Скопје
Ѓорѓиевски: Целосно ги поддржуваме синдикатите во борбата за права на работникот
Претседателот на ЗЕЛС и градоначалник на општина Кисела Вода, Орце Ѓорѓиевски, денес присуствуваше на конфренција на тема „Влијанието на корупцијата и непотизмот врз реформите, платите и капацитетите на јавниот сектор“, организирана од Конфедерацијата на слободните синдикати.
На настанот, на кој говореа и директорот на Националниот демократски институт во Република Македонија, Дејвид Сид; претседателот на синдикалната организација на Агенцијата за финансиска поддршка во земјоделството и руралниот развој при Синдикатот на администрација и државна управа, Стефчо Негриески, и членот на македонското здружение за заштита при работа, Милан Петковски, Ѓорѓиевски ги изнесе своите видувања за намалување на можностите за корупција во општините бидејќи, истакна тој, таа води кон губење доверба кај граѓаните во институциите и во целиот систем.
„Императивот на секоја единица на локална самоуправа е да обезбеди квалитетни услуги за своите граѓани. Затоа и она што најмногу нè засега е јакнењето на капацитетите на нашата администрација бидејќи само со транспарентно и отчетно работење, со професионална администрација, односно службеници што имаат висок степен на личен и професионален интегритет, можеме да говориме за намалување на можностите за корупција“, истакна Ѓорѓиевски.
Во своето излагање најмногу се задржа на транспарентноста како модел на работа, кој ги олеснува откривањето и следењето на корупцијата.
„Тука говорам и како претседател на ЗЕЛС, но и како градоначалник на општина Кисела Вода, која за две години забележа скок во транспарентноста за дури 30 проценти. За ова да се случи, реализиравме крупни проекти – како јавната достапност на детаљните урбанистички планови, до кои во минатото не можеше да се дојде, воведувањето дигитални услуги за граѓаните, на јавни седници на Советот, вклучувањето на граѓаните при креирањето на буџетот и проектите, како меѓународниот конкурс за Расадник. На истата тема, со илустрации од сработеното, сакам да проговорам и од аспект на ЗЕЛС. Веќе 10 години општините издаваат дозволи за градење исклучиво по електронски пат или се продава државно градежно неизградено земјиште со јавни аукции, кои се спроведуваат електронски. И продажбата на движни и недвижни ствари на општините се реализираат електронски. Но морам да укажам дека ЗЕЛС исто така веќе пет години бара воведување и на електронски систем на плаќање на данокот на имот за што централната власт е глува“, истакна претседателот на ЗЕЛС, Ѓорѓиевски.
Тој говореше и за висината на платите на општинската администрацијата, која е друг значаен фактор за создавање професионална и стручна општинска администрација и за игнорантскиот однос на централната власт, која склучи колективни договори со синдикатите, а притоа ниту ги консултира ниту им префрли на општините дополнителни средства за да може договорените обврски да ги исплатат. Посебен преседан е и новиот предлог-закон за јавната администрација, потенцира Ѓорѓиевски.
„Во новиот предлог-закон за јавната администрација се дозволи да се стават и одредби со кои директно се кршат одредени, со Уставот гарантирани права на работникот. Додека само декларативно Владата се залага за професионална и стручна администрација, а ние во општините се соочуваме со недостиг на стручни кадри, преку предлог-законот за административните службеници се предвидува јавната администрација во општините за исто звање и одговорности да има помал бод на плата од вработениот во државната администрација. Тоа ќе доведе до напуштање на позициите во општините и вработување на стручниот кадар на централно ниво. Целосно ги поддржуваме синдикатите во оваа борба за правата на работникот. За мене, денешниот настан воедно претставува и продолжување на успешно почнатата соработка на ЗЕЛС со ККС и СОНК по средбата што ја одржавме во ЗЕЛС во ноември минатата година. Потоа, во декември, синдикалните претставници добија можност да ги изнесат своите барања и состојби пред сите градоначалници на седницата на највисокото тело на ЗЕЛС, а тоа е енералното собрание. Се договоривме дека преку дијалог и заемно разбирање ќе изнајдеме соодветни решенија, што ќе бидат најмногу во полза на нашите вработени. Јас и понатаму оптимистички гледам на разрешување на оваа ситуација бидејќи следуваат избори, кои, сигурен сум, ќе донесат нови кадровски решенија во Владата, кои во фокусот на своето работење ќе ио имаат граѓанинот и неговите права“, заокружи претседателот на ЗЕЛС, Орце Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Станкоска: Системските пропусти во јавниот превоз Орце ги решава со кампањи за подигање на свеста на граѓаните
Со небулози не можат да се покријат системските пропусти за нефункционирањето на јавниот превоз, констатираше советничката од редовите на партијата Левица во Град Скопје Евгенија Станкоска, коментирајќи ги предлог програмите на градоначалникот Орце Ѓеорѓиевски кои предвидуваат проекти за подигање на свеста за користење на јавниот превоз.
