Скопје
Се реновираат тоалетите во ООУ „Свети Климент Охридски“ во селото Драчево
Се реновираат тоалетите во основното училиште „Свети Климент Охридски“. Ова училиште, со својата стогодишна традиција, претставува значаен образовен центар во селото Драчево. Проектот има за цел да ги унапреди условите за учениците во периодот додека биде завршен новиот објект кој се наоѓа во непосредна близина и чија изградба неодамна започна. Старата училишна зграда, потоа ќе биде пренаменета за други образовни или културолошки цели, со што ќе се обезбеди продолжување на нејзината вредност за овој дел од градот Скопје.
-За Општина Кисела Вода инвестирањето во образованието на учениците е клучен приоритет. Обновата на тоалетите во ООУ “Свети Климент Охридски” е дел од нашата стратегија за унапредување на условите во образовните институции. За 1,5 до две години, ќе биде завршена и новата зграда за ова училиште, по што учениците ќе добијат модерни услови, а стариот објект ќе остане да функционира со друга намена. Покрај овој проект, во тек е и реновирање на тоалетите во ООУ “Кирил Пејчиновиќ”, а во ПОУ “Рајко Жинзифов” во Пинтија се гради нова спортска сала. Се надеваме дека овие инвестиции и сите кои ќе уследат по нив, ќе придонесат за подигнување на квалитетот на образованието и развојот на нашите млади генерации-изјави градоначалникот Орце Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Новите објекти во Кисела Вода се приклучуваат кон системот за централно греење
Новиот директор на „ЕСМ Дистрибуција на топлинска енергија“, Петар Милетиќ, оствари средба со засегнатите страни со цел да се реши прашањето за приклучување кон системот за централно греење во новоизградените и објектите, кои се во изградба на потегот помеѓу булеварот Борис Трајковски и улиците Михаил Чаков, Народни херои и Лазар Димитров.
„Поради неажурноста и неодговорноста на претходното раководство, топловодот не бил реализиран неколку години, но конечно новото раководство наиде на разбирање и решение за овој проблем со изградба на нов секундарен топловод“, велат од ЕСМ.
Се додава дека со изградбата на секундарниот топловод ќе се создадат услови за приклучување кон системот за централно греење. Инвеститорите на објектите во согласност со своите обврски, конечно, ќе може да ја завршат постапката за приклучување на објектите кон системот за централно греење.
Во согласност со одобрението за градење бр. 13-2942/3 од 24.7.2024 година и правосилност од 3.9.2024 година издадено од страна на Општина Кисела Вода, „ЕСM Дистрибуција на топлинска енергија’ ДООЕЛ Скопје ќе почне со изградба на нов секундарен топловод А3.010 од постојна шахта 010 на вод АЗ, делница 005, за планирани објекти според ДУП Ј13 за населбата 11 Октомври, Скопје.
Исто така, како што се додава Милетиќ, во најкус временски период потпиша 27 согласности за испорачување на топлинска енергија во новоизградените објекти.
„Граѓаните може да бидат спокојни. Активностите ќе се изведуваат експедитивно, без застој и навремено, тоа јавно го ветувам“, истакна директорот Милетиќ.
Скопје
Изминатата седмица санкционирани 94 непрописно паркирани возила во општина Центар
ЈП Паркинзи на Општина Центар и Општина Центар во соработка со Сообраќајната полиција-Скопје во периодот од 09.09. до 15.09.2024 година, со помош на специјалните возила „Пајак“ отстранија 94 непрописно паркирани возила кои го попречувале нормалното и безбедно одвивање на сообраќајот.
„ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на Општина Центар“, велат оттаму.
Скопје
Делови од Чаир без струја
Од ЕВН Македонија АД известуваат дека без електрична енергија ќе останат:
– во периодот од 08.00 до 13.00 часот, корисниците од улиците Славеј Планина, Кримска, Прохор Пчински и Топаанска (општина Чаир).