Скопје
Реконструкција и проширување на паркинг-просторот во близина на ООУ „Кирил Пејчиновиќ”

Повеќе простор за паркирање добиваат жителите на населбата 11 Октомври – згради. Градоначалникот на Кисела Вода, Орце Ѓорѓиевски, денес присуствувaше на почетните активности за изградба на нов и реконструкција на постојниот паркинг-простор во близина на ООУ „Кирил Пејчиновиќ“.
„Со голема динамика работиме на унапредување на условите за нашите жители, а создавањето дополнителен паркинг-простор е секогаш на врвот на приоритетите. Решавањето на предизвиците со сообраќајот во мирување значи помал метеж и поголема безбедност за пешаците. Ова е од особена важност бидејќи во непосредна бизина на денес почнатиот проект има основно училиште. Градиме нов простор за паркирање на речиси 300 м2, а целосно ќе го реконструираме и постојниот паркинг, кој се протега на површина од 1.600 квадратни метри. Напоредно продолжуваме со засилен ангажман за изнаоѓање нови локации во целата општина, каде што постои можност за изградба на паркинзи. Од нашата досегашна двегодишна работа произлегоа 1.320 паркинг-места. А тоа се 320 места за паркирање повеќе од она што беше ветено во мојата предизборна програма“, истакна градоначалникот Орце Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од Шуто Оризари денеска без струја

Од ЕВН – Македонија известуваат дека денеска без електрична енергија ќе останат:
· во периодот од 09.00 до 15.00 часот, дел од корисниците од Шуто Оризари место викано Пирков Рид. (општина Шуто Оризари)
Македонија
Улиците во Карпош вечерва во тотален мрак

Општина Карпош во моментов е без улично осветлување поради пад на системот.
Од Општината информираа дека во моментот се работи на отстранување на проблемот и повторно подигнување на системот.
Се очекува осветлувањето да биде нормализирано во најбрзо време.
Македонија
Општина Аеродром доделува 3.500 денари за првачињата

Општина Аеродром и оваа година ќе доделува еднократна парична помош за семејствата чие дете е прваче во едно од основните училишта на територијата на општината во висина од 3.500 денари. Рокот за пријавување е од денеска, 2 јули до 30 септември 2025 година.
Потребно е до архивата на Општината да се поднесат потврда за запишан ученик во прво одделение во учебната 2025/2026 година заверена од основно училиште од територијата на Општина Аеродром или основно училиште со ресурсен центар, фотокопија од извод од матичната книга на родените за првачето, како и на увид лична карта или патна исправа на барателот.
Образецот и изјавата за согласност за обработка на лични податоци што треба да се пополнат можат да се најдат на следниот линк:
http://aerodrom.gov.mk/dokumenti/formulari