„Искрено, не сметам дека е соодветно да се троши време на банална програма. Сакам да ви прочитам само една точка. ‘Поддршка на проекти за подигање на свеста преку кампањи и друг вид на иницијативи за користење на јавниот превоз, користење на велосипедот како средство за превоз и подигање на свеста за јавната хигиена.’“
Според Станкоска, власта наместо да го лоцира коренот на проблемот, а тое е нефункционалниот јавен превоз, таа го лоцира проблемот во граѓаните.
„Не знам во кој град живееме? – Граѓаните чекаат 5-ка, чекаат 57-ца, чекаат 15-ка и чекаат по 45 минути или час. Граѓаните се многу повеќе од свесни дека треба да користат јавен превоз, но тој не е функционален. И вие, сега ќе решавате системски пропусти, со небулози. Покренувате иницијатива за подигнување на свеста на граѓаните.“
На крајот советничката од партијата Левица истакна дека поради неможност да се направат конкретни реформи и промени, власта го обвинува поединецот, во насока дека граѓаните се криви за состојбата во јавниот превоз или со отпадот.
Македонија
Реконструиран покривот на градинката „Пеперутка 1“ во Драчево
Градоначалничката на Општина Кисела Вода, Бети Стаменкоска Трајкоска, денеска беше во работна посета на објектот „Пеперутка 1“, во рамки на ЈДГ „8 Март“ во Драчево, заедно со Ѓоко Велковски, заменик-министер во Министерството за социјална политика, демографија и млади на Република Македонија.
При посетата беше извршен увид во реализираните градежни зафати, со кои значително се подобрува безбедноста и квалитетот на престојот во објектот. Имено, целосно е реконструиран кровот на градинката, при што е отстранет азбестниот материјал, кој е прописно и безбедно депониран согласно сите важечки законски и безбедносни стандарди. Дополнително, се менуваат и олуците, а ќе биде поставен и громобран.
Во објектот моментално се згрижени вкупно 100 деца, распределени во четири воспитни групи: две групи деца на возраст од 2 до 3 години и две групи деца на возраст од 4 до 5 години, известува општина Кисела Вода.
-Позитивниот ран детски развој е темелот врз кој се гради иднината на секое дете, а наша обврска како локална самоуправа е да обезбедиме безбедни, здрави и современи услови и за најмладите, но и за вработените кои секојдневно се грижат за нив. Овој објект и во минатото бил предмет на реконструктивни зафати, а ние ќе продолжиме континуирано да инвестираме во негово унапредување. Подобрувањето на условите во градинките е траен процес и останува висок приоритет во нашата работа. Посебно ме радува добрата соработка со Министерството за социјална политика, демографија и млади и со заменик-министерот Велковски, која очекувам да продолжи и во наредниот период, со заедничка цел, подобра грижа за децата и нивна посигурна иднина- изјави градоначалничката на Општина Кисела Вода Бети Стаменкоска Трајкоска.
Македонија
Герасимовски: Рекорден буџет и големи капитални вложувања за Центар во 2026
Градоначалникот на општина Центар, Горан Герасимовски, на денешната прес-конференција информираше дека усвоениот буџет за 2026 година е највисок досега и изнесува 1.217.450.000 денари, при што 43 проценти од вкупните средства се наменети за капитални проекти, предвидени во неговата програма за втор мандат.
„Во наредниот период се фокусираме на конкретни и трајни решенија за граѓаните. Инвестираме во дом за стари лица, нова детска градинка, граѓанско-административна зграда и инфраструктура за пофункционален Центар“, рече Герасимовски.
„Планирани се и значајни инвестиции во уличната инфраструктура, реконструкција и уредување на јавни површини, како што е потегот од Зелено пазарче до улица Македонија, но и изградбата на нова катна гаража во Буњаковец, со капацитет од околу 250 возила.
Се предвидуваат и значителни вложувања во зеленилото, а од септември 2026 година се воведува бесплатен оброк за учениците во целодневната настава, како директна поддршка за семејствата во Центар.
Зголемени се средствата за социјална заштита, во делот на поддршката на пензионерите и семејствата. За социјално загрозените пензионери се дуплира еднократната парична помош, додека еднократната поддршка за новороденче се зголемува од 7.000 на 10.000 денари.
Општина Центар и во 2026 останува посветена на подобрување на квалитетот и условите за живот на своите жители“, се додава во соопштението од Општината
Мицкоски: Лага е дека има договор за мигранти, граѓаните да бидат спокојни
„Јавноста да биде спокојна. Сè додека е оваа влада, нелегална миграција, легална миграција, како резултат на пропаднати апликации за азил,...
