
Поддршката за ваквите иницијативи и конкретно за народната кујна во Аеродром е уште потврда за грижата и решеноста на Општина Аеродром да имбиде сериозна поткрепа на оние што имаат потреба од тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја шест скопски општини
Регионалниот центар за управување со кризи на Град Скопје, по добиеното известување од ЕВН, ги известува граѓаните дека, поради технички зафати во електродистрибутивната мрежа, денеска, без електрична енергија, ќе останат неколку скопски општини.
– Од 08:00 до 14:00 часот, корисниците од Славеј Планина, ул 376, Максут Садик, Стојко Јовановски, Прохор Пчински и дел од корисниците на бул Македонско-Косовска Бригада (општините Бутел, Чаир);
– Од 08:30 до 10:00 часот, корисниците од ул. 1, ул. Шар Планина (општина Ѓорче Петров);
– Од 09:00 до 12:00 часот, корисниците од дел од ул. Христо Татарчев 23 (општина Кисела Вода);
– Од 09:00 до 14:00 часот, корисниците од с.Кондово, Кучково, дел од Волково, Долно и Горно Свиларе, Рашче, Бојане, Копаница, Радуша(општини Сарај, Ѓорче Петров);
– Од 08:15 до 13:00 часот, корисниците од ул. 4, ул. 8 и ул. 1635 во населба викана Економија-Сингелиќ (општина Гази Баба) и
– Од 09:00 до 15:00 часот, дел од корисниците во Волково од кружен тек кон с.Кучково (општина Ѓорче Петров).
Скопје
Традиционалниот Илинденски марш оваа година помасовен
Здружението на граѓаните од Горно Лисиче „Илинденски марш 1978“ годинава подготовките ги почна порано од вообичаеното. Традиционалниот марш по повод еден од најголемите македонски национални празници – Илинден ќе се одржи 46. пат.
Причина за овие подготовки, како што информираат од Здружението, е огромниот интерес за учество на Илинденскиот марш, и тоа не само од Аеродром туку и од други општини и градови, како што се Кичево, Маврово и Свети Николе, така што се очекува традиционалната манифестација годинава да биде многу помасовна. Право на учество во маршот имаат сите заинтересирани мажи и жени од цела држава на возраст од 16 до 76 години, а досега покрај аеродромци, има пријавени коњаници од Кичево, Маврово и Свети Николе. Рокот за пријавување е до 30 јуни.
Коњичкиот марш почнува од паркот „Јане Сандански“ во општина Аеродром кога на коњаниците им се предава општинското знаме, а крајната дестинација е Крушево, каде што треба да стигнат на 2 Август. Коњаниците придружувани од фаланга и игроорци од КУД „Никола Јонков Вапцаров“, со звуците на зурлите и тапаните се упатуваат кон црквата „Свети Петар и Павле“ во Горно Лисиче минувајќи низ главните булевари на општината.
Пред испраќањето на илинденците секоја година се одржува свечена литургија по што традиционално се организира и богата музичка програма со настап на познати македонски естрадни уметници.
Општина Аеродром и оваа година финансиски ќе го поддржи Илинденскиот марш како една од најголемите и најзначајни манифестации во Аеродром, со што се негуваат традицијата и македонската култура.
Скопје
Ѓорѓиевски со Ристиќ и „Не биди ѓубре“ во акција за чистење на Кисела Вода
На Светскиот ден на животната средина, нова заедничка еколошка акција на градоначалникот Орце Ѓорѓиевски, општина Кисела Вода, градинките и училиштата од овој дел на градот, заедно со тимот на „Не биди ѓубре”, предводен од актерката и екоактивист Ирена Ристиќ.
Се чистеше на јавните површини низ целата општина, а на повеќе локации беа засадени дрвца и цвеќиња. Настанот беше заокружен со музичка манифестација во паркот „Македонија“ каде настапија дечињата двете градинки од општина Кисела Вода, а присутни беа и нивните родители кои задно со нив чистеа и садеа цвеќиња.
„Денес, кога на глобално ниво се одбележува Денот на животната средина, заедно со оргaнизацијата „Не биди ѓубре“ спроведовме заедничка акција за чистење. Наша позиција беше трим патеката, додека на други позиции работеа тимови од администрацијата, градинките и училиштата. Едновремено на повеќе локации беа засадени зимзелени дрвца и цвеќиња, а нашите најмлади oд градинките го одбележаа денот и со приредба во паркот „Македонија“. Во рамките на нашата долгорочна стратегија за здрава животна средина, општина Кисела Вода реализира повеќе проекти за подобрување на квалитетот на животот. Чистиме депонии, пошумуваме, градиме паркови и зелени спортско-рекреaтивни центри, се со цел да го подобриме квалитетот на животната средина и да го заштитиме здравјето на нашите сограѓани, но сепак, треба да се потенцира дека сите мора да бидеме одговорни и да дадеме свој удел во зачувувањето на средината во која живееме. Затоа, апелирам до сите жители да не создаваат отпад и правилно да го складираат и одложуваат постоечкиот. Воедно, на сите кои зедоа учество во денешната акција им благодарам, благодарам и на Ирена Ристиќ и оргaнизацијата „Не биди ѓубре“! Секој мал чекор што ќе го направиме денес, има големо значење за нашата иднина и за иднината на нашите деца“, изјави градоначалникот Орце Ѓорѓиевски.