Скопје
Подготвени триста божикни оброци за социјално загрозени семејства во Општина Кисела Вода

Сите на овој свет сме со некоја мисија, а мојата е да има што повеќе среќни луѓе, истакна градоначалникот на општина Кисела Вода, Орце Ѓорѓиевски кој, заедно со отецот Оливер, со својата сопруга и дел од кабинетот го мина Божикниот ден во црковно-народната кујна на хуманитарната организација “Свети Спас”, каде заеднички подготвија триста оброци за социјално-загрозените граѓани.
„Божиќ е празник на благослов, благодарност, подадена рака и најрадосен ден. И бидејќи радоста треба да се сподели со сите, денес подготвивме божиќен ручек за околу 300 наши сограѓани, во соработка со хуманитарната организација ,,Св. Спас” и мојот драг пријател отец Оливер, мојата сопруга и дел од мојот тим. Ви посакувам честит празник и неизмерна љубов во семејството, мир и бериќет. Посакувам сите луѓе да се среќни. Да правиме што повеќе добрини и да не очекуваме ништо за возврат бидејќи Бог ќе нѐ награди“, истакна Ѓорѓиевски.
Инаку Божикните празнувања во општина Кисела Вода беа одбележани со повеќе хуманитарни активности. Беа поделени хуманитарни пакети на повеќе семејства во социјален ризик, а со коледарски пакетчиња беа дарувани и дечињата кои беа дел од Бадниковата поворка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Посебен режим на сообраќај во дел од град Скопје поради излевањето на Маркова Река

Поради обилните врнежи од дожд на територија на град Скопје и излевање на Маркова река од речното корито, се уште е затворен за сообраќај во двете насоки локалниот пат село Горно Лисиче – село Долно Лисиче, како и влезот за село Батинци во двете насоки.
Од тие причини Единицата за безбедност на патниот сообраќај презема мерки за посебен режим на сообраќајот.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници.
Македонија
„Водовод и канализација“: Последен ден од акцијата за отплата на долгови, без пресметка на камата

ЈП Водовод и канализација – Скопје ја известува јавноста и граѓаните на град Скопје, дека акцијата за отплата на долговите без пресметка на камата за задоцнето плаќање завршува денес.
„Акцијата за отплата на долговите на рати без камата е со определено времетраење и започна од 17.02.2025 година, а завршува заклучно со 02.04.2025 година.
Ги повикуваме сите корисници кои имаат заостанат долг за потрошена вода (тужен и редовен), да ја искористат можноста за плаќање на рати без пресметана камата.
Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес утврден со закон, а организирани како агенции, фондови, јавни установи и јавни претпријатија основани од Република Македонија или од општините, од градот Скопје, како и од општините во градот Скопје.
По истекот на овој период одлуката престанува да важи“, соопшти ЈП Водовод и канализација – Скопје.
За секоја дополнителна информација за услугите на ЈП Водовод и канализација – Скопје контактирајте на:
02 3073 010, Дежурно Информативен Центар; 02 3240 300, Дирекција; [email protected]; www.vodovod-skopje.com.mk; www.facebook.com/jpvodovod.skopje