„Чичко, прскај нè оти така полесно дишеме“: Николов со потресно сведочење за трагедијата во„Пулс“
На денешното судско рочиште за трагедијата во дискотеката „Пулс“, сведокот Дејан Николов, сопственик на автосервис во близина на дискотеката, во...
(Видео) Филипче до Мицкоски: Граѓаните ли се талог затоа што ја критикуваат власта?
Претседателот на СДСМ, Венко Филипче, на денешната седницата за пратенички прашања во Собранието го праша премиерот Христијан Мицкоски дали кога...
Од водите на Вардар извлечено тело на машко лице
Вчера во 14:20 часот во СВР Скопје е пријавено дека околу 11:00 часот во водите на река Вардар, во атар...
Мицкоски: Груби побара да се избрише балансерот и за тоа ДУИ им должи извинување на граѓаните Албанци
Претседателот на Владата, Христијан Мицкоски на денешната собраниска седница за пратенички прашања истакна граѓаните треба да ја знаат вистината дека...
(Видео) Дали Венко, кој има златна виза за Дубаи, е партнер на Заев во градењето на 40-катницата во Дубаи, прашува Манасиевски
„Денес откриваме нови факти за бизнисите на Зоран Заев и Венко Филипче во Дубаи. По сведоштвото од страна на Томе...
Нацев кажа дека не бил во земјата кога се случи пожарот во „Пулс“ и се пожали на медиумски и јавен линч од безбедносни аналфабети
Судот ги слушна воведните зборови на сите 35 физички и три правни лица обвинети за пожарот во кочанската дискотека „Пулс“,...
Ѓорѓиевски за состојбата во која е затекнат Градот: Наследивме катастрофални 40, а сега имаме 400 милиони денари на сметка
На денешната седница на Советот на Град Скопје, Орце Ѓорѓиевски, градоначалник на град Скопје, се обрати со јасна и отворена...
(Фото) Спречен нелегален транспорт на оружје од Турција во Македонија
Вчера, со брза размена на информации преку центарот SELEC со Бугарската генерална дирекција за борба против организираниот криминал и Царинската...
Денес завршуваат воведните зборови на одбраната и почнува сослушувањето сведоци за пожарот во „Пулс“
Со воведни зборови на бранителите на агенцијата за обезбедување „Рубикон“, на компанијата „ММММ кафе“ и на Александар Нацев како неформален...
ВМРО-ДПМНЕ: Наводите за висококатницата на Заев во Дубаи добија сведоштво: „Тоа се милиони евра“
ВМРО-ДПМНЕ соопшти дека, според нивни наводи, поранешниот премиер Зоран Заев инвестира во изградба на 42-катна зграда во Дубаи, а заедно...
Тошковски: Прекршок ќе се регистрира од 57 километри на час при дозволени 50, толеранцијата како кај полициските радари
Толеранцијата на камерите од системот „Безбеден град“ ќе биде иста како онаа што се применува кај другите полициски радари, изјави...
Католиците во светот денес го слават Божиќ
Католиците, протестантите и другите верници кои се придржуваат до грегоријанскиот календар, денес ширум светот го одбележуваат еден од најрадосните празници...
Трката по суперинтелигенција: технологија што го менува светот или опасна илузија
Колумнистот на „Гардијан“, Рафаел Бер, пишува дека ако вештачката интелигенција не им го променила животот на луѓето во 2025 година,...
ФБИ пронајде повеќе од еден милион нови документи поврзани со случајот на Епстин
Американското Министерство за правда соопшти дека се откриени повеќе од еден милион дополнителни документи кои би можеле да бидат поврзани...
Променливо облачно со дожд и снег на планините, од утре стабилизирање на времето
Времето денеска ќе биде променливо облачно со повремени локални врнежи од дожд, особено претпладне во источните делови од земјата. На...
Апелација ја зголеми затворската казна за двајцата директори поради пожарот во модуларната болница во Тетово
Апелационен суд Гостивар ја преиначи пресудата за случајот со модуларната болница во Тетово и на двајцата обвинети им ја зголеми...
Бугарија понуди мазут за Македонија, од Владата уверуваат дека не е потребна надворешна помош
Бугарија ѝ понудила на Македонија итни залихи на мазут, со цел да помогне во надминување на кризата во снабдувањето со...
Мухамет Хоџа и Беким Сали се новите министри во Владата
Собранието ги избра Мухамет Хоџа за министер за животна средина и просторно планирање и Беким Сали за министер за европски...
Вработените во Народниот правобранител алармираат: Се наоѓаме во безизлезна состојба
Вработените во Народниот правобранител и двајцата преостанати заменици на народниот правобранител велат дека се наоѓаат во безизлезна состојба и дека...
